李芯駖童年任睇三级血腥电影：《力王》好深刻 陈湛文李靖筠轮住爆老窦暗黑教育史丨独家

41岁陈湛文（Peter）、31岁李靖筠（Gladys）和38岁李芯駖（Sumling）＠COLLAR在新戏《望月》中是一家人。电影讲述原生家庭对仔女成长的影响，三人坦言现实亦一样， Peter及Sumling就分别因为爸爸嘅严厉及嗜好而培养出创作和艺术天份，而Gladys就被父亲当仔咁养，大个变咗男仔头，采访：杜杜 摄影：朱伟彦 发型:Sing Chan@BRUNEBLONDE(Gladys)；Lisa C.Makeup Art(Peter)；Ricky Lam(Sumling) 化妆:Angel Mok(Gladys)；Lisa C.Makeup Art(Peter)；Janice Wong(Sumling) 服装:Polo Ralph Lauren(Gladys)；eye's Buddy、New Balance(Peter)；Peter Do、Prada(Sumling) 造型:Daniel Cheung(Sumling)

Sumling、Gladys和Peter合作太开心，好想一齐再演戏。

 

三人变熟络，访问中不时互窒大笑。

 

Peter和Gladys早于2019年《碎纸机的告白》MV及2022年ViuTV剧《IT狗》合作，在《望月》就演兄妹，份外有默契。而初次拍戏的Sumling便考起饰演“老公”的Peter，“佢好黐线，问我咩叫好演技呀？！哗！大佬点答呀！你试吓问梁朝伟呀？！”Sumling笑谓：“我就系想睇吓你点样答！”Peter鬼马话：“唔制呀，好似捉错处咁！”Peter笑言当时跟Sumling展开漫长的艺术讨论，最终揾戏中演他邻居的演艺师兄弟帮拖，Sumling解释：“关於戏剧，佢会推介唔同嘅老师，嗌我留低睇埋阿卵（杨伟伦）演出。”

Peter和Gladys在《IT狗》时有不少对手戏。

 

2019年Gladys的歌《碎纸机的告白》MV，邀好友Peter“出手”演出。

 

戏中Peter和Gladys的兄妹关系，似朋友相处。

 

戏中李丽珍演Gladys和Peter的单亲母亲。

 

搭火车望云激发想像力

三位主角承认现实世界亦深受父亲影响，Peter先分享跟陈爸爸的经历，“细个搭火车去探阿嫲，老窦好钟意途中叫我，望住啲云，谂吓见到啲乜就讲出嚟，系严厉嘅。”Sumling搭嘴：“咪好似罚咁！”Peter亦认同，并表示当时细个只会照做，大了就发觉有好处，“应该系𠮶时种咗啲种子落右脑，望住啲云不停咁变唔同形状，会激发少少想像力，我深信阿爸唔想我一嚿饭咁，可能我细个太‘折’。”Gladys问：“你会唔会承传落囡囡？”Peter表示会同囡囡一齐做，“呢嚿云似咩呀！”Sumling赞这个育儿方法不错，被赞的Peter得戚补充：“都要消化到先得，如果我觉得佢（父亲）𠮶时咁恶，𠵱家唔钟意啲云啦！”

Peter笑言最初担心被Sumling粉丝攻击，但反而好多应援糖水食。

 

Peter打算用爸爸教他的方法教3岁囡囡Nina。

 

Sumling跟Peter在剧中演关系很差的夫妻。

 

走廊打侧手翻打到为止

Gladys认为男仔头性格全因为爸爸，“细个啲女仔都系学琴棋书画，但我阿爸好钟意教我踢波，逼我喺走廊打侧手翻，劲窄㖞点打呀，佢一定要我打到为止。”Peter原来都有类似经历，“老窦有叫我做一字马！”每年暑假，Gladys爸会安排她入summer camp，“佢想逼我独立，硬净啲，我大大吓开始唔钟意着裙，最钟意超人，可能我好想得到老窦attention，佢唔钟意我玩煮饭仔，钟意我踢波，慢慢偏向钟意𠮶啲嘢。”

Gladys听到导演罗耀辉讲《望月》故事印象难忘，向公司英皇提议开拍。

 

Gladys（左）小时候钟意着裤多过着裙。

 

男仔头的Gladys热爱户外运动。

 

Beatles黑胶由细听到大

Sumling出身于破碎家庭，母亲曾被父亲家暴要报警求助，不过她认为全靠热爱音乐的李爸爸滋养了她的音乐细胞，“爸爸好钟意听黑胶碟同卡式带，Bee Gees、Beatles𠮶啲，《重庆森林》soundtrack都识背，𠮶时唔知咩嚟，1日听足10个钟。”而妈妈对她的思想教育亦根深柢固，“妈咪就犀利，由细到大训练我，有咩事都系讲1句说话，就系玉不琢不成器，佢话粒玉唔琢唔得，𠵱家你咪要啄囉！”Peter多口问句：“你会唔会问阿妈，点知你系咪粒玉呀？”Sumling扮妈咪答：“你唔啄就一定唔系囉！由细到大我都知我要啄嘅，你啄我啦！”小时候爸爸除了让Sumling任意画墙，养成她对画画兴趣，还任她接触漫画及儿童不宜的三级电影，“细个好深刻就系《人肉叉烧包》嘅影带，仲有《力王》，哗！点解世上有啲咁嘅戏，剪自己血管出嚟绑个结，又打爆个墙，爸爸又好钟意睇漫画，所以我睇好多漫画，阿妈就完全唔钟意艺术，净系钟意打麻雀，一个好艺术同好理智嘅我就系咁合成。”

Sumling大赞Peter是好爸爸，拍摄时常分享囡囡点滴。

 

Sumling相信画画天份，来自爸爸任她画墙培养出来。

 

Sumling相信画画天份，来自爸爸任她画墙培养出来。

 

Sumling童年识睇《力王》好劲呀，呢幕用自己条肠箍住敌人都好黐线。

 

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。