苗侨伟淡出幕前做生意同刘德华有关?自爆当年复出拍《学警雄心》压力大:唔可以失威
66岁苗侨伟(三哥)入行超过40年,多年来外型一向fit爆,身上零赘肉,肌肉线条亦相当明显,佬味极浓,即使面对一班来势汹汹的小鲜肉,依然未有被比下去。近日苗侨伟接受同期训练班同学谭玉瑛的访问,自爆当年复出拍《学警雄心》竟然觉得压力甚大!
相关阅读:苗侨伟大女苗彤晒Body出“股”惑!越大越靓有星味 IG藏海量性感泳照
苗侨伟自爆复出拍《学警雄心》压力大:
苗侨伟与谭玉瑛相识于80年代,两人是训练班同学,谈到“三哥”这个称号,苗侨伟说:“𠮶阵有部电影个角色名叫三哥,叫得我最大声嘅系小黑柯受良,佢离远见到我就好大声叫三哥,自此之后个个都叫我‘三哥’,叫三哥几好吖,又稳阵,又唔使做大哥,大哥有事就二哥顶上,三哥最安全,听下听下又啱我,所以我非常乐意人哋叫我三哥。”
入行超过40年的苗侨伟,形容自己的演艺事业分了两个阶段,第一部份是训练班后加入TVB,因“五虎将”合约问题遭公司雪藏,离开咗TVB就加入影圈,他说:“我同刘德华死都唔续约就畀人雪,之后刘德华入咗电影圈有好大成就,我就好唔好彩,离开咗TVB之后都系发展电影,刘德华成日拍啲大戏,但系我就成日畀人叫去客串。当时我有做眼镜生意,喺90年代初生意仲唔错,于是把心一横唔鬼拍戏,专心做生意,做咗14年,到2004年有人买盘,我又有返啲时间,咁啱监制梁家树咁啱揾我拍《学警雄心》,就开始咗我人生第二个世纪,2004年复出都而家都二十年。”
苗侨伟自爆当年复出拍《学警雄心》压力甚大:“𠮶阵复出都系谂住返番嚟玩吓,个心态又会点呢,可能做咗10几年生意,个人沉淀咗,觉得做好目前嘅嘢。不过𠮶时对住吴卓羲,呢个又系牙尖嘴利,之后又对住黄宗泽、林峯,佢哋同我合作时只系廿几岁,而家个个变晒中佬。当时拍《学警雄心》好大压力,因为我做教官,有好多对白,成页纸对白我讲晒,一路训话,个身已经湿晒,又唔可以喺班后生面前失威,‘哗,前辈嚟㖞,五虎将又NG呀’。”
苗侨伟大女苗彤出“股”惑?
苗侨伟年轻时不懂取悦女生,性格又木木独独,谈到当年与戚美珍为何结婚?苗侨伟透露跟戚美珍于82年认识,90年结婚:“当年大家都钟意小朋友就结婚,𠮶阵唔知点解咁早结婚,为咗棵树冇咗个森林,都系缘份啦!𠮶时我都冇谂过粉丝钟唔钟意,我冇刘德华咁劲,佢可以保密几十年,我保密唔到,可能我哋去嘅地方太张扬,横掂都畀人影,不如公开。”
现年66岁的三哥永不言休,直言会做到观众不喜欢看自己为止,“我又唔会话几时唔做,有人揾就做,唔使去强求。呢行做咗几十年,好讲运气、际遇,再讲努力,呢行好多人都好努力,但冇运气同机会;以前好多人埋怨7日7夜冇瞓,又要挨通宵,好多人都好想挨,我自己从来唔会埋怨,接咗工作时,当然最好有时间休息,我会交到好功课,好辛苦时都唔会埋怨,尽量去配合。”
其他文章:
苗侨伟大女苗彤火辣三点式再现人前!零赘肉Body惹人羡慕 颜值超越妈咪戚美珍
苗侨伟32岁长女加拿大出道终成女主角 样靓身材正不靠父荫拒绝选港姐
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。