74岁薛家燕拍拖如小女生甜Share男友关心短信 唔否认有“软饭王”埋身：识得避开㗎啦 丨独家

中秋佳节，大忙人薛家燕忍痛“飞”起男友A君，留港享受三代同堂家庭乐，虽然唔可以摸到男友，但睇住男友送上关心口讯，一句“唔好令我担心”已经忍唔住甜笑。另外，74岁家燕姐虽然人生阅历丰富，但对拣好男人都有啲保留，坦言真系要靠长时间观察，更坚持做女人要矜贵啲。问到有否遇过“软饭王”埋身攞着数，家燕姐笑得好大声，坦言，“我识得借意避开㗎啦。”咦，冇否认㖞。采访：方骞平

有爱情滋润的家燕姐容光焕发。

 

发光家燕姐。

 

家燕面带笑容。

 

家燕姐连嘴角都带有微笑。

 

开心ing。

 

家燕姐开心Share A君甜到漏短信。

 

薛家燕、冼靖峰、关枫馨、阮浩棕主持TVB煮食节目《家常便饭争霸战》，家燕姐赞参赛者个个都系厨神，连食物摆盘都好讲究，自愧不如。问到撚手小菜？家燕姐最擅长蒸鱼，仲话蒸到鱼肉好滑唔容易㗎。咪睇家燕姐一把年纪，10几年前跟A君拍拖时都有玩煮饭仔：“咪蒸条鱼煲啖汤佢饮囉，近年佢明白我忙到连饭都冇时间食，仲叫我唔好煮得咁辛苦，出去食算数喇。”

家燕姐被年轻参赛者的厨艺吓亲。

 

薛家燕、冼靖峰、关枫馨、阮浩棕主持TVB煮食节目《家常便饭争霸战》。

 

家燕姐和三姐、冼靖峰、关枫馨互动。

 

麦洁文和细囡陈蔷天（天天)母女档上阵。

 

吴大强及吴伟豪父子档现身。

 

其中一集有李思捷。

 

林迪安及《声梦传奇》学员囡囡林沚羿（Venus）系其中一集嘉宾。

 

薛家燕大赞冼靖峰、关枫馨。

 

拒绝男友两次求婚

家燕姐自爆细她10多年的男友，人到中年好恨结婚：“佢曾提出两次我都Say NO！(系咪失婚经历对男人失去信任？)咁又唔系嘅，睇下佢点对你，好似A君咁10几年㖞，佢都好关心我。”语毕，家燕姐忍唔住打开手机，好似初恋咁开心Share男友甜蜜短信：“呢啲系㖊日半夜传畀我嘅，佢话‘你好忙㖞，返到香港马上工作咁辛苦，你要保重身体，唔好令我担心，亲爱的！’虽然我哋各有各忙，对上一次见面系4个月前只见4日，但都会保持情深对话。”家燕姐补充，两人相处最紧要开心：“我都年纪大啦，74岁仲结嚟做乜？”对于“软饭王”郑梓浩一脚踏3船事件，家燕姐认为男女感情好难讲，始终大家性格唔同，不能保证相爱到永久，但强调做人唔可以冇交带，及唔负责任去hurt到另一半，她感同身受：“就算唔能够一齐生活都要讲得清清楚楚，唔能够拖泥带水；而且讲金唔讲心更加可疑。”

今年中秋节家燕姐三代同堂庆祝。

 

一家人围埋食饭。

 

饭后陪孙仔玩灯笼。

 

男友视角下的家燕姐。

 

薛家燕隔空传情，家燕姐拍片回应男友。

 

家燕姐曾为男友下厨。

 

蒸花蟹都好有板有眼。

 

家燕姐有10几年没有下厨。

 

1984年薛家燕跟经营饮食业的石保庆结婚。

 

“软饭王”郑梓浩偷食孙耀威人妻妹妹孙美贤轰动全城。

 

Brian食住都系被分手女友Grace支付。

 

“佛山小三”贴钱送车，图为“小三”和郑梓浩大仔。

 

避开立心不良男人
家燕姐做咗大半世人，语重心长教大家如何拣个好男人：“以前个老公(石保庆)为人敦厚都好锡我，估唔到佢都会变心，唯有畀多啲时间观察，睇下佢对你够唔够体贴及关心，好似我咁有大把时间，检视咗A君10几年，确定佢系靠得住，加上佢大把钱唔需要用我啲钱，坦白讲，如果要我补贴佢生活，都唔同级数唔啱我啦…哈…咁又点会追我啫，最后佢又强调要拣好男人都要睇运气。”另外，家燕姐坚持做女人要矜贵啲：“要男人重视自己多啲，咁就会舒服啲。”家燕姐未遇过“进击小三”，问到可有“软饭王”企图埋身攞着数？她大笑说：“昔日拍档陈鸿话佢系我嘅小鲜肉只系搞笑，佢仲搞鬼地讲低酒店房号码，我就大笑回应话‘呢啲我永远唔会记得’，不过，如果面对一啲真系立心不良嘅人，我识得借意避开，冇必要畀机会佢。”家燕姐指自己太忙，稍后要到大马开演唱会、灌录贺年歌及到加拿大拍英文剧集，冇必要惹自己烦恼。

60岁陈鸿曾笑言是家燕姐的“小鲜肉”。

 

家燕姐稍后到大马开骚。

 

去到边都带埋孙仔同行。

 

去年，家燕姐与大马国宝级歌手茜拉首度合唱的贺年歌大受欢迎。

 

两人今年再合作贺年歌。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。