星8卦丨“四方面”割价霸住做大场第一个 威畀前度心魔放唔低

呢个世界唔好有风驶尽?，因为唔知几时要返转头 。根据“四方面”嘅性格，佢去到边都系得罪人多称呼人少 。好似当日全人类睇好，唔觉意北上红到爆炸，于是就睇唔起出生地。但红咗一阵又自己觉得感觉良好，同啲幕后班底反晒面，最终又死死地气返嚟揾出路 。迟啲大场开，佢就话要做第一个，至于系唔系，个场都未起好，咪大家吹住水先啦！

相关阅读：星8卦丨 “扮劲”狗眼睇唔起人 教仔揾有钱人做朋友 穷人咪埋身

至于隔离飞过零钟就到嘅地方，个大场就真系落成咗，好多大星都争系𠮶度做第一个，因为好威吖嘛。其实人哋一早钦点咗自己人“叻哥”做首演，老实讲一系揾国际超级巨星，否则梗系揾自己地头虫，“叻哥”差啲啲就国际化，佢嘅知名度劲过“四方面”好多，就算北上计数，佢都行埋一边。于是“四方面”谂桥，话可以分成𠮶度相就，平时系七三分，今次为抢到头啖汤，竟然开出六四分帐，畀主办方同场馆分多啲，如果唔够可以再倾 。

呢啲咪心结囉！当初同“台仔”拍拖，公司唔畀公开，但死都主动话畀人知好甜蜜，最后畀“台仔”飞，仲见到人哋好快结婚生仔，心理好唔平衡，所以成日想系“台仔”主场威到尽，可惜一直未如愿，霸大场有七成原因系为示威，认真唔化，人哋都咁幸福，应该放下啦！

其他文章：

星8卦丨“勇仔”后生挨坏身体 频频大病连累蚀大本坐冷板

星8卦丨“大仔”爱姐姐“阿妈”经济封锁 老窦出手支持帮“大仔”继续爱

星8卦丨“乖巧”人前人后两个样 埋怨公司推job错失攞奖机会

星8卦丨“败家”痴迷“平凡” “正室”靠老爷度桥捉奸保住头家

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。