陳蕾孖洪嘉豪魏浚笙11月開騷 擔心台上唱歌忍唔住笑 集齊「國榮腳」「曼玉腦」「城武樣」Chok爆拍海報

陳蕾、洪嘉豪（Kaho）和魏浚笙（Jeffrey）將於2024年11月16日假亞洲國際博覽館Arena舉行《KATCH OUR LIFE 陳蕾 x 洪嘉豪 x 魏浚笙 音樂會》，這次是三人首度同台演出，不單只樂迷期待，主角們同樣興奮，陳蕾道：「我會形容為緊張，因為我驚唱嚴肅嘅歌望到Kaho或者Jeffrey會忍唔住想笑，頭先影poster已經係囉，人哋set咗個好有氣質嘅場景但係咁忍唔住笑。」Jeffrey則分享了對於兩位拍檔的感受：「我會用光芒去形容，因為有時見到Kaho同陳蕾都好有光芒。」Kaho則表示：「一定要用豐富去形容，因為3位曲風，尤其陳蕾比較唔同，但我同Jeffrey又有唔同，台上可能會有啲幾好玩嘅嘢。」

今次三人首度同台演出，不單只樂迷期待，主角們同樣興奮。

 

陳蕾笑說驚唱嚴肅嘅歌望到Kaho或者Jeffrey會忍唔住想笑！

 

洪嘉豪呢個樣好Chok喎！

 

拍攝Poster時，三人都不約而同聯想到王家衞電影世界的演員，陳蕾說自己有個曼玉腦。

 

Kaho說自己係張國榮嘅翹腳，而Jeffrey則是城武樣！

 

三人為音樂會拍攝海報時，攝影師特別營造了帶有王家衞電影感覺氛圍的場景，陳蕾、Kaho與Jeffrey都收起了平日輕鬆的心情與笑容，在鏡頭前chok爆擺甫士，型格十足，而三人在拍攝時原來都不約而同聯想到王家衞電影世界的演員。Kaho道：「我都想做返啲氣質出嚟，所以有啲相我係張國榮嘅翹腳。」陳蕾：「我都有個曼玉腦喺度！」Kaho聽罷即代Jeffrey回答道：「我係國榮腳、你係曼玉腦，Jeffrey本身就係城武樣啦！」，Jeffrey聽到Kaho的答案，也傻傻的笑著，流露出金城武般的可愛笑容。

陳蕾擅長編織，被問到可會為兩位男士編織演出服裝時，即笑說無謂搞到人哋。

 

她表示織完他們不喜歡自己會不好意思！

 

Kaho表示冇操肌呢方面嘅興趣，肌肉就交返俾其餘兩位。

 

陳蕾

 

音樂會以「Katch Our Life, Bravely Be You」為核心主題，鼓勵大家活在當下，勇敢做自己。被問到他們在生活上如何勇敢做自己，Jeffrey道：「我會捉緊做人嘅信念，因為信念好緊要。」Kaho則道：「我諗係捉緊當下，因為我唔識，好多時都珍惜唔到呢一下。」陳蕾也認同Kaho，說：「我都覺得係要捉緊當下，譬如今日拍攝，有時我都唔知笑乜嘢，但都會想捉緊當下呢個同佢哋一齊合作好愉快嘅心情，希望演出當晚大家都可以好享受當下，捉緊當下，帶俾大家精彩嘅表演。」Kaho也補充，續道：「未必次次演出都有好放鬆嘅陣容，可以好珍惜可以玩，希望演唱會當晚可以做到呢種感覺俾大家。」

「無謂搞到人哋啦」

陳蕾擅長編織，她被問到可會為兩位男士編織演出服裝時笑說：「眼神已經確認佢哋唔打算著我織嘅嘢，大家合作就無謂搞到人哋啦，織完佢哋唔鍾意我又唔好意思，或者織啲小物件，當護身符袋住，當係首次合作嘅一個紀念品同祝福。」Kaho在個唱時操肌成效很好，今次可會再一次刻苦操肌呢？Kaho自爆道：「其實我冇操肌呢方面嘅興趣，但純粹覺得上台都要fit啲，但個唱我會形容為有少少過火，但嗰一刻係唔知，唔覺得自己咁瘦，所以今次會健康返啲，至於肌肉就交返俾兩位。」Jeffrey聽到Kaho這麼說，也坦言：「肌肉真係冇咗啦，消失咗，所以今次上台好想純粹享受同兩位合作。」Kaho有點不相信，說：「點知全部衫都係露臂同低胸！」
 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。