肥媽通完「波仔」即發火：咁X街男人都有嘅 「中年」評判聞鄭梓浩笑孫美賢「搞唔起」賤史 丨獨家

《星島頭條》獨家披露55歲「中二生軟飯王」鄭梓浩（Brian）係終極賤男，使前女友Grace錢使足7年，同時搭上內地「小三」，及被孫耀威人母妹妹孫美賢(DaDa)包養。作為「中年好聲音」評判的肥媽一聽到鄭梓浩個名就勁嬲，大聲讉責對方賤男行為，更皺晒眉說：「你估你真係會轉彎呀！」肥媽對於Brian笑DaDa似阿婆搞佢「唔起」，剛通完「波仔」的肥媽即發火，「咁仆街嘅男人都有嘅？」更力撐DaDa又靚又高貴。採訪：方騫平

肥媽一講起鄭梓浩就皺晒眉頭，相當厭惡。

 

肥媽聽到鄭梓浩和「小四」DaDa玩祼聊就皺晒眉頭。

 

鄙視眼神。

 

肥媽話自己70歲人唔使再去掩飾，可以有嗰句講嗰句。

 

肥媽本身好NICE，只係對事唔對人。

 

70歲嘅肥媽坦言唔需要有性事。

 

肥媽為一間老字號金鋪晚宴演出。

 

肥媽好受觀眾歡迎。

 

鐵粉爭住合照。

 

又唱又跳好落力。

 

肥媽及黑妹姐都係性情中人，所以非常老友。

 

鄭梓浩被同是「中二生」的「小四」孫美賢包養。

 

孫美賢認曾出軌跟鄭梓浩有短暫交往。

 

內地「小三」除畀錢出車，又買機票畀鄭梓浩大仔(右)。

 

同居7年的前女友Grace對鄭梓浩照顧有加。

 

Grace請晒鄭梓浩一家去旅行。

 

Grace曾透過櫃員機過5萬現金給鄭梓浩還咭數。

 

仲寫咗45萬支票。

 

肥媽唔覺55歲鄭梓浩有吸引力。

 

CHOK爆鄭梓浩。

 

年輕時嘅鄭梓浩。

 

肥媽對已故第二任丈夫Rick讚不絕口，畀足100分。

 

肥媽坦言一直對鄭梓浩印象麻麻。

 

 

肥媽眼中孫美賢好靚女。

 

DADA泳衣LOOK。

 

孫美賢係孫耀威胞妹。

 

孫美賢已婚及育有兩子。

 

去年12月7日dada約Brian麗晶爆房。

 

1月15日Brian和Grace復合翌日即跟DaDa元朗炮房見。

 

做主動約炮去crowne plaza hotel。

 

元朗炮房租約。

 

鄭梓浩同dada祼聊相。

 

鄭梓浩一腳踏3船偷食風波轟動全城，肥媽覺得TVB應該將「真人真事」拍成劇集，她越講越激動：「我要訪問呢個阿浩點解咁犀利？有咁多女人畀錢佢使，佢係咪咁勁呀？又唔係小鮮肉，可能有人鍾意食老叉燒...」一臉疑惑嘅肥媽再說：「我做人咁有經驗，真係睇唔出，諗唔到會咁…」尤其狠批鄭梓浩零吸引：「佢唔係我杯茶，我需要嘅高度、需要嘅男人氣概，佢畀唔到。」肥媽覺得已故第二任老公Rick高大有型又有風度，強調冇男人信得過。

聞裸聊玩法狂鬧核突

肥媽堅持真愛係唔應該講金，即使追夢也不是要錢理由：「多餘啦，TVB有衫借，係佢嫌人哋啲衫啫。」肥媽又講出重點來：「其實兩公婆一齊食一齊住，邊個賺多邊個賺少啲唔緊要，但食佢住佢，仲朝三暮四，我養你；你養第二個梗係唔得啦，你估你真係識轉彎呀！我就未試過、未見過囉！」提到鄭梓浩試過跟「小四」DaDa祼聊；唔知咩係祼聊嘅肥媽聽完解釋即耍手擰頭，猛話咁核突：「我古老唔得呀，頂唔順呢啲玩法，哎呀，我驚第日見到佢會行開呀！」另外，鄭梓浩為求得到Grace原諒，「食完唱」話自己身不由己，更指DaDa唔男唔女，似阿婆搞佢「唔起」，肥媽聽到發火鬧爆：「吓？咁仆街男人都有嘅，你都黐線㗎，搞佢唔起佢又上房？」肥媽表示聽到都㷫，又指男人靠得住豬乸都會上樹，更戥DaDa好慘，「人哋畀埋錢租屋仲話人哋醜樣，DaDa個樣好靚又高貴，咩阿婆呀？」不過，她明白女人鍾意俾人𠱁，冇人用槍指住你，自願嘅，自作孽不可活。對於討論區洗版留言「中年好淫亂」，肥媽大平反說：「啋！《中年好聲音》夾埋有幾千個參加者得幾個賤啫，樹大有枯枝；族大有乞兒，一個族冇壞人點算係族群？」

討厭亡夫老友急攝位

「登七」的肥媽直認有經濟能力，有條件做Sugar Mommy包養「小鮮肉」，但佢冇諗過，「你都Short嘅，你肯我都唔制啦，其實我仲有好多人追只係我唔肯，有啲係亡夫朋友，佢一知道我老公走咗就問我『得唔得閒？』我話『No』，仲試過避佢避到入廁所半個鐘，出返嚟佢都未肯走咪我走囉，我覺得好核突，完全唔啱數。」肥媽強調幾十歲人唔需要性事，但以前就聽班師奶教煲鹿尾巴、鹿筋、人參湯畀老公飲：「飲完獲讚話『老婆幫到手喎』哈…坦白講，我都有份享用過㗎。」𠵱家肥媽最重要有朋友及家人陪伴：「唔得閒理啲麻甩佬，中秋節跟兒孫夾期已經想死。」

理直氣壯鬧伍sir冷血

另外，肥媽和伍仲衡就「派燈」做法曾在評判席上針鋒相對，肥媽自認有良心，唔介意變「長明燈」，反鬧伍仲衡：「人要面樹要皮，都畀人喺黑房走出嚟亮下相吖？得個剪影！人哋喺幾千人入到100名，都唔畀人拎住一盞燈走咁陰功？咁冇良心？而且5位評判，拎住一盞燈唔會影響到賽果，做人有時要有啲大度，唔係做老師就大晒。」肥媽理直氣壯表示在節目中鬧伍仲衡冷血，「70歲人仲使乜掩飾？對事不對人，做出就要負責任唔怕俾人話，你估好似嗰隻嘢(鄭梓浩)咁不負責任呀。」剛通完「波仔」的肥媽手術前未驚過，「有乜好驚呀？個天好公平嘅，閻王要你三更死誰敢留你到五更？我個人咁好一定冇事？唯一衰格係一日食到黑，最愛食燒鴨、燒鵝皮，之後要食少啲。」

肥媽享受過Rick飲完壯陽湯水嘅「成果」。

 

肥媽在中秋節下廚為家人煮大餐。

 

肥媽兒孫滿堂好熱鬧，同時度期過節就好頭痛。

 

肥媽、朱咪咪剛去完美國演唱。

 

70歲肥媽仍然有好多人追。

 

肥媽接受「通波仔」手術前交代，要暫停直播兩周。

 

好心地嘅肥媽唔怕做手術。

 

最愛食燒鴨、燒鵝皮，之後要食少啲。

 

肥媽及伍仲衡曾在節目中針鋒相對。

 

肥媽只係對事唔對人，鬧完伍仲衡就冇事。

 

肥媽喺《中音3》「派燈」。

 

因為唔忍心參賽者只見剪影。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。