港產大熊貓｜湊仔唔容易 盈盈湊B攰到垂低頭面壁坐

要湊大一個BB，棉乾絮濕少啲心力都唔得！早前誕下龍鳳胎的海洋公園大熊貓盈盈，更加要雙倍給力，幸好有海洋公園護理員會協助盈盈交替照顧一對大熊貓龍鳳胎。

海洋公園今（8日）發放最新的相片，其中一張相只見盈盈垂下頭面向牆壁而坐，園方配上文字「湊仔真係唔容易......唞吓先」，右方地上相信是「細佬」一臉睡眼惺忪地「嗯....？」，彷彿疑惑媽媽在哪兒？終於盈盈唞夠氣後，「嚟啦，嚟啦」再次抱起「細佬」，擁入懷中安撫，再用舌頭舔其身體，盡展母愛。

盈盈攰到垂下頭面向牆壁而坐。IG@pandahk_officia

 

盈盈抖完再抱起BB，用舌頭舔其身體。IG@pandahk_officia

 

盈盈昨日雙倒頭大睡。IG@pandahk_officia

 

盈盈昨日湊住「家姐」一齊倒頭大睡。IG@pandahk_officia

 

唔經唔覺「細佬」的黑色小背心已完全現形。IG@pandahk_officia

 

畫面洋溢母愛，網民紛紛留言為盈盈打氣：「為全世界媽媽鼓掌，盈盈會有雙倍掌聲，因為要湊雙胞胎家姐同細佬」、「媽媽＆工作人員辛苦晒」、「湊孖B真係唔容易啦，一隻輪完到一隻嚟，盈盈加油呀，妳得嘅，呢啲辛苦嘅時間好快過」，「加油吖盈盈，妳係好媽媽」。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。