专栏│再见史达宁

车路士可以话喺8月31号不停清走球员，出租车最尾清得都唔系特别理想，不过讲到最大单一定系史达宁嘅离开加盟阿仙奴，然之后喺曼联度借入查顿辛祖。

由于马列斯卡提前将史达宁放入雪柜，令到佢喺短时间要走，原本仲谂紧佢要去边度，结果阿仙奴伸出援手，而家睇消息大约系各畀一半人工，而完成呢个租借嘅交易。究竟马列斯卡真系唔想用史达宁？定系人工太高要清走，符合老细继续减人工嘅条件，咁先过到财政公平条例？当然马列斯卡梗系会答佢唔啱我套战术，咁大家真系可以认真思考一下啦。

跟住随即就向曼联借用咗辛祖，先借后买嘅条款，如果今届车路士喺英超排第1至14名，车路士就要用2,000万镑强制买断。佢一早同曼联八字唔夹，转会过嚟车路士，叫做新环境可以睇下佢搞唔搞得掂？不过翼锋本身就咁多，佢要出场时间可能都好难，再加上呢单Deal走咗个英人补一个英人，究竟又系咪啱用㗎定系Panic Buy，大家又可以思考一下。

希望辛祖同史达宁两个球员都可以发光发亮，始终都系证明过自己嘅球员。Willhappy

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。