直擊秦煌護老院生活雙腳腫晒仍好胃口 內地女友唔願畀錢來港探望被逼分開丨獨家

76歲行動不便的秦煌獨居無依，今年3月在青衣酒店房跌倒送院，之後安排入住護老院。秦煌形容在護老院的3個月生活因禍得福，事關獲社福機構每月給予$11,000住院生活津貼，另有$4,000綜援，三餐不愁，唔使急於抱病開工「撲水」，坦言安樂哂。《星島頭條》記者於晚飯時段探望煌哥，雖然雙腳腫晒，但胃口唔錯，掃清時菜肉片飯，但本來笑笑口的他，講起久未見面的內地情人Mary即一臉無奈：「過去式喇。」採訪：方騫平 攝影：譚志光

瘦咗的秦煌精神爽利。

 

所住嘅大房算係乾淨企理。

 

護老院職員照顧周到。

 

煌哥幾好精神。

 

秦煌唔覺人生失敗。

 

近300磅的秦煌送院後發現有貧血、營養不良，而且多處機能循環唔好導致雙腳浮腫，目前每周被安排去醫院做物理治療。另外，12年前在劇集《法網狙擊》跟他結緣的陳煒，亦慷慨出錢安排按摩師每周上門。

12年前陳煒在劇集《法網狙擊》跟煌哥結緣。

 

76歲行動不便的秦煌曾獨居青衣一所酒店。

 

慶得鄰居林偉照顧。

 

煌哥體重高峰期接近300磅。

 

雙腳腫如「裹蒸糉」

煌哥要全天候着尿片，隔日會有職員幫他沖涼，由於要方便坐輪椅的院友上落床，所以住在只得布簾分隔的大房，不過每朝起身後，他會被推往所屬的私人空間開飯及睇電視。煌哥稱已習慣老人院生活，對於院舍膳食質素及照顧安排，亦好滿意。《頭條日報》記者探望煌哥當日正值晚飯時間，他掃清時菜肉片飯，食得津津有味並滿足地說：「入院初期戒飯，故落咗60磅，肚腩都細埋，𠵱家唔敢太瘦會食返一碗細飯，有返飯氣面色都好啲。」不過，他稱就算瘦咗都要着10XL褲頭。講到身體狀況，煌哥形容都ok：「右腳好有力，左腳就差咗少少，可以扶住企起身再扶住行兩步，但我好驚，冇乜信心行得耐。」記者見到著咗鞋的煌哥，雙腳腫到似「裹蒸糭」，右邊小腿又包咗紗布，他解釋是久久未癒的小傷口：「職員好緊張，會幫我包好傷口。」

煌哥食時菜肉片及白飯，都算有胃口。

 

煌哥唔使靠人，「呀」一聲後，一口氣扶住枱面企起身。

 

煌哥對跟Mary嘅往事答得黯然。

 

煌哥喺所屬的私人空間，邊食飯邊睇電視。

 

當晚煌哥食時菜肉片及白飯。

 

秦煌有自得其樂空間。

 

右腳因為有小傷口被紗布包住，雙腳腫如「裹蒸糉」。

 

欠60萬咭數預破產

說到經濟狀況，煌哥獲社福機構每月給予$11000住院生活津貼，另有$4000綜援，每月「出糧」日子就最興奮，會叫朋友推他落街撳錢及買零食：「呢度5點晚飯，要買定杯麵做宵夜。」煌哥坦言得到社會保障，總算唔愁生活：「以前我唔識㗎，係跌倒後社工幫我申請，所以𠵱家唔急於返出嚟做嘢，如果啲老友唔介意我坐住輪椅去開工，只能行得嗰兩步，咁我都唔介意畀人睇下我個樣，唔好唔記得我。」他透露跟《愛回家之開心速遞》劇組好老友，「佢哋曾提出如果我狀態好又行得，叫我去玩下。」

出事前，煌哥獲劉偉強邀請到內地拍電影《北京水餃皇后》。

 

1983年，煌哥在劇集《射雕英雄傳》中飾演「周伯通」最經典。

 

提到幫已失去聯絡的大女還債，搞到要套現3層樓及耗盡300萬現金，煌哥後悔至今，「因為冇問原因，還累到自己簽落60萬咭數做生活費。」周身債無力償還，他亦有破產的心理準備：「銀行有追我數㗎，但追追下都唔追，追到攰冇心機啦！我都還唔起…不過，我都70幾歲唔介意破產，反正有食有住仲有零用錢，如果銀行強制我破產仲可以慳返萬幾蚊律師費。」一無所有的煌哥唔覺得失敗：「唔係失敗，只不過經歷過沙士、疫情等，係環境所造成，再加上被親人拖累。哈！係命運問題。」

煌哥跟已故商台DJ莫佩雯夫妻關係極差。

 

唔想Mary嘥錢探佢

目前煌哥最唔放心就係跟咗佢20幾年，較他年輕30歲的內地情人Mary：「叫佢落嚟探我，包佢食住要畀成皮嘢，佢唔捨得畀，我又唔想佢畀…」煌哥有感而發：「已經係過去嘅事，我要照顧自己先，(同Mary已成過去式？)可以咁講，但我冇怪佢，係我冇搵佢。」他指當年20歲的Mary幫他煮飯做家務，覺得做完就係佢嘅人：「直至佢36歲，話『女人責任一定要生一個』，當時係我話唔可以同佢生，建議佢搵人生，生完由我養，兩母女搬返嚟深圳同我一齊住。」煌哥直言唔介意Mary跟他之後，還跟其他男人有性關係：「咁佢返嚟後同我一齊住都冇走過，從一而終，如果Mary因為想生仔，我唔肯配合要求分手，我諗做人唔應該咁。」煌哥早年已送咗湖南樓畀Mary兩母女，目前女方有車有樓，煌哥答得黯然，「久不久會諗起，但俱往矣。」

曾跟梁朝偉及已故翁美玲拍劇集《挑戰》。

 

2020年煌哥曾在電視城跌親。

 

秦煌多次進出醫院。

 

和陳玉蓮合作《神雕俠侶》。

 

 

2019年葉念琛導演與劉嘉玲、劉江及秦煌拍電影《我的情敵女婿》。

 

秦煌、王晶與鄭則仕係三大「巨無霸」。

 

跟當年小生苖僑偉拍《播音人》。

 

歐陽震華、秦煌、吳鎮宇、李婉華拍《卡拉屋企》。

 

2003年秦煌跟宣萱、陳秀珠拍劇集《戇夫成龍》。

 

2008年秦煌在《超過無敵獎門人》節目中和孫慧雪玩「呼拉圈」。

 

秦煌曾不慎失足墮海重傷昏迷，甦醒後在醫院見傳媒。

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。