即時港聞
2023-09-24 07:46:46
西九奪命工業意外|死者親友寓所外拜祭哭聲震天 遺孀:原定12月出席細女畢業禮
西九龍柯士甸道西一個地盤發生奪命工業意外,63歲劉浩祥與61歲郭伙記被發現倒卧在管道6米地底,懷疑吸入氣體不適暈倒,送院搶救後不治。劉浩祥的家人在醫院認屍後,隨即趕回元朗的寓所進行拜祭,其間劉的妻女悲從中來,掩面痛哭,又喊道:「返嚟啦!你死得好慘呀!一句說話都無講低,死咗都無人知呀!」。
死者劉浩祥的遺孀及兒女到醫院認屍後,立即趕返位於元朗朗屏邨的寓所進行拜祭。他們一行7人在寓所外燒衣及點香拜祭,其間眾人神情哀傷,不時傳出有哭泣聲,遺孀手持香燭向天呼叫:「爸爸返嚟啦!你死得好慘呀,真係無陰公呀!一句說話都無講低,死咗都無人知呀」,現場一片愁雲慘霧,令人傷感。
死者劉浩祥。
劉浩祥細女向記者表示,爸爸是家中經濟支柱。
劉浩祥細女哭成淚人,情緒幾近崩潰。
死者劉浩祥的家人在寓所外燒衣及點香拜祭。
劉浩祥的家人於元朗的寓所外進行拜祭。
劉浩祥的家人於元朗的寓所外進行拜祭。
劉浩祥的家人於元朗的寓所外進行拜祭。
相關新聞:西九奪命工業意外│兩死者家屬醫院哭崩 質疑昨天已出事:冇人睇住㗎咩?
相關新聞:西九兩工人昏迷地底 疑吸入沼氣送院不治
劉浩祥細女向記者表示,爸爸是家中經濟支柱,一直都擔起照顧一家人的重任,平日放假都會與家人去酒樓飲茶消遣,而她原定今年大學畢業,12月舉行畢業典禮,爸爸當時更明言會準時出席畢業禮,可惜命運弄人,如今已陰陽相隔,「諗住我畢業啦終於出身,一家人之後去泰國或者日本旅行下,輕鬆下,點知……」,其後劉浩祥細女更哭成淚人,情緒幾近崩潰。
劉浩祥細女情緒稍為平定後表示,爸爸平日都會OT,但都會主動告知,但昨夜起失去聯絡,令他們擔心不已,「琴日爸爸無返嚟,我哋搵極都搵唔到佢,直到今朝有人上門拍門,我哋先知佢出咗事」。她指目前全家人最希望知道爸爸在管道發生何事,為何爸爸與另一工人會通宵被困管道內,「好想要個解釋,要知道邊個係負責人,點解會發生咁嘅事,邊個人嘅責任?點解兩個工人喺密閉空間入面做嘢,管工會離開咗。呢個係工業意外,但都有人為責任,講到底我都係想要一個解釋。」
63歲劉浩祥昏迷由救護車送院,可惜最終不治。劉漢權攝
61歲郭伙記亦昏迷被送院。劉漢權攝
救援人員在地底下約6米的管道位置救出工人。讀者提供圖片
肇事的地底現場環境曝光。讀者提供圖片
肇事的地底現場環境曝光。讀者提供圖片
63歲劉浩祥被救出時已陷入昏迷。楊偉亨攝
63歲劉浩祥被救出時已陷入昏迷。楊偉亨攝
61歲郭伙記被救出時亦昏迷。楊偉亨攝
61歲郭伙記被救出時亦昏迷。楊偉亨攝
現場是柯士甸道西地盤。楊偉亨攝
相關新聞:西九奪命工業意外│兩工人6米深地底管道被救出 現場救援情況曝光
相關新聞:西九奪命工業意外|港鐵:涉及「圓方」冷氣系統海水冷卻喉管更換工程
相關新聞:西九奪命工業意外|專家質疑冇人監察2死者地下管道作業:成個制度崩潰咗
—