打工仔不满同事无派散水饼 网民唔撑反而咁讲......|Juicy叮
有网民日前以「同事last day竟然唔派散水饼」为题发牢骚,回应的网民却普遍反对派散水饼,反而有不少人的想法是「散水饼真系无谓,熟的食餐饭就算」;另有向前看的网民认为「辞职大多是因为对公司待遇或同事不满才离开,与其派散水饼,不如返新工派饼好过」。
楼主指「公司有位同事last day,系公司都做咗差唔多一年啦,唔知系唔系因为佢00后,唔识啲人情世故,佢竟然last day都唔派散水饼畀其他同事,虽然同佢都唔系好熟,平时讲嘢都有啲代沟咁,但平时工作上都照顾佢唔少啦。之后上司问佢点解唔派散水饼,佢话因为佢唔记得咗买,真系last day都一啲都唔上心,虽然以后都唔会再见到,但呢啲点都要做足先得㗎!」。
网民回应:
回应的网民口径普遍统一,大多持反对派散水饼态度:
●老冯要派水饼㗎咩?唔派犯法㗎?
●我从来都唔派,觉得很无谓。公司里一定有令人讨厌的同事(一定唔派),既然系咁便直头唔派算了。
●离职一定要派散水饼的吗!当年我裸辞都冇派,因为极度唔开心走,亦都冇心情派!
●检讨下点解唔派畀你哋啦,而且合约写要做㗎咩?
●做到唔开心就唔会派。
●唔派散水饼就有问题?
●咁人哋辞职走,咁有无人请佢食farewell饭?
●人哋都唔想买呢,亦无义务买。
●我又唔觉得散水饼有几重要。
●要转工通常都系做得唔开心,仲边会派散水饼呀 !
另有人分析利害指,「人哋唔做唔系应该你哋请佢食饭送行先啱咩?散水饼?睇下做边行囉,需要人际关系嘅工咪买囉,唔需要嘅买嚟做乜?唔使钱呀?」
另有打工仔引述自我经验称,「我今日last day都没派。同样地,他们也没有farewell lunch。我一早已经同佢地讲唔要大搞。大家都系打份工。打工系为钱。何必为了形式而大费金钱?」
网民撑与相熟同事食饭欢送
说著,不少网民反而支持相熟同事食饭欢送的做法。有人指,「老老实实,虽然我做的都系细公司,同所有同事关系都算唔错,但都唔系个个同事走都会派散水饼,可能佢会叫几个比较相熟的同事一齐出去食午饭就算,然后最后一天,同大家讲bye bye」;「散水饼真系无谓,熟的食餐饭就算」、「last day就一定要派散水饼嘅咩,我公司有同事在last day 都唔会派散水饼,只是会私底下同最熟的同事食饭farewell」。
另有网民指,「睇公司文化同做咗几耐,如果同事有同你食餐饭都会派嘅」、「辞职大多是因为对公司待遇或同事不满才离开,与其派散水饼,不如返新工派饼好过」。更有人讲威水史,称「我系上两次last day无派饼,反而老板请我食饭」。
帖文来源:香港讨论区
同场加映:
49岁女同事日日撩人夫 旁人公开对话:呢句算唔算「性暗示」
有网民在社交专页发文大吐苦水,公司有49岁女同事日日「姣撩」已婚男同事,楼主公开对话内容,坦言「日日被迫睇呢啲场面真系人都癫」,网民对于女同事撩人夫的说话,有否「性暗示」引发讨论。
49岁女同事撩人夫 呢句算唔算「性暗示」?↓↓↓↓
「开洗衣机」都系性暗示?「心姐」谢雪心分享有趣性暗示↓↓↓↓
「摇头」「眨眼」点藏性挑逗?TVB女艺人示范性暗示动作↓↓↓↓
「MBA」唔系学历咁简单!交友APP性暗示术语唔讲唔知↓↓↓↓