東張西望丨土瓜灣色狼被黎寬怡追訪舉起拐杖疑似有所動作 兒子稱老父是病人：不會非禮
《東張西望》今晚（24日）播出的一集繼續跟進土瓜灣有色狼橫行！在昨晚播出的一集，有指土瓜灣近半年出現一位伯伯多次在街上扮不小心撞到女士，從女街坊提供閉路電視片段，清楚見到伯伯用手輕擦她的臀部。節目組派出「東張女神」黎寬怡出動追訪伯伯，期間伯伯突然發難爆粗喝罵兼揮動拐杖，其後黎寬怡再上門訪問伯伯家人並揭露伯伯底細。
相關閱讀：東張西望丨土瓜灣色狼橫行？女街坊被撞胸摸臀 黎寬怡挑機被罵：講乜X呀
在今晚播出的《東張西望》，節目組連日全程直擊伯伯疑似非禮過程，發現伯伯只要睇準時機會便出手，不過有不少女士覺得伯伯年紀大，加上又拎着拐杖，都以為是行路不穩，甚至被觸碰身體，都會放他一馬，受害人陳小姐亦說：「最大原因為恃老賣老，覺得自己都90幾歲，唔覺意嘅碰撞，都唔有人拉佢或者告佢。」「貓仔」黎寬怡向伯伯了解，對於被街坊指經常扮不小心觸碰到女途人，向女士連環伸出魔爪，質疑他的行為屬非禮一事，伯伯最初說：「唔知你講乜，啲人講大話。」
伯伯聲稱自己聽力比較差
聽到伯伯聲稱自己聽力比較差，「貓仔」黎寬怡在伯伯的耳邊再追問後，突然情緒激動，舉起拐杖疑似有所動作：「走呀，（你屋企人知唔知道）唔回應呀，你喺度做乜？都唔知你講乜X嘢。」為免再刺激伯伯，再加上保障安全，「貓仔」黎寬怡和女同事暫時離開。不過受害人陳小姐直言伯伯的溝通和智力是沒有問題說：「佢係對答如流，因為當我畀佢摸完之後，佢平時經過都見到佢，佢都會不停望過嚟我舖頭呢個方向，有時我都會回望佢，或者掘住佢，有一日佢會問我『有乜咁好望呀？』所以佢啲理解力同溝通係完全冇問題。」
節目組派男同事了解伯伯聽力突飛猛進
在採訪期間，突然有一個中年男街坊突然將「貓仔」黎寬怡拉到一邊並說：「冇街坊講呢啲嘢，你唔好信呢啲嘢，逢係摸人嗰啲都係呃你，佢係好人，佢會摸人，你哋要信我，因為我同佢晚晚都會見面。」接着節目組再派男同事去向伯伯了解，伯伯的聽力突然突飛猛進，聽得懂他們的說話，伯伯說：「（咁你有冇摸啲女仔？）行路一定會掂到，畀條路行下，（有冇出聲講？）冇，我唔出聲，（啲人咁咁樣誤會你？）唔使理佢，鍾意畀人講咪畀人講，唔同佢講。（你覺得自己係咪掂到人哋？）同你講呀都多X餘。」
黎寬怡採訪土瓜灣有色狼橫行？
小休過後，伯伯又再出手，有多個女士都「中招」，有受害人表示：「佢咁老，你可以點呀？拉佢入去都冇用。」受害人陳小姐更說：「我只係強調唔理佢年紀有幾大，都唔應該土去騷擾人，令到人哋唔舒服嘅保護網。」而大律師陸偉雄反而覺得受害人應該報警求助：「即使告唔到，當佢知道警察會截停佢，希望佢醒覺而收手，如果你容忍，會畀到一個錯誤嘅訊息，伯伯會以為佢嘅行為係冇問題，咪會變本加厲。」後來「貓仔」黎寬怡到伯伯的家中，將伯伯的片段給他的兒子看，希望正視伯伯的問題，伯伯的兒子相信爸爸的為人是不會非禮人，伯伯今年87歲，曾經三次進出醫院，行動有點不便。」
兒子稱伯伯曾三度入院能走路已經很好
伯伯的兒子以普通話說：「你可以這樣看一下，他走路是走不動的人，然後他走路肯定要搖擺，走路的手肯定是這樣。他進了三次醫院，能走路已經很好，那你說這種老人家，會對人家構成甚麼威脅呢？鄰居都知道他這樣子，遇到他稍微一點點，就會碰到了街坊，大都能夠了解。」「貓仔」黎寬怡再問伯伯的兒子會否向受影響的女生說幾句？他只說：「我只能說一句對不起，因為他是病人，其他的我就無話可說。」但有受害人曾向伯伯的兒子投訴：「你老竇幾咸濕，人哋喺度做嘢，佢專登摸人屁股，佢就話佢變態架，做埋啲咁嘅行為，跟住就冇出聲。」
其他文章：
東張西望丨黎寬怡還原被推落地遇襲經過 揭事主「扮嘢」反咬真相
東張西望丨黎寬怡採訪又搵命搏！險遭馬騮襲擊嚇到花容失色 徒手摸廚餘垃圾
東張西望丨精液斷診「女中醫」被捕！黎寬怡被推撞上演追逐戰 驚恐表情逐格睇
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
