前歌手Belle大爆同ERROR约会好疯狂 真人骚《美丽40路》参赛者轮住投诉丨独家

ViuTV选美真人骚《美丽40路》下周一（2/9）播映，参赛者背景个个精彩，除有何洛瑶（Sica）妈咪，又有KOL、正职做投资银行的邓祖欣（Pam Pam T）；做过歌手的纹绣师曾凯霖（Belle）；前Dancer的单亲妈咪黄浩铃（Mekie）以及学霸家庭主妇高以嘉，4人初做访问都冇怯场，还大爆节目中唔少环节都好难顶，不过过程艰辛之余好有挑战性亦好爆笑。采访：杜杜 摄影：谭志光

Belle（后左）、Pam Pam（后右）、Mekie（左）和以嘉（右）觉得参加比赛赚得最多是回忆和友谊。

 

（左起）Mekie、Pam Pam、 Belle和以嘉觉得参加比赛赚得最多是回忆和友谊。

 

有1/4沙特阿拉伯血统的Pam Pam，结婚11年，有个5岁囝囝，正职做投资银行亦有开频道及做司仪，她称参赛纯为贪玩，其实谂过度过，目标清晰，“如果想做多啲司仪工作，我需要多啲曝光率。”做过歌手的Belle就想再追梦，“后生参加好多歌唱比赛，帮人唱Demo，10几年前自资出过首歌《飞去吧》，之后为屋企同经济负担放弃咗，依家事业稳定，想做返想做嘅嘢。”现职社福界的Mekie曾为黎明伴舞，离婚后独力照顾7岁和5岁囡囡，因为想挑战自己而参赛，“好开心有朋友推我嚟，去到呢个年纪一路好平淡，参赛后觉得40岁都可以好精彩。”以嘉就当了13年家庭主妇，照顾3个8至13岁的子女，参赛想有返自己，“做全职妈咪咁耐，称呼变咗小朋友妈咪，冇咗自己身份，好想用自己身份留返啲美好回忆。”

Pam Pam认为自己自信的一面最靓。

 

Belle觉得皮肤白晳是最大优势。

 

Mekie自觉认真投入的态度最吸引。

 

以嘉坦言唔识保养眼纹多，好彩睫毛够长。

 

觉得被逼又好享受

玩得真人骚，比赛环节一定充满挑战性，Pam Pam就投诉，“成日逼人素颜，想睇大家前后分别。”最钟意讲嘢的她，难忘有辩论比赛，不过佢识讲唔识写中文，事前做好多准备，“我摆咗好多心机，谂好个稿再写晒拼音，出嚟效果好好，好兴奋。”Belle就不满要着3点式，“我好钟意食垃圾食物，生活习惯好差，唔想凸个肚腩出嚟，好努力减咗10几磅。”她最难忘跟ERROR经理人济哥约会，“安排咗阿Dee、肥仔及济哥同几个单身参赛者speed dating，倾完偈再互选，我同济哥约会真系好搞笑好疯狂。”

Pam Pam开设个人频道，经常揾埋家人拍片。

 

Pam Pam有个5岁囝囝，老公亦支持参赛。

 

恨出镜的Pam Pam，早前上《晚吹 - 总有一瓣喺左近》做嘉宾。

 

Pam Pam爸爸是香港人，妈妈是中国和沙特阿拉伯混血儿。

 

担心着泳衣出镜的Belle，其实身材好好。

 

Belle梦想做歌手，曾自资出歌《飞去吧》。

 

ERROR的肥仔和阿Dee以及经理人济哥，都会亮相《40路》。

 

睇开ViuTV都知节目组钟意玩蛇虫鼠蚁，《美丽40路》亦唔例外。 Mekie觉得跟毒蜘蛛合照最难忘亦最难顶，“最初以为假，点知系真，仲好大只喺度爬，我最惊蛇虫鼠蚁，仲要摆甫士影相，全程僵硬咗，系人生最难顶嘅10分钟，制作组话预我会唔影同喊，但我觉得参加得就死都要做。”生活圈子好窄的以嘉，由海选开始已好难忘，“我系标准填鸭式教育下嘅产物，连present都唔叻，加上冇见过世面，面试得3个评判加1个工作人员，企喺个好矮嘅台才艺表演，我明明背咗1星期，都惊到震晒又走音唔记得歌词，到初选见咁多人就更加震撼，块面都僵硬咗。”

Mekie曾任舞蹈员，现在仍热爱跳舞。

 

Mekie曾任舞蹈员，现在仍热爱跳舞。

 

身为7A理科学霸的以嘉，更注重儿女开心成长。

 

身为7A理科学霸的以嘉，更注重儿女开心成长。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。