Juicy叮｜大專生分享父母對大學迷思 一點惹網民羨慕

大學生的校園生活與中小學截然不同。有大專生在網上發文，提到自己的父母對於大學沒有概念，因此會詢問有趣的問題。不過，其中一點卻令網民甚為羨慕。

該名大專生日前在Dcard討論區以「屋企人對大學嘅認知好有趣」為題發文，提到自己的父母只有小學學歷，「佢哋對於大學嘅認知係0」。樓主指，與父母聊天時，他們會詢問多個有趣的問題，包括「啲老師會唔會關心你㗎」、「宿舍有冇老師會管你哋㗎」、「點解你今日又唔洗翻學」及「班主任會唔會管好嚴」等。樓主續指，雖然父母對於大學沒有概念，「不過我每次都會好樂意同佢哋分享大學嘅生活，雖然都知佢哋唔係好聽得明，但佢哋每次聽嘅時候都會好開心」。

不少網民直言對於樓主與父母的關係感到羨慕，並指「原po睇嚟同父母關係幾好」、「好羨慕原po你同屋企人嘅關係咁好」、「你一定同你父母感情超好，有時我阿媽問起點解唔洗返學，我就已經有小小炆」、「我喺短短幾十字見到好多愛，超級羨慕」等。

另有部分網民則分享相關經歷，並指「阿媽：點解學校唔出通告嘅？」、「我dayoff喺屋企嘅時候，我阿婆都會係咁問我點解今日唔洗翻學，每個禮拜問一次，好搞笑」、「我老豆每次返到屋企見到我嘅話都會問點解你喺到嘅？今日唔洗返學咩？」、「笑死我媽成日都問我做咩又唔洗返學做咩咁快放假做咩冇功課」、「我阿爸以為大學畢業，第一名係博士，第二名係碩士，第三名係學士，其餘唔合格就係副學士。我諗佢係用咗科舉制度去想像大學，狀元榜眼探花」等。

帖文來源：Dcard討論區