星8卦丨「乖巧」人前人後兩個樣 埋怨公司推job錯失攞獎機會

人真係不可以貌相，初時人人都對「乖巧」非常有好感，覺得有禮貌又斯文，原來只係表面，骨子裏其實好陰濕同計算。亦因為表面嘅感覺，令到「乖巧」嘅星途一直都順暢，近年直情係無人可以爭嘅情況下，歸納為演技派嗰一類 。

相關閱讀：星8卦丨「敗家」痴迷「平凡」 「正室」靠老爺度橋捉姦保住頭家

可能因為順利咗 ，真本性終於蒲頭。話說有次公司同事嘅朋友結婚，話係「乖巧」嘅粉絲，於是同「乖巧」講可唔可以錄一條賀朋友大婚嘅片作為禮物，「乖巧」梗係一貫做好人，好呀，你等我一陣，而家未得閒。點知轉個頭同事嘅上司就走嚟同佢講，你做乜走去騷擾「乖巧」，佢話你畀麻煩佢，因為三唔識七，做乜要幫佢忙，搞到同事唔開心又尷尬 。

自從有咗啲名氣同被評價後，「乖巧」就變得更加串，以為自己真係前途無限，開始埋怨公司唔幫佢接之前嗰部好戲，人哋唔使點做都攞埋獎，而製作組方面第一個係搵佢，但各方面衡量覺得佢唔啱做。而家口碑咁好，「乖巧」覺得係公司拖累咗佢，所以日鬧夜鬧，話成班人都係廢嘅，無眼光。相關人士亦唔可以話乜嘢，但個心就嬲到話放長雙眼，睇佢可以紅得幾耐，人品咁差，唔行得遠嘅！

其他文章：

星8卦丨「姑姑」畀綠帽「浮跨」戴 急嫁「才子」最終頂唔順分手

星8卦丨「甜甜」自力更生吊高嚟賣得罪「班霸」「東家」求開工待遇慘過做新人

星8卦丨「霸道」心計重逼走同門做一姐 嫁入富門無錢駛重出江湖?爆

星8卦丨「純品」錯愛「怪人」被分手 用附屬咭支持靠「怪人媽」

星8卦丨「嬌嗲」「阿仔」真心相愛結良緣 奶奶變態行徑破壞夫妻關係

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。