黄心美刘明轩听失婚同路人经历听到喊 产后主持《40路》获激励孙慧雪速减10几磅丨独家

42岁的孙慧雪、黄心美及46岁刘明轩（Vivian），首次合作主持ViuTV选美真人骚《美丽40路》，3人表示一定唔敢参加大赞参赛者好勇，甚至被参赛者的经历所触动。失婚的心美及Vivian感受最深，后者更讲到眼湿湿，而阿雪就受到一位单亲妈妈的励志故事所激励，成功减肥10几磅。采访：杜杜 摄影：林宾尼 服饰:Born Diamond(阿雪)、alice + olivia by Stacey Bendet(心美)、LOVE BONITO(Vivian)

阿雪、心美和Vivian初次合作已好老友，“呢个年纪仲争咩吖 !”

 

心美觉得自己是个肯承担又有责任心的人。

 

阿雪认为自己最靓一面是性格好就得人。

 

Vivian被拍档赞够正面，口中永无恶言。

 

阿雪是监制和编审的心水选择，招募宣传片已由她拍摄，“网民话拣得好啱，觉得keep得好就符合《40路》主持嘅条件，我好开心又紧张，因未做过大骚主持。”心美于2018年离开ViuTV，一口答应监制邀请，之后又好担心，“话晏啲send资料畀我，等到夜晚都冇，开始谂好多嘢，我口快快应承咗，但会唔会系叫我参赛？！打畀相熟导演先肯定揾我做主持。”Vivian收到监制message，更以为是电骗，“我识监制，但好长时间冇联络，又话我美魔女，有个节目主持要我做，系咪电骗嚟？！后尾监制再录音畀我，听到佢把声就知真系佢。”但她最介意被称为“美魔女”，“我以前报娱乐新闻年代，形容刘晓庆6字头但keep得好靓先叫美魔女，但介意咗1秒啫！我有8、9年冇主持成个节目，一听就有兴趣。”

Vivian被拍档赞够正面，口中永无恶言。

 

Vivian被拍档赞够正面，口中永无恶言。

 

《美丽40路》除阿雪、心美和Vivian，还有陈俞希主持。

 

Vivian近年主力搞美容产品生意、读儿童游戏治疗硕士及学紫微斗数。

 

一致拒绝做参赛者

问到若然真的被邀参赛？3人表示会一口拒绝，最熟ViuTV真人骚运作的心美就解释，“又唔知第1届做咩，连奖品都未公布，有冇奖金又唔知，成个真人骚咁长时间，唔知会考验你啲咩，《造星》有好多表演，事前又唔知，但今次唔算不停表演。”阿雪当时刚生完细仔Rian ，最担心仲未修身，“我第1样谂系要减肥，好多人都觉得揾得你去做主持，一定要有啲代表性，我好畀心机去减，但真系冇用㗎！睇佢哋瘦到呢！（无奈地望着两位拍档）。”Vivian即刻安抚：“佢第1日系胀啲，但每次见都缩咗啲。”怕要挑战自己底线的Vivian就不敢参赛，“蜘蛛𠮶part搞唔掂，真系好惊，揸住影𠮶个参赛者其实好惊，但佢都顶到，我未必顶到。”

心美觉得自己是个肯承担又有责任心的人。

 

心美觉得自己是个肯承担又有责任心的人。

 

心美主持真人骚好有经验，曾主持《全民造星》。

 

经常被参赛者触动

节目中参赛者分享了很多经历，阿雪被一个单亲妈妈所触动，努力减肥10多磅演出，“佢照顾晒小朋友，但系又有自己事业，各方面都keep得好好，好欣赏，特别体重管理，点解可以咁fit？！”她们坦认有时仲会听到喊，心美说：“佢哋讲经历时久唔久弹句嘢出嚟，对我哋都有好处，明白人人都有呢啲经历，唔系孤单。”单是参赛者自我介绍，心美已有感受，“问佢点解嚟参加，好多都话想嚟挑战自己，有个印象好深刻，佢做太太同妈咪嘅角色太耐，终于为自己做返啲嘢，但又唔系为咗赢。”

阿雪认为自己最靓一面是性格好就得人。

 

阿雪认为自己最靓一面是性格好就得人。

 

阿雪2016年跟批发商富二代罗天彦（Edwin）结婚，育有两子。

 

阿雪陀第二胎时巨肚达44吋，修身特别困难。

 

心美唔谂拍拖结婚

Vivian亦被参赛者经历打动，甚至Feel到痛，“真系嘭一声打入我个心，有啲事有啲感受连系到，知道佢当时情绪我都会痛。”Vivian更讲到眼湿湿，“人生总有啲嘢好委屈。”心美认同：“因为经历过所以明白。”离过婚的Vivian坦认听到参赛者失婚经历，感受特别深，“当然件事唔会一模一样，自己都有啲委屈嘢好唔开心，但真系解决唔到，𠮶种委屈屈埋喺心入面，真系要自己去消化再跳返出嚟，要自己帮自己囉！”问到同样失婚的心美和Vivian对婚姻看法？心美答得斩钉截铁：“冇渴望想拍拖，冇渴望想结婚，好享受𠵱家单身。”Vivian跟心美唔同，“我就未至于好渴望，又未至于心如止水，真系随遇而安。”她承认经历过一次失败，择偶条件有所改变，“拍拖时所有甜言蜜语，我都enjoy，但唔系好长久，反而两个人嘅价值观要配合，先可以走更远，呢个要求其实系好高。”

Vivian讲起参赛者离婚经历，身同感受眼湿湿。

 

2010年，心美与台湾人Thomas结婚，后因经常分隔两地于2015年离婚。

 

Vivian与王傲山于2013年结婚，1年后离婚，更曾被前夫赶出家门。

 

 

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。