秦煌中秋前挂住冇血缘“囡囡”甜爆相处点滴 首公开45岁内地情人清秀靓样：唔介意佢跟返老公

76岁行动不便的秦煌要入住护老院，未能到湖南跟情人Mary及无血缘关系的9岁“孻女”相聚，无奈被逼分开，不过，虽然关系已成过去式，但煌哥一提起“两母女”依然好甜。《头条日报》记者在中秋节前夕探访煌哥，他跟记者分享母女温馨相，45岁Mary首度曝光，相中的Mary五官端正，化起淡妆，紥起头发又手托香腮，笑容非常亲切；至于“囡囡”徐子欣就圆口圆面相当精灵，煌哥更坦言仍然帮“囡囡”交学费。采访：方骞平

每逢佳节倍思亲，入住护老院3个月的秦煌懂得自得其乐，他满足道：“中秋节有你哋及马海伦送月饼及零食，陪我倾吓偈，有咁多嘢食，我经已好开心㗎嘞…中秋节唔需要仔女同我去饮茶，仔女钟意嚟就嚟啦，我冇事。”其实煌哥最记挂Mary及9岁“女儿”。

煌哥手机中仅得一张内地情人Mary嘅相。

 

煌哥闷闷哋就会睇下手机内嘅相。

 

手机相簿系心灵寄托。

 

秦煌对冇血缘囡囡供书教学视如己出。

 

煌哥睇见9岁“孻女”嘅靓相就笑。

 

煌哥收到月饼好开心。

 

煌哥每晚食完饭就坐出去睇电视。

 

煌哥自制纸皮电视机架。

 

女友跟“女儿”父亲同住
谈到Mary近况，煌哥坦言她跟徐姓老公同住，随即解释Mary并非无情无义：“当年Mary唔系跟佢，时隔好多年啦，都冇乜所谓嘅。”承认几大爱的煌哥还补充说：“我唔care，佢哋应该系一家3口嘛，而且唔系佢攞我啲钱，系我畀钱佢，钱对我嚟讲睇得好开，所以冇遗憾。”他坚持：“如果我好想见佢哋就畀钱，因为两母女一上一落要超过1万蚊，但我都年纪大又唔系好想用𠮶啲钱，想留返啲钱喺度。”语毕，煌哥表示好想有人陪他北上：“我当年收埋20几万嘅普洱茶饼及名贵玉佛喺佢间屋，加埋超过100万，都曾质疑过‘佢系咪想卖走我啲嘢？’原来一粒(茶叶)都冇少到。”

Mary打扮朴素唔浮夸，笑容亲切。

 

两年前Mary女儿徐子欣参加学校跳舞比赛。

 

7岁徐子欣活泼可爱。

 

徐子欣系孖辫妹 。

 

7岁徐子欣活泼可爱。

 

徐子欣踩自行车生活照。

 

泳衣look。

 

徐子欣嘅功课好整洁。

 

笑谈快乐温馨“父女情”
在煌哥手机相簿中收埋唔少“囡囡”生活照，包括7岁时庆生、游水、学校跳舞表演及领奖等，但Mary仅得一张，他解释：“我唔系唔爱佢，如果唔爱，𠵱家就有好多女朋友啦，我都唔花心嘅！”提到“父女情”，煌哥由个心甜到出嚟：“佢11个月大，Mary就带佢过嚟深圳同我一齐住直至两岁，个𡃁妹唔系叫我做‘爸爸’，但唔记得咗佢点叫我；佢跟生父姓徐，我亦唔想佢跟我姓梁(原名梁日成)。”煌哥激赞徐子欣：“佢好叻又好好玩嘅，同我好好感情，好挂住我！最记得佢成日偷用阿妈啲化妆品，划到自己大花面，俾阿妈追打时就会匿喺我后面…哈…总之我好喜欢佢视如己出啦，见到佢就开心。就算后来疫情我返唔到上去，甚至𠵱家咁状况，仍然会照顾佢每年万几蚊嘅学费。”虽然煌哥目前靠综援，但节衣缩食下仲有少少钱可补贴两母女：“有时仲会畀多3几千佢哋做生活费，作为一个男人应该要畀佢，因为当日我有家室及工作唔愿意同Mary生仔，曾拍心口答应过佢，即使冇血缘我都同佢养。”秦煌坚定地连讲两次：“我唔系𠮶啲人嚟(怕蚀底)。”

挂住睇电视唔瞓被投诉
另外，煌哥称𠵱家安乐晒，日日都咁开心，不过，他都会“老顽童”上身扭吓计，他不悦自爆：“俾人投诉话我唔瞓觉㖞，我瞓唔到嘛大佬呀！”因此，他自家设计，用纸盒围住电脑，睇电视时就会减音。他洋洋得意说：“你估我蠢呀！”语毕又得戚说：“要我瞓觉啫，𠵱家我咪瞓喺度（睇电视），瞓畀你睇囉…我会调校高床头，再用枕头抬高对脚慢慢睇，睇睇吓咪瞓到囉。”当日换上短裤坐在轮椅上的煌哥，小腿位置被纱布包住，两脚肿到发黑，问到晾高脚瞓是否有助消肿？老人家却回避说：“冇事，唔系肿，医生话冇嘢，最紧要郁得。”但他承认，因为食去水丸，每日会屙半桶尿：“我双脚系瘦咗，一着鞋感觉鞋笼松晒，但依然著返45码。”煌哥指医生冇要求他戒口，但都会乖乖地食少啲胆固醇高嘅虾蟹：“呢度伙食算系ok，饭𩠌唔啱胃口或者肚饿嘅话，夜晚7点叫外卖，柯打蒸嚿鱼。”

自称健康冇问题嘅煌哥双脚又黑又肿。

 

秦煌随身袋住财物。

 

秦煌可以扶住站立。

 

脚力只能企得一阵。

 

住大房方便上落床。

 

睇住私伙电视食饭。

 

煌哥胃口唔错。

 

之前煌哥独居青衣酒店。

 

秦煌被指年老无依。

 

煌哥演活“老顽童”角色。

 

跟陈玉莲合演《神雕侠侣》。

 

跟黄日华拍《射雕英雄传》。

 

秦煌和昔日TVB当家小生、花旦梁朝伟和翁美玲拍《挑战》。

 

2017年和刘嘉玲和刘江拍叶念琛导演电影《我的情敌女婿》。

 

2016年电影《追龙》的三大“巨无霸”秦煌、王晶与郑则仕。

 

和小生苗侨伟拍《播音人》。

 

和梁朝伟拍过《倚天》。

 

与蔡思贝及王浩信拍《踩过界2》。

 

12年前和马国明与胡杏儿拍《恋爱季节》。

 

秦煌入住护老院前曾拍电影《北京水饺皇后》。

 

亡妻莫佩雯生前曾向秦煌提出6次离婚。

 

2008年煌哥不慎失足堕海重伤昏迷，苏醒过来后向传媒报平安。

 

林伟当探望秦煌。

 

秦煌4年前疑因心脏不适曾晕倒在电视城门外。

 

秦煌近年经常出入医院。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。