即時體育
2024-03-01 15:27:42
專欄|曼市打吡 「城」竹在胸
英超第27輪將上演曼市打吡,兩位2月最佳領隊候選人將在曼城主場大鬥法!
主隊藍月亮近態大勇,各項賽事錄得17場不敗佳績,繼續與利物浦、阿仙奴成三頭馬車追逐英超冠軍。自中場大腦奇雲迪布尼復出,佢嘅出波能力同埋傳送走位都令曼城前線組織更有效率,亦為射手艾寧夏蘭特製造更多供應。球隊上場足總盃大炒盧頓6:2,當中迪布尼有4次助攻,夏蘭特更一人炮製5個士哥,勢不可當。
紅魔鬼上場英超被富咸終止聯賽4連勝走勢,但足總盃以1:0輕取森林。可惜入波停不了嘅射手海倫受傷,令拉舒福特被逼要放喺正箭頭,效果卻未如理想,而左閘勞基梳爾亦因傷缺陣,若今場將拉舒福特放置邊路,攻力亦大打折扣,相信曼聯難逃一劫。佩芝
—–
《星島申訴王》推出全新項目「區區有申訴」,並增設「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://bit.ly/3uJ3yyF