星8卦丨「大仔」愛姐姐「阿媽」經濟封鎖 老竇出手支持幫「大仔」繼續愛

「典型」 一家真複雜，「阿媽」成日拎住兩個仔嚟威脅「典型」，目的係要佢努力搵錢畀自己揮霍 。最近啲細路都開始拍拖，「大仔」因為參加訓練班，鍾意咗比自己大30年嘅老師，兩個人偷偷摸摸，但點知都畀「阿媽」發現，梗係激到生蝦咁跳，同老竇一樣喜歡媾姐姐。

相關閱讀：星8卦丨「乖巧」人前人後兩個樣 埋怨公司推job錯失攞獎機會

作為「阿媽」又好難話唔嬲，大咁多又點會長遠吖，於是初時由勸去到鬧，日日家嘈屋閉，所以「大仔」都怕咗，應承「阿媽」兩個人唔再來往，但背後就梗係越阻越愛啦，「大仔」仲同老師講呢世只會愛佢一個人，到自己有能力一定娶佢。「阿媽」 最後就梗係發覺，繼續玩埋死又點啫，「大仔」冇你咁好氣，「阿媽」惟有出最後一招經濟封鎖，諗住斷水斷糧就會令老師知難而退，如果你要養埋自己個仔都無辦法，相信無女人會咁蠢啫！

但峰迴路轉嘅係，老竇喺呢個時候出手，你唔畀阿仔錢咩？老竇有，畢竟你阿媽啲錢都係我畀，你斷阿仔糧，我咪唔畀家用囉，而且私底下同「大仔」講，唔緊要，你想愛就愛，老竇支持你，因為大家都係過來人！今次「阿媽」知道做乜都冇用，唯有學識放手，無眼睇！

其他文章：

星8卦丨「敗家」痴迷「平凡」 「正室」靠老爺度橋捉姦保住頭家

星8卦丨「姑姑」畀綠帽「浮跨」戴 急嫁「才子」最終頂唔順分手

星8卦丨「甜甜」自力更生吊高嚟賣得罪「班霸」「東家」求開工待遇慘過做新人

星8卦丨「霸道」心計重逼走同門做一姐 嫁入富門無錢駛重出江湖?爆

星8卦丨「純品」錯愛「怪人」被分手 用附屬咭支持靠「怪人媽」

星8卦丨「嬌嗲」「阿仔」真心相愛結良緣 奶奶變態行徑破壞夫妻關係

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。