关嘉敏签TVB遭洗版2年闹反骨匿埋喊 入行8年靠扮谭辉智登热搜榜第一吓亲
29岁的关嘉敏(Carman)在TVB综艺节目《福禄寿训练学院》中神还原《梦中人》的王菲;又女扮男装变身《屈到病》“痰辉智”,扮嘢扮到上晒身登上“人气热搜”榜首,入行8年第一次。对于3年前,参加完ViuTV《全民造星3》后加盟TVB,被插“反骨无情”闹足两年,又撞正祖母离世,Carman当时有苦自己知,只能匿埋屋企喊。家阵贵为扮嘢新一代,已非二打六的Carman,自信满满咁话:“有能力嘅人去边度都会发光!”采访:方骞平 摄影:罗安强 场地:Amelia@海运大厦
关嘉敏在《福禄寿训练学院终极对决》中,学足谭辉智(FC)唱歌时的扭曲表情和嘴形,再配合机械式舞步,䁽眼望以为系本人,最搞笑连FC仔女都以为系爸爸。原来Carman扮FC有段故:“我好佩服李思捷嘅眼光,我曾提出扮肥妈、周秀娜、朱咪咪等,有晚佢望住我张相3粒钟就叫我试下扮佢(谭辉智),而王菲都系佢叫我扮,我信佢。”
想谭辉智着裙扮阿妹
从未扮过嘢嘅Carman绞尽脑汁演出,逐格重温FC唱《屈到病》及其访问动态,她笑说:“感觉突然好熟悉呢个人,好有亲切感,(做咗佢Fans?)我又唔够拉姑撼呀,不过,如果可以合唱及一齐拍剧就好喇。”Carman仲有好多鬼主意,“既然FC都话我哋咁似,我哋可以演兄妹,由佢做哥哥或者戴假胸、着裙反串扮阿妹,咁样好有喜剧效果,但佢始终系爸爸身份,唔知肯唔肯。”Carman曾是女子组合BINGO成员,出道8年只出过团歌未有Solo,故好恨有自己作品:“多年来Keep住有练歌,从来冇放弃过,唔想因为拍剧及做综艺失去初心,期待乘势争取唱歌机会。”因为扮嘢扮出个未来,Carman觉得好惊喜:“入行咁耐,就算我点畀心机日日跳舞,甚至着泳衣都上唔到‘人气热搜’榜首啦,更何况唔系‘衰嘢’(负面嘢),所以见到反应咁Hit都呆咗。”
由天堂跌落地狱好惨
2016年,Carman加入天盟娱乐成为女团队长,收过只得8毫子嘅粮单。至2020年参加ViuTV《全民造星3》10强止步,人气急升成功“脱贫”,可惜无以为继。2021年加盟邵氏揾机会惨遭网民声讨,闹足两年“反骨妹”。时隔3年已放下,“唔谂好耐喇,唉!当年俾人闹爆,有成千个批判留言,最唔开心责怪我反骨,演艺圈已经好少机会,佢哋当然唔会理解我感受,所以真系好无助好崩溃,最惨前几个月仲好哋哋接job,人气突然插水式下滑,接受唔到囉!咁啱同日祖母‘走咗’,唔通仲同家人讲我有几唔开心咩?当时真系好辛苦,匿喺屋企喊足3日3夜,乜都冇做过。”
Carman曾是女子组合BINGO的队长。 2020年,在《全民造星3》20强对决中跳唱加Rap《舞孃》。 关嘉敏曾是《全民造星》的参赛者。 曾抨击反骨的Carman在节目《mean talk》中向主持人吐苦水。 关嘉敏参加完ViuTV《全民造星3》后加盟TVB,被插“反骨无情”闹足两年。 于ViuTV剧《黑市-碟仙》中扮演玩碟仙惨死学生。
剧情需要可大胆演出
Carman庆幸好快企返起身,“去向由公司决定,除咗做好自己外,根本冇嘢做得到。”之后佢奉行“每次做嘢都唔好令自己后悔。”宗旨。另外因为被插足两年,Carman已刀枪不入,更认为有能力嘅人去边度都会发光!“要做有能力嘅人就要不停增值,我畀心机学话剧、功夫、打鼓、甚至射箭,想试多啲新嘢,会有多啲发挥。”已装备好的Carman,期待做个全能艺人,拍剧、出歌、返内地做综艺节目,甚至剧情需要,唔介意大胆演出。
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。