劉俊謙 蔡思韵首次合體拍廣告甜到漏 演出太投入被網民誤會即斥「衰人」

蔡思韵、劉俊謙繼即將上映的新片《武替道》之後，兩人再度合體首次同框為飲食平台拍攝廣告。日前網上發放一條兩人演出的15秒預告短片，片中阿謙一臉不滿的在鏡頭前說：「問！問！問！」入木三分的演出出街後，大家對阿謙不留情的指罵，以為他欺負Ceci（蔡思韵），竟然被網民即刻留言斥「衰人」，令兩人啼笑皆非。

劉俊謙孖女友蔡思韵合體首次同框為飲食平台拍攝廣告。

 

對於阿謙和Ceci的演出，導演朱祖兒讚不絕口。

 

蔡思韵呢個樣好滿足！

 

今年被網友說係「劉俊謙年」！

 

網民睇廣告以為阿謙欺負蔡思韵，因此留言斥「衰人」。

 

令劉俊謙、蔡思韵兩人啼笑皆非。

 

對於阿謙和Ceci的演出，導演朱祖兒讚不絕口：「我拍咗劉俊謙兩次，今次第一次拍Ceci，過程中，我已經知佢（Ceci)非一般嘅好！理解力強，認真同聰明。」能夠完成今次他眼中「快靚正」的合作，朱祖兒感恩的說：「我會歸功於兩位演員嘅能力，如果換轉係非專業演員，相信冇可能每鏡可以一兩個takes搞得掂收貨，但之後想搵啲蝦碌鏡頭就欠奉，因為無NG！兩個已經係少有嘅超班好演員，極專業！會消化故事同人物關係，雖然只係廣告，相比電影會較輕鬆簡單，但我睇得出Ceci好認真咁去捉摸對白嘅語氣，我特別鍾意佢嘅眼神，細緻入型！同上次劉謙一樣，佢一埋位就上身咁，好清楚知道要點演釋，最難得佢比出嚟嘅係超出我嘅預期中嘅更好！佢哋係『好演員』！非一般靚靚女偶像。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。