《中年2》鄭梓浩同居7年女友踢爆終極賤男長期偷食 揭軟飯王真身腳踏三船要食壯陽補品丨獨家

憑《中年好聲音2》簽約TVB的鄭梓浩 (Brian，原名鄭家駒)原來是終極渣男，剛被分手的女友Grace挺身向《星島頭條》作出「愛的控訴」，表示跟55歲的Brian同居近7年，一直靠她供食供住，花足幾百萬助男友追歌星夢，但男方依然不斷偷食，除已婚「小三」外，還被一位出身演藝世家的半個圈中人「小四」包養，甚至呃女友送壯陽補品醫性功能障礙餵「小三」，連Brian大仔都睇唔過眼。傷透心的Grace決定大義滅親：「我覺得同一個咁嘅人一齊好恐怖！」採訪：曾盻堅

相關閱讀：《中年好聲音》曹敏寶緋聞男友被追數 遭「債主」公開欠債數目梁浩銓坦承：做錯咗

即睇鄭梓浩同居7年女友踢爆渣男真面目：

Grace好錫Brian，買埋商務機票請佢去旅行。

 

Grace被鄭梓浩情緒勒索8個月，身心俱疲。

 

Grace個樣殘晒。

 

月前「中1生」龍婷爆出喺車廂內狂啜人夫丘亞葵。

 

11月13日Grace過咗50萬，包括45萬支票畀Brian找卡數及交租。

 

櫃員機過數5萬。

 

鄭梓浩年輕時好鬼有型。

 

王菲、李家明、鄒靜、劉彩玉及鄭梓浩(Brian)曾經是新藝寶歌手。

 

鄭梓浩年輕時28歲的照片。

 

鄭梓浩育有兩子。

 

《中年好聲音2》Brian 11強止步。

 

但仍執身彩成為無綫藝人。

 

Brian跟「小二生」黃劍文、劉威煌、安雅希拍MV。

 

大仔不屑和37歲「小三」同行。

 

Grace相機內見到「小三」片。

 

內地叫Shadow Law，37歲，同樣有老公及子女。

 

今年1月，Brian被揭佛山收埋「小三」時道歉。

 

鄭梓浩同猛料「小四」玩祼聊。

 

今年1月，已搬往炮房的Brian否認再有女人。

 

 

 

今年5月，Brian突然狠心提出分手。

 

Brian冇晒錢，又係浪子回頭嘅時間。

 

Brian求復合。

 

今年6月，Brian做抖音直播時，懷疑被已分手的「小四」追數。

 

今年4月，Grace陪鄭梓浩母親、鄭梓浩大哥及Brian的大仔睇《中年好聲音紅白大戰》。

 

Brian、Grace有過快樂時光。

 

Grace已融入鄭家。

 

就算未註冊都以Brian老婆身分出席鄭家家庭聚會。

 

Grace請埋鄭梓浩及兩子去旅行。

 

Brian、Grace係初戀情人。

 

Grace出公出力支持Brian返港追夢。

 

拍拖頭3年形影不離。

 

Grace請Brian周遊列國。

 

Grace係Brian「大水喉」。

 

Grace係貼心女友。

 

就算手已分，6月尾也要Grace應酬老闆打造好男人形象。

 

廣播劇《十八樓C座》「祥嫂」朱雪梅（白色上衣女子）是鄭梓浩的表姑媽。

 

Brian大仔怕咗老竇不負責任行為已離港。

 

貼身fans都知道鄭梓浩搞三搞四。

 

Brian細仔被讚係型仔。

 

90年代出道的鄭梓浩曾移居紐西蘭，在當地結婚生子，婚姻破裂後於去年回流參加《中年好聲音2》，雖然11強止步，但挽回人氣，獲Fans讚似日本型男大叔，近期主持TVB《鄰住買》。Grace是Brian的初戀情人，兩人於2017年11月7日重遇，女方重提孽緣都好驚恐：「佢承諾會真心真意同我一齊，話『好後悔前半生媾女無數，玩到婚姻失敗，以後都唔會再做咁蠢嘅嘢。』我信以為真，2017年11月13日過咗50萬(45萬支票及5萬現金)畀佢找卡數及交租；咁佢話要返嚟香港做歌手追夢，我就幫佢打造韓星造型、影相、拍片及出Po，又請埋佢父母及兩子去旅行，佢兩個仔都叫我阿媽，就算未註冊，我哋都係一個family。」

鄭梓浩佛山收埋「小三」

Grace以為一家人生活好幸福，惡夢卻於去年12月底浮現。「同居6年，去年12月尾佢突然話借咗朋友元朗間屋住，會離開呢個家，之後會同紐西蘭回來嘅大仔返內地長住，幫大仔醫肌肉萎縮 (輕微) 病，當時已懷疑佢外出有女人，但佢唔認，強調冇放棄呢個家，但我堅持唔可以當屋企係酒店，唔畀佢返嚟。」至今年1月1日，Grace在相機內發現Brian跟一名女人的親密片段，「佢斷正先肯承認佛山有『小三』，原來佢每次返佛山做抖音直播，就call『小三』提供性服務，核核突突咁開完抖音就『搞嘢』，𠱁到『小三』畀咗兩萬蚊佢出車，就連大仔來回紐西蘭至香港機票，『小三』都資助咗一萬蚊。」Grace透露「小三」知道Brian有『老婆』，佢亦知道「小三」名字，「佢叫Shadow，37歲，同樣有老公及子女。」因為被發現偷食斷米路，Brian即求復合，日日在Grace屋企附近扮癡漢半個月，最終女方心軟原諒他。

鄭梓浩「小四」長租炮房

好戲在後頭，除了「小三」，原來Brian仲疊住有個猛料「小四」，除已婚及已為人母外更是半個圈中人，但多年來卻背住老公做「食家」：「Brian同『小四』搞咗幾個月曖昧大玩祼聊後，『小四』就多次主動約炮，去年12月中仲長租炮房畀Brian兩父子入住，承諾會畀更好嘅生活佢哋。」但Brian求饒時只認有『小三』，後來Grace接獲Brian大仔求救才真相大白，「大仔覺得好羞恥，佢見到爸爸今個禮拜上內地同『小三』瞓，下個禮拜返港同『小四』搞，所以希望『媽媽』救返爸爸返嚟！」最後亦因「小四」唔放水，Brian決定同「小四」劃清界線，「佢喺情人節晚返屋企，我又再原諒佢一次，但佢同『小四』有錢銀轇轕，「小四」甚至搵埋我追數，承受好大壓力。」到5月時，Brian趁Grace歐遊時又提出分手：「佢由內地返家擸晒啲名牌衫褲話要走，狠心留言『我已經唔再愛你，請你接受現實…』我仲求佢返嚟；一周後佢又話浪子回頭，對住阿仔及佢媽媽面前承諾會同我一生一世，以為係真，點知兩日後鬧完又走咗3周；7月初又話回頭，7月尾返內地開抖音直播跟住失聯。」Grace受盡折磨，「呢8個月佢不停拖拖拉拉住我，當個仔冇錢交租就叫我匯錢。上次返嚟仲懶得戚話『使乜理我咁多？男人最緊要識返屋企！』仲話頭3年只得我一個女人。」

鄭梓浩縱慾過度致性無能

問到Brian係咪性上癮？Grace覺得男方有偷食心理病：「佢個仔講咁多年都有，唔偷唔安樂，阿仔仲話去東京旅行，Brian喺隔籬床同『小四』搞嘢，其實可以book多間房，或者唔帶啲仔去啫。」Grace仲爆Brian用古惑招呃補品滾女，「Brian話中咗COVID影響到性無能，同我呻『之前媾女作孽太多，可能個天要懲罰佢』，甚至有性功能障礙，唔係想搞就搞到，叫我買啲中藥畀佢調理，我戇居居買咗啲鹿尾巴丸，佢收到後帶晒返內地食，話需時進補要日日食，後來先知原來係搞『小三』搞唔掂，叫我買嘢畀佢，呢條友黐線同變態，都唔好意思同人講，係返屋企前『食飽』咗，縱慾過度，導致性功能出障礙啫。佢真係大話連篇，7年感情我放唔低，所以我一直畀機會佢浪子回頭，但係原來佢周圍溝女嘅性格係唔會改，我今次死心嘞。」

其他文章：

中年好聲音2︱梁浩賢被爆今年結婚？劉威煌聽到有女聲叫老公 當事人口窒窒有呢個回應

《中年好聲音2》尹新杰婚紗相曝光 索妻李寶雯似韓劇主角 低胸長裙罕有性感

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。