方太90歲生日有新搞作？首開FB Live精靈可愛對答如流 身上一特徵令人感覺窩心
剛剛過了90歲的「方太」方任利莎的「烹飪界始祖阿媽」形象深入民心，從70年代開始在亞視婦女節目主持烹飪環節，到了2000年後，方太逐漸淡出幕前，專心享受退休生活。不過近年方太孻女阿寶為媽媽開設FB，不時貼方太的近照，日前方太更首度開直播，令不少網民大感驚喜。
相關閱讀：89歲方太患一病致敗血症！入院再染RSV釀肺炎 愛女長文炮轟私立醫院拒收症
方太更首度開直播：
事緣日前網民在FB群組留言稱教煮餸的方太今年已經90歲：「祝方太 身體健康！長命百二歲。人生就好像婦女節目烹飪環節咁，一早整定！」孻女阿寶在方太的FB群組轉發並說：「多謝大家不時記掛方太，咁不如方太試下開live同大家傾吓計，好唔好？」結果昨日（14日）方太首度開live。90歲的方太在鏡頭前依然很精靈，全程現招牌瞇瞇笑眼，溫暖媽媽感覺非常窩心，在接近一小時live上，方太與網民對談如流，有網民大讚：「方太仍然好靚！好有福氣！」、「細細個幾歲就睇你煮野食，直入我腦袋，我而家都鍾意煮嘢食。」、「細個成日睇，家政考試都跟方太食譜。」、「方太啲白頭髪仲少過我。」甚至有人問：「你會唔會開 live教煮野食呀？」
方太成日話要搵工
其後孻女阿寶亦有留言感謝大家：「因為係第一次，我同方太都無試過，有啲手忙腳亂，下次應該會做得好啲，方太之後都話鍾意直播，不過希望你哋多啲交流。嗯，咁我哋下次大家可以問下佢嘢，方太會盡量回覆。噚日直播嘅時候，我提到方太成日搵工，之後有位朋友就同我建議，點解方太唔喺FB專頁做啲電商生意，咁咪有工做咯！哈哈，係喔，呢個都不失為一個想法。其實係今年初，我自己都開咗一個賣護膚品嘅網店，我當時嘅想法係，要陪伴照顧方太，我就唔可以成日外出，但又唔想自己太無聊，所以就搵啲小生意做。而家已經運營咗六個月，都算熟手，亦都有生意，所以如果方太要做少少電商生意，我應該都支援得到。大家點睇？」
方太作客《流行都市》？
方太90歲生日最緊要開心
孻女阿寶續說：「我估方太喺網上介紹啲好嘢畀大家，點都好過嗰啲『打電話傾偈』嘅可疑工作，如果你哋都覺得可行，我就去試下進行，好唔好？至於直播，如果一個星期一次，我覺得你哋唔會睇啦，或者一個月一次啦，呢排天氣熱，我哋都無出去旅行，所以好少拍片。或者等我睇下，平日有啲咩可以拍低畀大家睇。再次多謝大家支持方太，你哋令佢好開心好溫暖，多謝大家。」最後孻女阿寶貼了一張方太近照並說：「今年方太生日食咗幾次飯，呢個係正日前兩日『暖壽』嘅午餐。學得方太話齋，開心就日日都生日，咁希望大家日日都Happy Birthday 啦！。」
其他文章：
89歲方太優雅禦寒Look精靈辦年貨！街頭搵伯伯寫揮春 六字洩囡囡恨嫁心聲？
方太現身《流行都市》大爆當年教煮餸秘聞 曾與安德尊合作稱讚後生好乖又照顧人
89歲方太出山教煮餸？激罕作客TVB《流行都市》 網民集氣跪求露兩手
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
