港产大熊猫｜凑仔唔容易 盈盈凑B攰到垂低头面壁坐

要凑大一个BB，棉干絮湿少啲心力都唔得！早前诞下龙凤胎的海洋公园大熊猫盈盈，更加要双倍给力，幸好有海洋公园护理员会协助盈盈交替照顾一对大熊猫龙凤胎。

海洋公园今（8日）发放最新的相片，其中一张相只见盈盈垂下头面向墙壁而坐，园方配上文字「凑仔真系唔容易……唞吓先」，右方地上相信是「细佬」一脸睡眼惺忪地「嗯….？」，仿佛疑惑妈妈在哪儿？终于盈盈唞够气后，「嚟啦，嚟啦」再次抱起「细佬」，拥入怀中安抚，再用舌头舔其身体，尽展母爱。

画面洋溢母爱，网民纷纷留言为盈盈打气：「为全世界妈妈鼓掌，盈盈会有双倍掌声，因为要凑双胞胎家姐同细佬」、「妈妈＆工作人员辛苦晒」、「凑孖B真系唔容易啦，一只轮完到一只嚟，盈盈加油呀，妳得嘅，呢啲辛苦嘅时间好快过」，「加油吖盈盈，妳系好妈妈」。