肥妈通完“波仔”即发火：咁X街男人都有嘅 “中年”评判闻郑梓浩笑孙美贤“搞唔起”贱史 丨独家

《星岛头条》独家披露55岁“中二生软饭王”郑梓浩（Brian）系终极贱男，使前女友Grace钱使足7年，同时搭上内地“小三”，及被孙耀威人母妹妹孙美贤(DaDa)包养。作为“中年好声音”评判的肥妈一听到郑梓浩个名就劲嬲，大声讉责对方贱男行为，更皱晒眉说：“你估你真系会转弯呀！”肥妈对于Brian笑DaDa似阿婆搞佢“唔起”，刚通完“波仔”的肥妈即发火，“咁仆街嘅男人都有嘅？”更力撑DaDa又靓又高贵。采访：方骞平

肥妈一讲起郑梓浩就皱晒眉头，相当厌恶。

 

肥妈听到郑梓浩和“小四”DaDa玩祼聊就皱晒眉头。

 

鄙视眼神。

 

肥妈话自己70岁人唔使再去掩饰，可以有𠮶句讲𠮶句。

 

肥妈本身好NICE，只系对事唔对人。

 

70岁嘅肥妈坦言唔需要有性事。

 

肥妈为一间老字号金铺晚宴演出。

 

肥妈好受观众欢迎。

 

铁粉争住合照。

 

又唱又跳好落力。

 

肥妈及黑妹姐都系性情中人，所以非常老友。

 

郑梓浩一脚踏3船偷食风波轰动全城，肥妈觉得TVB应该将“真人真事”拍成剧集，她越讲越激动：“我要访问呢个阿浩点解咁犀利？有咁多女人畀钱佢使，佢系咪咁劲呀？又唔系小鲜肉，可能有人钟意食老叉烧...”一脸疑惑嘅肥妈再说：“我做人咁有经验，真系睇唔出，谂唔到会咁…”尤其狠批郑梓浩零吸引：“佢唔系我杯茶，我需要嘅高度、需要嘅男人气概，佢畀唔到。”肥妈觉得已故第二任老公Rick高大有型又有风度，强调冇男人信得过。

郑梓浩被同是“中二生”的“小四”孙美贤包养。

 

孙美贤认曾出轨跟郑梓浩有短暂交往。

 

内地“小三”除畀钱出车，又买机票畀郑梓浩大仔(右)。

 

同居7年的前女友Grace对郑梓浩照顾有加。

 

Grace请晒郑梓浩一家去旅行。

 

Grace曾透过柜员机过5万现金给郑梓浩还咭数。

 

仲写咗45万支票。

 

肥妈唔觉55岁郑梓浩有吸引力。

 

CHOK爆郑梓浩。

 

年轻时嘅郑梓浩。

 

肥妈对已故第二任丈夫Rick赞不绝口，畀足100分。

 

闻裸聊玩法狂闹核突
肥妈坚持真爱系唔应该讲金，即使追梦也不是要钱理由：“多余啦，TVB有衫借，系佢嫌人哋啲衫啫。”肥妈又讲出重点来：“其实两公婆一齐食一齐住，边个赚多边个赚少啲唔紧要，但食佢住佢，仲朝三暮四，我养你；你养第二个梗系唔得啦，你估你真系识转弯呀！我就未试过、未见过囉！”提到郑梓浩试过跟“小四”DaDa祼聊；唔知咩系祼聊嘅肥妈听完解释即耍手拧头，猛话咁核突：“我古老唔得呀，顶唔顺呢啲玩法，哎呀，我惊第日见到佢会行开呀！”另外，郑梓浩为求得到Grace原谅，“食完唱”话自己身不由己，更指DaDa唔男唔女，似阿婆搞佢“唔起”，肥妈听到发火闹爆：“吓？咁仆街男人都有嘅，你都黐线㗎，搞佢唔起佢又上房？”肥妈表示听到都㷫，又指男人靠得住猪乸都会上树，更戥DaDa好惨，“人哋畀埋钱租屋仲话人哋丑样，DaDa个样好靓又高贵，咩阿婆呀？”不过，她明白女人钟意俾人𠱁，冇人用枪指住你，自愿嘅，自作孽不可活。对于讨论区洗版留言“中年好淫乱”，肥妈大平反说：“啋！《中年好声音》夹埋有几千个参加者得几个贱啫，树大有枯枝；族大有乞儿，一个族冇坏人点算系族群？”

肥妈坦言一直对郑梓浩印象麻麻。

 

肥妈眼中孙美贤好靓女。

 

DADA泳衣LOOK。

 

孙美贤系孙耀威胞妹。

 

孙美贤已婚及育有两子。

 

去年12月7日dada约Brian丽晶爆房。

 

1月15日Brian和Grace复合翌日即跟DaDa元朗炮房见。

 

做主动约炮去crowne plaza hotel。

 

元朗炮房租约。

 

郑梓浩同dada祼聊相。

 

讨厌亡夫老友急摄位

“登七”的肥妈直认有经济能力，有条件做Sugar Mommy包养“小鲜肉”，但佢冇谂过，“你都Short嘅，你肯我都唔制啦，其实我仲有好多人追只系我唔肯，有啲系亡夫朋友，佢一知道我老公走咗就问我‘得唔得闲？’我话‘No’，仲试过避佢避到入厕所半个钟，出返嚟佢都未肯走咪我走囉，我觉得好核突，完全唔啱数。”肥妈强调几十岁人唔需要性事，但以前就听班师奶教煲鹿尾巴、鹿筋、人参汤畀老公饮：“饮完获赞话‘老婆帮到手㖞’哈…坦白讲，我都有份享用过㗎。”𠵱家肥妈最重要有朋友及家人陪伴：“唔得闲理啲麻甩佬，中秋节跟儿孙夹期已经想死。”

肥妈享受过Rick饮完壮阳汤水嘅“成果”。

 

肥妈在中秋节下厨为家人煮大餐。

 

肥妈儿孙满堂好热闹，同时度期过节就好头痛。

 

肥妈、朱咪咪刚去完美国演唱。

 

70岁肥妈仍然有好多人追。

 

理直气壮闹伍sir冷血

另外，肥妈和伍仲衡就“派灯”做法曾在评判席上针锋相对，肥妈自认有良心，唔介意变“长明灯”，反闹伍仲衡：“人要面树要皮，都畀人喺黑房走出嚟亮下相吖？得个剪影！人哋喺几千人入到100名，都唔畀人拎住一盏灯走咁阴功？咁冇良心？而且5位评判，拎住一盏灯唔会影响到赛果，做人有时要有啲大度，唔系做老师就大晒。”肥妈理直气壮表示在节目中闹伍仲衡冷血，“70岁人仲使乜掩饰？对事不对人，做出就要负责任唔怕俾人话，你估好似𠮶只嘢(郑梓浩)咁不负责任呀。”刚通完“波仔”的肥妈手术前未惊过，“有乜好惊呀？个天好公平嘅，阎王要你三更死谁敢留你到五更？我个人咁好一定冇事？唯一衰格系一日食到黑，最爱食烧鸭、烧鹅皮，之后要食少啲。”

肥妈接受“通波仔”手术前交代，要暂停直播两周。

 

好心地嘅肥妈唔怕做手术。

 

最爱食烧鸭、烧鹅皮，之后要食少啲。

 

肥妈及伍仲衡曾在节目中针锋相对。

 

肥妈只系对事唔对人，闹完伍仲衡就冇事。

 

肥妈喺《中音3》“派灯”。

 

因为唔忍心参赛者只见剪影。

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。