《903 AllStar籃球賽》11.23亞博舉行 兩大隊長張繼聰森美開展牙骹戰 MIRROR Jay Fung再出戰有新女隊員加入

叱咤903主辦的《903 AllStar 籃球賽》今年強勢回歸，將於11月23日（星期六）假亞洲國際博覽館隆重舉行。屆時森美將率領一眾903 DJ組成「九零三人隊」，對戰由張繼聰領軍的「歌星勇士隊」，於籃球場展開連場激鬥，超強陣容蓄勢待發。出戰名單包括：903 DJ、Dear Jane、ERROR、Gareth. T、kayan9896、Lolly Talk、MIRROR、moon tang、Nancy Kwai、P1X3L、ROVER、VIVA、吳林峰、周殷廷、林愷鈴、陳健安、陳凱詠、梁釗峰、張蔓姿、張蔓莎、張繼聰、馮允謙、黃妍、黃明德、雲浩影、曾傲棐、黎展峯及譚旻萱。

屆時森美將率領一眾903 DJ組成「九零三人隊」，對戰由張繼聰領軍的「歌星勇士隊」。

 

2022年由一眾903 DJ組成「九零三人隊」。

 

鄭裕玲（Do姐）當時為商台903 AllStar籃球賽主持開球禮。

 

姜濤當然是球賽上最注目的其中一位！

 

明星隊抱Do姐射籃球。

 

2022年「903 AllStar籃球賽」中，方力申成為DJ隊最有價值球員，由古巨基頒獎。

 

2022 年擔任「九零三人隊」隊長，今年回歸「歌星勇士隊」的張繼聰，大讚隊員陣容強勁，球技了得，直指今次擔任隊長責任重大：「我同大部分歌手一齊打過波，MIRROR、吳林峰、Jay Fung（馮允謙）、Mandy（譚旻萱）都好打得，基本上全部都打得好好。至於新加入嘅女隊員，就算我未睇過佢哋嘅球技，佢哋嘅外表好亮麗，一落場就會好出色，今次我擔任隊長，最重要係點樣安排歌手落場，所以責任非常之重大。」

對於「九零三人隊」隊長森美，張繼聰非常尊敬「九零三人隊」隊長森美：「我係從低角度仰望森美，佢幾乎每日都會去練射波，睇住佢10幾年前唔識打籃球，到宜家打到有板有眼。好多長者打六通拳、甩手操，森美就係去射波，將晨運同籃球完美結合，年紀唔係重點，心態先最重要，所以我都真係好Respect 佢。至於我哋嘅殺手鐧，就係減少我嘅出場次數。全隊年紀最大係我，少啲出場就可以減少拖慢隊波嘅機會。我唔落場，隊波就會贏。」

以默契取勝

森美連任「九零三人隊」隊長，不甘示弱進行反擊，直言勝出策略就是針對「歌星勇士隊」的弱點：「本來大家係好朋友，今次真係要化成仇敵。『歌星勇士隊』隊員球技精湛，個個都係燦爛、瀟灑、具光芒。不過團結力一定無我哋『九零三人隊』咁好，我哋會以默契取勝。佢哋贏個人技術，我哋贏團體精神。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。