《撞鬼遇到愛》泰式爆笑人鬼戀丨頭條戲場

泰國鬼片好出色，恐怖愛情劇種亦好好睇，甚至靈異愛情喜劇亦相當精彩，屬後者的《撞鬼遇到愛》就榮登泰國本年度愛情喜劇票房No.1 !泰片套路，男女主角必屬後生靚仔靚女， 加上一班負責搞笑的配角，《撞鬼》亦是，演女鬼的阿濃(Bow Maylada Susri飾)有泰國張員瑛之稱，又甜又靚又好身材，而男主角阿祖（Sutthirak Subvijitra飾）(暱稱Gee)同樣有副靚偈兼Model型仔樣，愛情加靈異加無聊但好好笑的媾女情節，全片125分鐘，笑足大半場，其實幾抵睇。(上映中) 撰文:廖思慧
 

嗱，戲中阿祖更加有型，睇相差少少。

 

阿濃嚇人都走可愛風，導演都話拍到唔想嗌Cut！ ​

 

 

男女主角夠靚，其實故事真係唔使太複雜，泰國導演Komgrit Triwimol就醒目，一間舊屋加一Pair靚人及一堆笑料，夠做啦。阿祖係一位打機直播主，以打機為職業，爭人周身債，因為有長輩仙遊意外繼承一棟位於郊區的殘爆舊屋，阿祖諗住變賣還債，但屋又舊又偏僻，甚至住咗三隻鬼，就算搵師父作法都趕唔走。

阿祖同阿濃好大膽，人鬼戀戀到落酒吧玩。

 

阿祖諗咗好多方法同阿濃去拍拖。

 

鬼屋門口有棵大樹，兩人密會勝地。

 

睇背景都甜到爆。

 

女主角好靚
富貴險中求真係度度都啱用，窮鬼阿祖同三隻鬼講數，希望合作嚇人賺錢，鬼屋極速變主題樂園，然後多得KOL玩完力推，鬼屋一夜爆紅，入場費賺到笑，笑料開始越嚟越多，期間，阿祖發現愛上索鬼阿濃，由秘密在鬼屋談情到出街拍拖，尾段開始有啲失控，導演甚至癲到玩埋前世今生，但唔太影響劇情。

阿濃本是千金小姐，被奸人害死後每晚都要死一次。

 

鬼屋三隻鬼，阿濃之餘仲有佢兩位工人。

 

阿祖除衫呢幕，全場嘩咗一聲。

 

鬼屋三隻鬼，阿濃之餘仲有佢兩位工人。

 

影帝Sunny Suwanmethanont 客串做鬼屋客人。

 

阿祖同前女友欲言又止搞到阿濃呷晒醋。

 

阿濃雖然係鬼但都有七情六慾，會呷阿祖醋，睇佢幾陰公豬。

 

電影有鬼但一啲都唔恐怖，有好多笑位又有冧女位，估唔到配樂都幾好聽，咁人鬼戀係老土㗎，但娛樂性豐富，男女主角互動真係好甜，根本係一套甜爆愛情喜劇。

28歲的阿Bow 14歲時以女團身份出道，2013年女團解散，同年奪得泰國超模大賽冠軍。

 

阿Bow

 

阿Bow

 

阿Bow

 

阿Bow

 

阿Bow

 

 

31歲阿Gee的父親是90年代泰國搖滾巨星Jeab Pisut，母親是演員。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。