方太90岁生日有新搞作?首开FB Live精灵可爱对答如流 身上一特征令人感觉窝心
刚刚过了90岁的“方太”方任利莎的“烹饪界始祖阿妈”形象深入民心,从70年代开始在亚视妇女节目主持烹饪环节,到了2000年后,方太逐渐淡出幕前,专心享受退休生活。不过近年方太孻女阿宝为妈妈开设FB,不时贴方太的近照,日前方太更首度开直播,令不少网民大感惊喜。
相关阅读:89岁方太患一病致败血症!入院再染RSV酿肺炎 爱女长文炮轰私立医院拒收症
方太更首度开直播:
事缘日前网民在FB群组留言称教煮𩠌的方太今年已经90岁:“祝方太 身体健康!长命百二岁。人生就好像妇女节目烹饪环节咁,一早整定!”孻女阿宝在方太的FB群组转发并说:“多谢大家不时记挂方太,咁不如方太试下开live同大家倾吓计,好唔好?”结果昨日(14日)方太首度开live。90岁的方太在镜头前依然很精灵,全程现招牌瞇瞇笑眼,温暖妈妈感觉非常窝心,在接近一小时live上,方太与网民对谈如流,有网民大赞:“方太仍然好靓!好有福气!”、“细细个几岁就睇你煮野食,直入我脑袋,我而家都钟意煮嘢食。”、“细个成日睇,家政考试都跟方太食谱。”、“方太啲白头髪仲少过我。”甚至有人问:“你会唔会开 live教煮野食呀?”
方太成日话要揾工
其后孻女阿宝亦有留言感谢大家:“因为系第一次,我同方太都无试过,有啲手忙脚乱,下次应该会做得好啲,方太之后都话钟意直播,不过希望你哋多啲交流。嗯,咁我哋下次大家可以问下佢嘢,方太会尽量回复。㖊日直播嘅时候,我提到方太成日揾工,之后有位朋友就同我建议,点解方太唔喺FB专页做啲电商生意,咁咪有工做咯!哈哈,系喔,呢个都不失为一个想法。其实系今年初,我自己都开咗一个卖护肤品嘅网店,我当时嘅想法系,要陪伴照顾方太,我就唔可以成日外出,但又唔想自己太无聊,所以就揾啲小生意做。而家已经运营咗六个月,都算熟手,亦都有生意,所以如果方太要做少少电商生意,我应该都支援得到。大家点睇?”
方太作客《流行都市》?
方太90岁生日最紧要开心
孻女阿宝续说:“我估方太喺网上介绍啲好嘢畀大家,点都好过𠮶啲‘打电话倾偈’嘅可疑工作,如果你哋都觉得可行,我就去试下进行,好唔好?至于直播,如果一个星期一次,我觉得你哋唔会睇啦,或者一个月一次啦,呢排天气热,我哋都无出去旅行,所以好少拍片。或者等我睇下,平日有啲咩可以拍低畀大家睇。再次多谢大家支持方太,你哋令佢好开心好温暖,多谢大家。”最后孻女阿宝贴了一张方太近照并说:“今年方太生日食咗几次饭,呢个系正日前两日‘暖寿’嘅午餐。学得方太话斋,开心就日日都生日,咁希望大家日日都Happy Birthday 啦!。”
其他文章:
89岁方太优雅御寒Look精灵办年货!街头揾伯伯写挥春 六字泄囡囡恨嫁心声?
方太现身《流行都市》大爆当年教煮𩠌秘闻 曾与安德尊合作称赞后生好乖又照顾人
89岁方太出山教煮𩠌?激罕作客TVB《流行都市》 网民集气跪求露两手
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。