何太食住粟米自夸过神仙生活!何伯做“阿四”被嫌口臭:讲嘢唔好咁近
何伯及何太因《东张西望》“成名”而变话题人物,近日事态又有新发展,翁静晶日前在YouTube频道“危险人物2.0”为内地农民何志华寻妻,翁静晶当中所提及“何太”的资料,何太随即被网民列为“嫌疑人物”!何太今早(26日)连开两场直播,继续态度轻佻闹黑粉,还一度嫌何伯口臭!
相关阅读:何太神隐一晚终开腔!声称被屈重婚轻佻反击 何伯:佢系有大陆老公
何太连开两场直播继续态度轻佻闹黑粉?
今早连开二场开直播,最初何太轻佻地食住粟米说:“我点会收X呀?你哋屈我咁多次,我咪仲好地地?出现喺全世界面前,又令你哋失望!我使乜同埋精神病患者嬲呀?我心情不知几轻快,想食乜就买返嚟食,唔知几开心,深圳食嘢又平,简直系神仙般嘅生活。睇你诬蔑一个乜X华哥揾华嫂,又话我乜嘢掩口费,完全系生安白造,你试揾你哋口中嘅华哥出嚟同我对质,佢敢唔敢够胆出嚟?我使收卖佢?最好去派出所对质,你哋咪好想入我罪?咪一齐去派出所,我相信佢唔够胆,根本冇呢个人,冇呢一回事,你哋搞多嘢因住呀,我哋清者自清,又话我几惊几惊,惊到脚仔震,我行得正企得正。”
何太叫华哥现身:去公安局搞掂佢
应声虫何伯附和地说:“根本冇呢个人,叫佢哋死会容易啲,点攞到𠮶个人出嚟,老婆仔你唔好再逼佢哋,佢哋交唔出呢个人。”何太还说:“你哋成日话乜嘢假身份又重婚,叫𠮶个华哥出嚟囉,一齐去公安局搞掂佢。”言谈间有人留言质疑何太与人调转身份证,何太即嬲爆“你哋啲人好蠢”!“女王”上身的何太经常叫何伯递纸巾、斟茶递水和收垃圾,手脚极慢的何伯又被老婆斥责:“你都唔醒目,你今日冇漱口水咩?你今日有口气呀,唔好咁近同我说话喇!”
甄妮为“无国界”事件表态?
何太第二场直播拎猫纸?
在第二场直播,何太拎住“猫纸”跟稿读:“你哋啲黑粉要我一直‘畀’闹唔还击,喺直播间‘公平’打字辱骂我,我只系‘公平’地还击一句,你哋就到处转发唱黑,我爱大众网民粉丝,希望大家可以和平相处,钟意睇我直播嘅留底,唔钟意睇嘅‘画过’,我同我老公都系普通人,唔需要你哋咁劳气入直播间嬲我。”何太突然转channel,以平时的语法继续说:“你哋闹啲说话等于闹你哋自己囉,希望你哋为自己啲子孙后代积福。”
其他文章:
何太罕有唔直播疑避风头?18岁仔身世再掀热议 疑似前夫曾拒认头
翁静晶出片寻“何太” 列重婚虚报年龄兼曾涉赌遭行政拘留三特征:佢19年起古古怪怪
东张西望丨何太前夫疑反击!否认曾虐待前妻 18岁子非亲生 奉劝何伯:半年后你将会后悔莫及
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。