前亚姐曾小燕验出脑瘤！有草莓咁大即做开脑手术：惊个肿瘤会爆
曾因“露毛事件”而成为新闻人物前亚姐亚军曾小燕，在90年代离开了娱乐圈，鲜再踏足娱乐圈工作。差不多有逾15年未有现身幕前的曾小燕，早前现身好友钟慧冰的YouTube节目《冰姐的花样人生》，除了重提“露毛事件”对她影响极深外，原来疫情前后曾经遇上两场大病，一度在鬼门关徘徊，同时亦认清身边人的真面目。
相关阅读：前亚姐曾小燕激罕现身！重提“露毛事件”影响极深 去年曾接受大手术死过翻生
曾小燕曾遇上两场大病一度徘徊鬼门关：
神隐多年的曾小燕今次再度现身，虽然脸上有不少岁月痕迹，但变化未算有太大分别，令不少网民感到惊喜。在节目上，钟慧冰表示疫情前两人曾见过面，当时曾小燕外貌，竟然被她误会是“整容失败”，钟慧冰笑说：“𠮶次见面觉得佢个样怪怪地，口肿面肿，鼻又好似好大，以为佢整咗容，仲觉得佢整得唔靓。跟住有朋友忍唔住佢，先知原来当时系免疫力出现问题。”原来曾小燕的姐姐有红斑狼疮症，想不到她的免疫力亦出现问题，她说：“所以要食类固醇，食完之后口又肿面又肿，都搞咗一段几长嘅时间。”
去年曾小燕又陷另一低潮
想不到去年曾小燕的人生又陷入另一个低潮，竟然发现脑部有一个肿瘤，虽然曾小燕目前已经康复，在节目上淡淡然忆述当时的情况，但实际上相当惊险，幸好最后逃离鬼门关，曾小燕说：“其实算系不幸之中嘅大幸，𠮶阵因为疫情冇返嚟香港好耐，亦都冇做身体检查，医生话通关可以返嚟香港，咪做过Body Check。当时做Body Check好简单，入去住一晚，第二日就出院。𠮶阵仲系我自己一个人入去，好精神，乜事都冇，点知上床瞓觉嘅时候，个头有啲晕，咪谂住瞓吓，点知瞓瞓吓觉得天旋地转，有啲唔对路，咪揿钟叫姑娘入嚟，话我唔舒服，个头好晕，仲想呕。”
曾小燕身体检查验出肿瘤
她续说：“跟住姑娘攞咗个袋畀我，我真系呕，呕完再量我啲血压，发现去到好高，于是即刻call医生做检查，点知一check发现个脑有个肿瘤，医生话好彩我喺医院发现，你知女人头晕身㷫一定有，如果喺屋企咪啪粒止痛丸瞓一觉咪冇事，好彩今次系喺医院check到有一个肿瘤喺个脑度。”她还说：“因为我嘅医生唔系𠮶科，好彩喺医院有神经外科医生，咁就约见咗神经外科医生，发现喺右边额头位置真系有一个肿瘤，有草莓咁大，个肿瘤压到脑中间𠮶条线已经歪咗，医生建议我必须要做个过开脑嘅手术。”
曾小燕：觉得系个天冧落嚟
曾小燕坦言当刻的心情是“觉得系个天冧落嚟”并说：“点解系我？完全冇谂过点解自己会有呢个病，医生仲话一定要切除咗先知道系良性定恶性，当时真系六神无主，囝囝又喺外国读紧书返唔到嚟，我又得自己一个，唔知可以点做，我都有揾其他医生听下佢哋嘅意见，我睇咗4个医生，佢哋都话必须要做呢个切除嘅手术，如果唔做，惊个肿瘤越嚟越大，甚至会爆，系非常之危险。”最后听医生的建议，在一个月内进行切除手术。
曾小燕昔日工作相：
谈到手术过程，曾小燕说：“要剃晒右边嘅头发，好感谢医生团队好成功同我做呢个手术，个肿瘤割咗出嚟系良性，好感恩，𠮶阵见医生同等紧做手术，望下个天空原来系咁大，咁靓，我有好多样嘢系未见，好多样嘢系未行，我都有问自己应该要点做？”然而最令曾小燕感到伤害的事，竟然是身边朋友的反应，她说：“当时屋企人同好多朋友都知道我有呢个病，其实有安慰，仲都有人惊咗我。你知唔系每个朋友有义务去帮你，可能有啲朋友觉得呢啲唔系好lucky嘅嘢，就唔想见，咁我都唔怪佢，佢哋冇义务去听你嘅嘢，去帮助你。但系都有一班雪中送炭嘅朋友，喺我最唔开心嘅时候，喺我身边陪伴我，支持我，经过呢一次，你会知道边啲系真心嘅朋友，边啲系酒肉嘅朋友。”
曾小燕因病认清身边朋友
曾小燕坦言曾为此感到不开心，但她说：“要平衡自己嘅心态，因为我要面对呢个咁大嘅手术，但系又要谂人哋嘅感受，人哋有冇义务先？系冇㗎嘛。但系仲有关心你嘅朋友喺度，点解唔谂吓佢哋？反而执着谂啲唔开心嘅事情，咪更加唔好。每个人都有唔同嘅谂法，我哋唔可以谂人哋点谂，最紧要系自己。”幸好在这段时间，因为这个人的出现，令她感到疗愈，她甜甜地说：“呢个人系周深，听过佢嘅歌嘅人，都知道佢把声好好听，真系 天籁之声，当我有呢个病之后，心情唔好𠮶阵时，就会听佢啲歌，发觉好治愈我嘅心情，情绪唔会好高涨，慢慢调节落嚟，真系估唔到。”
曾小燕病愈成为追星一族
自此之后，曾小燕成为追星一族，她笑说：“我未试过追星，估唔到好番之后竟然有呢个机会，周深喺深圳有个巡回演唱，买唔到飞，我喺成都有啲朋友，我咪叫佢哋帮我买到一张，所以我喺澳门飞过佢，我未试过，系第一次，真系非常之好睇。”还有一件事令曾小燕感到开心，就是她的宝贝仔已经硕士毕业，她说：“佢而家喺香港一间大学做关于脑退化症嘅研究，我真系好安慰，佢知我自己一个人咁多年，而且个病啱啱先好番，佢都愿意喺我身边陪住我，我仲开始收到个仔家用，已经收咗4个月。”
其他文章：
选美考古丨亚姐是非一箩箩！宫雪花虚报年龄 97年冠军被爆任职娱乐场所
>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。
iPhone：https://apple.co/2IBi812
Android：https://bit.ly/2Pe8anu
>>>订阅【加拿大星岛网电邮快讯】，每天可收到最快新闻资讯电邮：
https://www.singtao.ca/subscribe/singtao.php
>>>立即关注加拿大星岛新闻网TG Channel，让加国新闻无遗漏全天候向你推送：
https://t.me/singtaoca
>>>订阅CCUE YouTube 频道，查看更多吃喝玩乐、生活资讯影片。
