車Cam直擊｜九龍塘家長帶學童衝馬路險捱撞 網民：帶個短跑冠軍出嚟

家長帶子女亂過馬路隨時害己害人！今日（9日）網上流出一段車Cam影片，片中顯示今早7時46分，一名家長帶着學童趕返學，在九龍塘界限街近金巴倫道交界橫過馬路。現場4線行車交通略為阻塞，剛巧亦有警車在場向前慢駛，但涉事家長無視警察，拖着小童「楔車罅」衝過對面馬路。

當家長和小童越過3條行車線後，拍下涉事車Cam片的私家車駛至，幸司機及時煞車，未有撞倒兩人。此時家長亦嚇得目定口呆，即時止步，她稍一定神才匆匆帶着小童走過餘下馬路。司機亦不禁嘆謂：「黐線㗎真係！」

事發時警車在場。fb車cam L（香港群組）影片截圖

 

家長帶小童「楔車罅」衝過馬路。fb車cam L（香港群組）影片截圖

 

家長帶小童「楔車罅」衝過馬路。fb車cam L（香港群組）影片截圖

 

兩人當時跑過第3條行車線。fb車cam L（香港群組）影片截圖

 

拍下車Cam片的私家車駛至，家長及小童即時收步。fb車cam L（香港群組）影片截圖

 

事後司機將車Cam片上載至社交平台，提醒家長：「乜嘢家長帶小朋友咁樣過馬路！唔係次次咁好彩㗎！」網民大讚司機反應快、「好彩你經驗夠，睇唔清路面冇揸咁快」。有網民揶揄涉事家長，「重（仲）要有警車都過果下（嗰吓）勁」、「佢真係當警察死架喎」、「帶個短跑冠軍出黎（嚟）」、「返學緊要過條命」、「遲到好過報到呀」；又直指「幾趕時間都唔係咁過馬路啦，遲早一次出事的」、「呢啲父母真係要重罰」。

兩人即時停步，家長嚇得目定口呆。fb車cam L（香港群組）影片截圖

 

家長嚇得目定口呆。fb車cam L（香港群組）影片截圖

 

家長稍一定神，拖着小童繼續過路。fb車cam L（香港群組）影片截圖

 

幸2人未被撞倒。fb車cam L（香港群組）影片截圖

 

事後司機亦不禁嘆謂：「黐線㗎真係！」fb車cam L（香港群組）影片截圖

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。