專欄│再見史達寧

車路士可以話喺8月31號不停清走球員，出租車最尾清得都唔係特別理想，不過講到最大單一定係史達寧嘅離開加盟阿仙奴，然之後喺曼聯度借入查頓辛祖。

由於馬列斯卡提前將史達寧放入雪櫃，令到佢喺短時間要走，原本仲諗緊佢要去邊度，結果阿仙奴伸出援手，而家睇消息大約係各畀一半人工，而完成呢個租借嘅交易。究竟馬列斯卡真係唔想用史達寧？定係人工太高要清走，符合老細繼續減人工嘅條件，咁先過到財政公平條例？當然馬列斯卡梗係會答佢唔啱我套戰術，咁大家真係可以認真思考一下啦。

跟住隨即就向曼聯借用咗辛祖，先借後買嘅條款，如果今屆車路士喺英超排第1至14名，車路士就要用2,000萬鎊強制買斷。佢一早同曼聯八字唔夾，轉會過嚟車路士，叫做新環境可以睇下佢搞唔搞得掂？不過翼鋒本身就咁多，佢要出場時間可能都好難，再加上呢單Deal走咗個英人補一個英人，究竟又係咪啱用㗎定係Panic Buy，大家又可以思考一下。

希望辛祖同史達寧兩個球員都可以發光發亮，始終都係證明過自己嘅球員。Willhappy

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。