专栏│赛程过密或逼球员酝酿罢踢

近排祖利斯古迪代表巴塞隆拿接受访问，就欧洲足协同国际足协不停扩张赛程，佢话再系咁有一日就会示威。

其实咁多年，两大足协为咗争龙头位，唔妥大家就梗㗎啦，所以各自做大个饼，FIFA就搞世界冠军球会杯，UEFA就将欧联变成瑞士制，讲到尾两大机构都系为咗捞油水，各出奇谋啦。不过其实一早有迹可寻，呢几届嘅欧霸决赛特登安排喺中东国家举行，好似西甲咁，联赛赛会本身冇乜钱，就将近两届嘅国王杯决赛摆喺沙特阿拉伯踢，咁要特登飞过去，最辛苦系边个？当然系啲球员，佢哋嘅舟车劳顿真系多咗好多，休息时间又少，令佢哋好易受伤。

我哋数下近届运财童子，成日捧杯嘅祖利安艾华利斯，22至23球季可以话相当疯狂嘅一季，当季曼城成为咗三冠王，阿根廷又系世界杯冠军，艾华利斯总共踢咗67场波，每个礼拜一周双赛，真系冇乜点抖，就系球会同世界杯之间轮流比赛；23至24球季，佢又踢咗60场波，试问佢咁辛苦，休息时间又短，其实佢冇受伤已经系好好彩，一个打工仔叫你咁做都死得啦。

古迪同一班球员喺不久嘅将来，或者真系有机会罢踼示威，既然每次讲完都无人听，搞事都唔难预料。Willhappy

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。