前歌手Belle大爆同ERROR約會好瘋狂 真人騷《美麗40路》參賽者輪住投訴丨獨家

ViuTV選美真人騷《美麗40路》下周一（2/9）播映，參賽者背景個個精彩，除有何洛瑤（Sica）媽咪，又有KOL、正職做投資銀行的鄧祖欣（Pam Pam T）；做過歌手的紋繡師曾凱霖（Belle）；前Dancer的單親媽咪黃浩鈴（Mekie）以及學霸家庭主婦高以嘉，4人初做訪問都冇怯場，還大爆節目中唔少環節都好難頂，不過過程艱辛之餘好有挑戰性亦好爆笑。採訪：杜杜 攝影：譚志光

Belle（後左）、Pam Pam（後右）、Mekie（左）和以嘉（右）覺得參加比賽賺得最多是回憶和友誼。

 

（左起）Mekie、Pam Pam、 Belle和以嘉覺得參加比賽賺得最多是回憶和友誼。

 

有1/4沙特阿拉伯血統的Pam Pam，結婚11年，有個5歲囝囝，正職做投資銀行亦有開頻道及做司儀，她稱參賽純為貪玩，其實諗過度過，目標清晰，「如果想做多啲司儀工作，我需要多啲曝光率。」做過歌手的Belle就想再追夢，「後生參加好多歌唱比賽，幫人唱Demo，10幾年前自資出過首歌《飛去吧》，之後為屋企同經濟負擔放棄咗，依家事業穩定，想做返想做嘅嘢。」現職社福界的Mekie曾為黎明伴舞，離婚後獨力照顧7歲和5歲囡囡，因為想挑戰自己而參賽，「好開心有朋友推我嚟，去到呢個年紀一路好平淡，參賽後覺得40歲都可以好精彩。」以嘉就當了13年家庭主婦，照顧3個8至13歲的子女，參賽想有返自己，「做全職媽咪咁耐，稱呼變咗小朋友媽咪，冇咗自己身份，好想用自己身份留返啲美好回憶。」

Pam Pam認為自己自信的一面最靚。

 

Belle覺得皮膚白晳是最大優勢。

 

Mekie自覺認真投入的態度最吸引。

 

以嘉坦言唔識保養眼紋多，好彩睫毛夠長。

 

覺得被逼又好享受

玩得真人騷，比賽環節一定充滿挑戰性，Pam Pam就投訴，「成日逼人素顏，想睇大家前後分別。」最鍾意講嘢的她，難忘有辯論比賽，不過佢識講唔識寫中文，事前做好多準備，「我擺咗好多心機，諗好個稿再寫晒拼音，出嚟效果好好，好興奮。」Belle就不滿要着3點式，「我好鍾意食垃圾食物，生活習慣好差，唔想凸個肚腩出嚟，好努力減咗10幾磅。」她最難忘跟ERROR經理人濟哥約會，「安排咗阿Dee、肥仔及濟哥同幾個單身參賽者speed dating，傾完偈再互選，我同濟哥約會真係好搞笑好瘋狂。」

Pam Pam開設個人頻道，經常搵埋家人拍片。

 

Pam Pam有個5歲囝囝，老公亦支持參賽。

 

恨出鏡的Pam Pam，早前上《晚吹 - 總有一瓣喺左近》做嘉賓。

 

Pam Pam爸爸是香港人，媽媽是中國和沙特阿拉伯混血兒。

 

擔心着泳衣出鏡的Belle，其實身材好好。

 

Belle夢想做歌手，曾自資出歌《飛去吧》。

 

ERROR的肥仔和阿Dee以及經理人濟哥，都會亮相《40路》。

 

睇開ViuTV都知節目組鍾意玩蛇蟲鼠蟻，《美麗40路》亦唔例外。 Mekie覺得跟毒蜘蛛合照最難忘亦最難頂，「最初以為假，點知係真，仲好大隻喺度爬，我最驚蛇蟲鼠蟻，仲要擺甫士影相，全程僵硬咗，係人生最難頂嘅10分鐘，製作組話預我會唔影同喊，但我覺得參加得就死都要做。」生活圈子好窄的以嘉，由海選開始已好難忘，「我係標準填鴨式教育下嘅產物，連present都唔叻，加上冇見過世面，面試得3個評判加1個工作人員，企喺個好矮嘅台才藝表演，我明明背咗1星期，都驚到震晒又走音唔記得歌詞，到初選見咁多人就更加震撼，塊面都僵硬咗。」

Mekie曾任舞蹈員，現在仍熱愛跳舞。

 

Mekie曾任舞蹈員，現在仍熱愛跳舞。

 

身為7A理科學霸的以嘉，更注重兒女開心成長。

 

身為7A理科學霸的以嘉，更注重兒女開心成長。

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。