35岁Alton获嘉盈狂赞冇老油条味好兴奋 首合作舞台剧演嫖客凤姐互相欣赏丨独家

35岁MIRROR成员Alton（王智德）跟26岁嘉盈，首合作舞台剧《一楼一会》，剧中两人是嫖客“魏生”和凤姐“小云”，角色关系难免有身体接触。Alton坦言冇偶包，为首部孭飞剧豁出去，更自爆同“魏生”的爱情观一样，就算几钟意都唔会多手多脚，“一见就流晒口水就唔得！”两人因合作变熟络，嘉盈唔怕“蛋白粉”（Alton Fans暱称）呷醋，狂赞对方，优点数极唔完，男方又反赞女方讲嘢有意思，系好好嘅同伴，温暖得嚟带啲甜味㖞！采访：杜杜 摄影：朱伟彦

Alton跟嘉盈彩排一段时间已变得熟络，摆甫士冇尴尬。

 

因为宣传成日见，嘉盈称对Alton有新发现，“发觉佢对爱情好有憧憬，呢样嘢好珍贵㗎！”

 

Alton跟嘉盈彩排一段时间已变得熟络，摆甫士冇尴尬。

 

因为宣传成日见，嘉盈称对Alton有新发现，“发觉佢对爱情好有憧憬，呢样嘢好珍贵㗎！”

 

Alton跟嘉盈彩排一段时间已变得熟络，摆甫士冇尴尬。

 

首演嫖客的Alton坦言“偶包人哋畀，自己唔揽咁多上身。”成日Po素颜相的嘉盈笑言都想自己有偶包。Alton又自爆反而公司有顾虑，“公司用一个关心嘅角度，担唔担心角色设定系嫖客？！我明佢哋关心啲咩，自己一听到消息再思考，都冇乜抗拒，戏剧世界就系包含晒所有可能性，冇乜太大考量。”

Alton剧中演痴情嫖客“魏生”。

 

嘉盈演凤姐“小云”。

 

舞台剧《一楼一会》将于10月公演。

 

自创包晒全身露3点

两位舞台剧初哥不用试镜便获得角色，特别珍惜机会，嘉盈表示跟团队互相信任，合作更加安心。Alton亦认同，“冇casting但选择咗你，一齐承担风险。”讲到跟“魏生”的共通点，Alton认为是面对心仪女生的态度，“会识啲礼节，钟意但唔会做过份嘢，我个爱情观都系咁，钟意还钟意，都唔可以太失礼，一见就流晒口水就唔得。”嘉盈觉得跟“小云”最似是目标为本，“中间受咗委屈，完成目标就会唔记得。”至于演凤姐，造型会否好性感？嘉盈答得搞笑：“我极力同监制讲，如果角色需要咩衣着冇乜所谓，唔系要露3点，我惊佢哋太锡住我，唔会整件包晒全身但露3点嘅衫畀我！”Alton狂笑，“我谂紧点包晒全身露3点？！好高端㖞！”两人笑指这个设计可提供给服装组。

Alton相信“一楼一”都可以揾到真爱。

 

Alton相信“一楼一”都可以揾到真爱。

 

Alton相信“一楼一”都可以揾到真爱。

 

Alton因在新剧《社畜再培训先导计划》演学生而瘦了。

 

被赞有少年感超开心

嘉盈对Alton的第1印象是身形，“大只，唔好意思，好肤浅呀！但佢咁啱拍紧剧，真人瘦啲，以前畀我感觉有少少delayed，同埋‘宅’自己世界，毒毒哋。”Alton笑着回应，“唔紧要，第1印象冇乜所谓，你系咪见到我同墙讲嘢？！”嘉盈即答：“𠮶次我当你打电话，仲有佢唔老油条，有啲人‘碌’太多年，有老油条感觉，佢仲有少年感。”Alton好满意答案，“合理嘅，讲得好，我钟意少年感。”嘉盈再补充，“我开口讲嘢老积过同年纪女仔，冇咗青春感觉，识咗佢发现有少年感，好羡慕。”女方再赞男方识人情世故，好挑通眼眉，亦好gentleman。Alton不断被赞美滋养笑得好开心。而他对嘉盈的第1印象就冇太大分别，“佢系网上知名红人，我都有睇过佢嘅片，1个月后都系𠮶个嘉盈，外向，好冇所谓，好冇距离感，好好嘅同伴，唔好睇佢讲嘢嘻嘻哈哈，认真上嚟都讲好多含金量嘅说话。”

嘉盈经过理性分析，认为“一楼一”难有真爱。

 

嘉盈经过理性分析，认为“一楼一”难有真爱。

 

嘉盈经过理性分析，认为“一楼一”难有真爱。

 

形象性感的嘉盈，ig有大量泳装照。

 

嘉盈放得开减少压力

剧中两人是肉体交易关系，嘉盈表示身体接触在所难免，但程度属老少咸宜，“我嘅演艺初吻都仲喺度，唔知会唔会改剧本，但演员有时唔系跟剧本做，会有自己发挥。”Alton就趁机谷票房，叫大家买飞入场就会揾到答案，不过他坦认嘉盈放得开，作为男对手，压力都减少，“我哋上workshop玩游戏，手上揸住个乐器，要打到对方个乐器，我承认第1次同佢玩惊整亲佢，但佢叫我当佢系男仔，大家熟络喺舞台上先可以将火花发挥得最好。”不过对于“一楼一”有否真爱存在？两人想法就完全相反，Alton说：“我相信，本身爱就系冇呢种界限。”自称理性的嘉盈就不信，“爱情嘅三角理论系亲密、激情、承诺，亲密同激情可能喺‘一楼一’揾到，但承诺比较难，女仔个职业系咪咁易牺牲？！男仔又系咪可以包容到所有呢？！”问到Alton会否像“魏生”一样为真爱冥婚？他先“say no。”但若然遇到生命中的“小云”就动摇，“我迟啲先答你！哈哈！”嘉盈继续持相反意见，“为咗个男人冥婚睬你都傻，阿弥陀佛，我唔制，好惊呀！”

Alton生日愿望：“希望工作顺利，大家身心健康，《一楼一会》good show。”

 

35岁生日的Alton，获嘉盈等一众拍档庆祝。

 

Alton获潘绍聪送上利是作生日礼物。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。