星8卦丨「甜甜」自力更生吊高嚟賣得罪「班霸」「東家」求開工待遇慘過做新人

好多人都過份相信自己，成日嫌自己喺舊東家冇好日子，被欺壓，幻想獨立出嚟就會遇到好伯樂 。係，的確係幻想，尤其係對「甜甜」嚟講，一直都係妹仔角色，平平均均咁囉，後嚟真係朝中無大將，做過下女一，有過啲口碑，但都係剎那光輝。離開大公司初時，「班霸」對佢有啲意思，所以畀咗唔錯條件羅致旗下，一來多個新面孔，又可以方便自己同佢發展下曖昧感情。

相關閱讀：星8卦丨「霸道」心計重逼走同門做一姐 嫁入富門無錢駛重出江湖?爆

可惜「甜甜」會錯意，見「班霸」咁勁都對自己垂青，以為真係有貨，於是吊高嚟賣 。舊東家一直見佢無乜著落，都搵過佢幾次希望再續前緣 。咁樣你又爭佢又搶，令「甜甜」以為真係勁，竟然同「班霸」扭要多好多錢，「班霸」計數嗰個好精明，第一時間就話唔妥當。如是者拖拖拉拉，「甜甜」由好似好多人爭去到最後係無人問津 。

最近搵人搭路入咗弱台做下散job，總之keep住人氣有得亮相，連拍宣傳片都要自己出錢化妝，借衫，完全係新人嘅待遇，賤過地底泥，但「甜甜」唔敢再表達啲乜嘢，但求有嘢做下，唔好畀人見唔到，希望會有其他機會畀自己東山再起。但以佢嘅才華，真係要畀心機等下，因為最heat嘅時候唔食住個勢，好快就會被淘汰，尤其係娛樂圈！

 

其他文章：

星8卦丨「純品」錯愛「怪人」被分手 用附屬咭支持靠「怪人媽」

星8卦丨「嬌嗲」「阿仔」真心相愛結良緣 奶奶變態行徑破壞夫妻關係

星8卦丨「高大媽」阻住阿仔拍拖出奇招 冷飯菜汁招呼「花旦」終分手

星8卦丨「忠心」嫁人被逼增肥扮醜 「高大」大男人真身暴現新婚變分居

星8卦丨「高大」媾錯大嫂 大佬開辣條件懲罰 急娶「忠心」自救害人害己

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。