2元乘車優惠︱樂悠咭顯示長者咭 城巴司機拒開車捱罵 網民熱議突破盲點 城巴咁回應

60歲或以上香港居民由今日（25日）起，必須使用「樂悠咭」，才可享用2元乘車優惠。港鐵早前表示，申請「樂悠咭」需時約4星期。如果今日起65歲或以上乘客，繼續使用不記名長者八達通或長者個人八達通乘搭港鐵，優惠只有約成人車費的半價。60至64歲乘客如沒有使用「樂悠咭」，需要支付成人車費。 網上有片段指有長者用樂悠卡上午從香港仔魚類批發市場上車，乘搭城巴970X前往長沙灣，卻被車長截停，指她使用的是長者八達通。

「人工係咪你賠返呀」

事主隨立即拿出樂悠咭作解釋，惟車長強調系統顯示「長者八達通」，堅持不開車，車上乘客上前與司機理論，粗口橫飛。

從片段所見，一名女乘客對車長行徑相當不滿，認為車長需要為乘客負責：「971都走埋又少架車去西隧！你係咪幫我哋截車！都唔係做嘢㗎！人工係咪你賠返呀！證明唔到我哋畀咗錢呀！」車長則回應：「你X我都冇用！」

若是長者咭需要補差價

亦有乘客不滿車長「自己傻更更」，認為樂悠咭已經清楚證明身份。車長則攤手低喃：「有啲顯示係樂悠咭，有啲顯示係長者咭，你嗌我點做？嗰度顯示係長者咭嘛，顯示係樂悠咭我做咩問你啫？」司機在片中亦指已求助公司，但公司要求報警處理。

事件在網惹起熱議，有網民則突破盲點，指出因為部機辨認是長者咭而需要補車費，司機不能說了算，亦不會貼錢打工，問題根源是巴士公司。

城巴致歉：會加強培訓

城巴回應查詢時表示，城巴控制中心早上接獲一宗發生於970X號線的「樂悠咭」跟進個案，經了解後，收費系統事發時準確向該名持「樂悠咭」的顧客收取2元車資，城巴就車長與顧客出現溝通誤會致歉，表示會繼續加強前線人員培訓，確保同類事件不再發生。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。