榛綦孖台灣型男黃柏峰拍新歌MV 相距30cm晒最萌身高差 最怕一種男士追求

憑《全民造星IV》出道，去年底宣布加盟Hey music HK Ltd的樂壇新人榛綦（Natalie），繼早前推出派台歌《旅程多得你守望》後，今日（12日）再推出新歌《第一零一次再見》，帶出「離別」不一定是傷感、「離別」是為了下次的重逢，而為打造出靚人靚景，今次MV除了落足本飛赴台灣拍攝外，更專程邀請擁有逾6呎高的台灣型男黃柏峰擔任男主角，與嬌小的榛綦組成「最萌身高差」。

相關閱讀：榛綦@STRAYZ與過百隻羊同場演出視覺震撼 專注個人發展年底爭新人獎

榛綦與6呎型男拍MV組成「最萌身高差」？

榛綦（Natalie）參加《全民造星IV》出道，去年底宣布加盟唱片公司成樂壇新人。

 

榛綦早前推出派台歌《旅程多得你守望》後，今日（12日）再推出新歌《第一零一次再見》。

 

今次MV落足本飛赴台灣拍攝。

 

榛綦新歌MV打造出靚人靚景。

 

MV更專程邀請擁有逾6呎高的台灣型男黃柏峰擔任男主角。

 

黃柏峰與嬌小的榛綦組成「最萌身高差」。

 

榛綦與黃柏峰在MV裏有親密鏡頭，直言有些場面都有點尷尬。

 

榛綦大讚黃柏峰好友善。

 

榛綦不介意追求者身高差距逾30cm，但希望追求者不要太進取，否則會有壓力。

 

《第一零一次再見》顧名思義以「離別」為主題，榛綦認為「離別」是每個人人生必經階段，故毋須太傷感，可以樂觀心態面對，她說：「對我嚟講，最經常遇到嘅『離別』，係好多同學會去外國讀書，今次拍攝都勾起我一啲回憶，我有個好朋友喺英國讀書，每次佢放假返嚟之後，飛返英國我都會送機，雖然知佢會再返嚟，都有啲唔捨得，不過唔好將件事睇得太難過，大家都要開心樂觀啲。」

去台灣拍攝MV

榛綦為今次新歌飛抵台灣拍攝MV，初嘗出埠拍攝滋味，她表示：「覺得好開心，可以到台灣拍攝，畫面所有嘢都好靚，喺戶外拍攝時，天氣都好好，我係一個見到靚嘢會超級開心嘅人，所以拍出嚟係好靚，希望大家會鍾意。」不過今次台灣之旅，由於拍攝時間緊湊，榛綦每晚收工都要去便利店吃飯團醫肚，無暇品嚐台灣地道美食。

除了出埠拍攝，今次MV特別之處，更專誠邀請身形高大的台灣型男黃柏峰擔任男主角，首次跟對方合作，榛綦坦言最難忘二人的身高差距：「對方同我身高相差成30cm，我企喺度去唔到對方膊頭，所以幾難忘，我哋一齊企喺度嘅話，唔知個鏡頭會唔會同框唔到，身高差太多，好搞笑。」未知榛綦與黃柏峰在MV裏可有親密鏡頭？榛綦指：「都有啲比較親密，企close啲、個頭close啲咁，有啲場面都有啲尷尬，始終第一次合作，初初開始都需要時間去互相熟悉，而佢都好友善。」MV拍攝前，導演擔心拍攝經驗不多的榛綦難以入戲，特別安排人員到場指導情緒演繹，豈料榛綦埋位拍第一個鏡頭已交足戲，令導演及在場工作人員大感驚訝，大讚她有演戲天份。

榛綦鍾情含蓄男

提到「最萌身高差」，身形嬌小的榛綦可會接受追求者身高逾30cm? 她謂：「我接受到30cm嘅身高差，好似都幾可愛吖，不過我希望追求者唔好太進取，因為太進取我會有啲壓力，所以比較鍾意性格含蓄啲，等大家透過傾偈慢慢去了解對方。」

 

其他文章：

Strayz處女作《Stray》出街 畫花塊面通宵拍MV

頭條獨家│《造星IV》榛綦提Edan即面紅 入圍獲家燕姐鼓勵

女團Strayz出活動唔齊人 趙展彤屋企噪音問題已道歉否認鬧狗

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。