专栏｜高尔彭马是车路士下一个传奇？

自夏萨特离开后，车路士一路都揾唔到星级球员取代佢嘅位置，经历过几个有得有失嘅球季，今季新帅上任，高尔彭马已经系球队嘅掌舵人。

彭马上季嘅表现可以用震惊嚟形容，基本上系靠晒佢孭飞，最稳阵嘅12码刽子手，对曼联嘅绝杀及对爱华顿嘅帽子戏法等，依然记忆犹新，佢亦赢得英超赛会及PFA最佳年轻球员，甚至有啲球迷觉得佢系上季最佳嘅英超球员，经历完上季同欧国杯之后，究竟佢有无回落到呢？

睇嚟系无，一个好嘅球员就系无论咩体系咩教练，都系围住佢转，有能力适应到，彭马正正就系咁，头3场联赛已经有1入球4助攻，核心系可以同时带动身边嘅球员表现一齐提升，马度基对狼队戴嘅帽，受惠于彭马帮佢引开咗好多防守球员，后者依然有能力穿针引线，真系好全能。

而一个传奇就系可以一手一脚将球队拉上一个新嘅高度，彭马系时候真系要担大旗做大佬，今季就系考验佢“揸车”嘅能力，全世界都知道要睇实你，佢仲有无魔法可以将球队更上一层楼？Willhappy

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。