特快公屋收樓前先睇樓 戶主感恩 網民好奇單位原本有咩問題|Juicy叮
一年一度的「特快公屋編配計劃」已進入楝樓階段,有申請人做足功課,成功選到心儀單位,開心特快上樓之餘,在回應網民提問時還提供不少具建設性的實用上樓資訊。
樓主日前在「公屋討論區 – 香港facebook群組」發帖,指「特快公屋,去之前做晒功課選咗十幾個單位,揀樓前一日逐個單位去視察環境,第一志願揀咗竹園南邨,去到揀樓當日發現自己心水只剩下呢個,就好似上天安排嘅一樣,感恩」。
特快公屋戶主睇樓逐張睇↓↓↓↓+ 網民虛心學習上樓資訊↓↓↓↓
樓主:行幾百米就係地鐵站
樓主續稱「收到信去睇樓景觀開揚,環境配套十分好,一行上去就係街市商埸,行幾百米就係黃大仙地鐵站,祝各位早日派到心水樓安居樂業」。
在回應網民提問時,大讚「間屋好舒服」的樓主提到,位於竹園南邨的新居屬「4-5人單位」、「380尺」、月租「2410幾元」,並透露「下星期拎鎖匙」、「下星期三收樓」,且強調「有公屋住已經好感恩」。
特快公屋戶主睇樓逐張睇↓↓↓↓+ 網民虛心學習上樓資訊↓↓↓↓
網民好奇位有咩問題
由於是「特快單位」,有網民好奇「呢個(單位)有咩問題?」,樓主大方回應指是「自然身故」,網民於是教路「到時拜下四角就可以了」、「當普通單位咁住就得,恭喜晒」。
樓主睇樓後上載了單位間格和景觀相片,幫眼的網民均作好評,指「好開揚」、「好好喔,無遮擋」、「冇得輸,正南向維港,高層開揚」。另有人指「呢個公屋設計好人性化,真係幾好,有露台可以晾衫,間隔都四正容易擺位又開揚無遮擋」、「呢啲露台好好用」、「呢啲露台可以種植物。晾衣服通風易乾」、「望落唔錯,開揚又正四」、「正啊,咁開揚好四正!」。
特快公屋戶主睇樓逐張睇↓↓↓↓+ 網民虛心學習上樓資訊↓↓↓↓
在回應網民提問時,樓主提供了大量具建設性的上樓資訊:
•「我自己慢慢睇擇自己心儀單位,跟住去實地考察,度下座向同睇下有啲乜嘢鄰居,然後再篩選」、
•「你拎住封收樓信去屋邨辦事處講話想去睇下間屋就可以啦」、
•「自己擇唔使寫你志願㗎,寫都係寫比自己睇,跟住排號碼優先次序擇樓囉, 如果你畀排前面嗰個揀咗你心水單位就冇,所以你一定要做定功課,選多幾個單位做後備」。
其他有用上樓資訊詳見下圖↓↓↓↓
選「特快公屋」過來人已安居樂業
帖文還引出同樣選住「特快公屋」,現已安居樂業的過來人發言↓↓↓↓
•「我都係特快,做足功課講出十幾個單位去了10個8個邨,最後一日見到一個漏網之魚,只係同對面屋有爭執搬走的。正啊高層望內園景,和諧式5-6人單位,好新正。揀樓嗰日第一批,馬上要揀咗。安居樂業四年了」。
•「我上年都係特快公屋,揀咗(青衣長青邨)呢個單位,同你嗰款差唔多只係廚房門口不同! 我係呢區第一個揀,所以非常開心!」。
在回應「個景好靚,咁靚樓點解會係特快單位?」提問時,網民指出「因為井字型40幾年樓齡,好多人都唔要!同埋佢門口有一小級,輪椅難推入去,所以編咗去特快!其實好多井字型都編咗去特快!當年我哋有成30幾個單位可揀,當然有啲係凶宅或者係自然身故啦,咁其實有好多都係話輪椅難推到入去,所以變咗去特快」。
「特快公屋編配計劃」成上樓捷徑
本港的公屋輪候時間高企不下,房屋署每年均會推出「特快公屋編配計劃」為基層家庭提供上樓捷徑。在今年度的「特快公屋編配計劃」下,合資格人士已於9月13日起揀樓。「特快公屋編配計劃」推出的單位分布於各區公共屋邨,部分單位鄰近垃圾房或曾涉不愉快事件,如自殺、意外身亡、自然身故、追討欠債等。
「特快公屋編配計劃」(2023) 申請須知↓↓↓↓
今年接31980宗申請超額15倍
房屋署早前表示,今年的計劃提供約2000個單位,並連續第二年推售「綠置居2019」青衣青富苑和柴灣蝶翠苑貨尾單位,提供約179伙。
數字顯示,今年共接獲31980宗申請,超額申請近15倍,即約16人爭一個單位,較去年約4萬宗申請大跌三成;而購買綠置居貨尾單位的申請則有8450宗,超額約46倍,即47人爭一個單位。
「特快公屋編配計劃」詳情可瀏覽這網頁↓↓↓↓
https://www.housingauthority.gov.hk/tc/flat-application/express-flat-allocation-scheme/index.html
公屋居屋相關新聞:
公屋睇樓保安入屋前竟敲門 事主疑有「污糟嘢」 知情人爆真相
有網民獲派公屋要睇樓,發現保安入屋前竟敲門,事主懷疑保安知道單位有「污糟嘢」,因此有此舉動,發帖求救,結果引出知情者講真相。
該網民在「公屋討論區-香港facebook群組」的求救帖表示:「好驚!今日公屋睇樓,保安入屋前竟然敲門…入面係咪有污糟野?」
網民:應該係?
帖文引發熱烈討論,部分網民斬釘截鐵表示:「係!」「應該係!」
但有網民則指若為兇宅,房屋署應該會事先通知,「…鬼屋會在信上寫著『有問題公屋』,因為死過人,你可以先看看信裡有無寫。」
其後有「過來人」表示亦遇到相同情況,他查問過有關保安獲告知拍門的真正原因:
公屋睇樓保安入屋前敲門 原因是…↓↓↓↓
內容詳情請看↓↓↓↓
原文詳見:公屋睇樓保安入屋前竟敲門 事主疑有「污糟嘢」 知情人爆真相
廁所大變身|慈正邨住戶:房署免費整浴缸變企缸 符合條件仲可加建一樣嘢
公屋二派青衣長青邨機場工友嫌三嫌四唔住網民嘩然
港男「癲輪」公屋18年避做長工 自甘下流「零積蓄」住劏房 最後結果係…
公屋首派即中「樓王」竟放棄!「炫富」自稱嫌太近地鐵 網踢爆疑似內情係…
港女輪候公屋13年獲派彩園邨凶宅稱感恩 網民 : 做人豁達啲好
公屋新舊樓優劣惹熱議 網民:舊樓住地點新樓住質素
23歲港女「炫富」排公屋僅兩年極速上樓 靠「這原因」首派成功引熱議
港婦等8年首派深水埗白田邨 稱交通方便惟因一問題忍痛拒絕
港媽獲派天晴邨凶宅月租逾1800元 為兩孩成長放棄接受編配
2人家庭收青富苑揀樓書 僅剩187呎單位感糾結
抽中居屋 業主教路3大步驟:10萬元搞掂全屋裝修傢俬電器 網民半信半疑
—————
《星島頭條》APP經已推出最新版本,請立即更新,瀏覽更精彩內容:https://bit.ly/3yLrg