力臻自爆学生妈咪做埋fans club行政成员 前中学阿Sir狂晒40吋胸女Fans沉晒丨独家
签约Sony旗下厂牌“Green Music”的29岁力臻，曾是中学数学老师，近年凭40吋胸及28吋腰倒三角爆肌身材及宠粉行为，搞到大量女Fans沉晒，在社交平台疯狂出Po赞好正，就连fans club行政成员都是中学学生的妈咪，他笑言非为吸纳粉丝才操大只。成为妹猪Fans新宠的力臻首谈恋爱史，更公开感激女友瞓身支持，有样又大只，识唱歌教过书仲要咁深情，你玩晒啦！采访：杜杜 发型:Zanki Ng 化妆:Queenie Chan
力臻今年推出第2首派台歌《我的课本留白处》，作为送给学生的最后礼物，因为唔想说教味太重，最终揾填词人Oscar帮手，“我唔用说教形式教学生，以过来人身份分享多啲，希望佢修饰得冇咁说教，但又有啲message，有种同行感觉。”讲起跟学生相处点滴，他最难忘Last Day返学校，“有个中三学生抛个篮球畀我，叫我‘阿Sir埋斋’，畀咗个好靓嘅句号，都感动到眼湿湿，教书咁耐总有学生唔钟意我，但开心有正面影响到啲学生。”
力臻一直努力分开老师和歌手身分，就算离校前一日都拒绝同学生签名及合照，“我会话唔识呢个人，呢个边个嚟？！”他现在是补习老师，承认有学生已变成粉丝，亦有粉丝慕名报读，“唔止学生，仲有学生家长，fans club嘅行政成员，系中学学生嘅妈咪，佢会带埋囡囡睇骚，走𠮶日都收到啲家长message，话支持我。”
Show胸唔一定色情
未听过力臻嘅歌，都应该从网上平台睇过佢副40吋胸肌及28吋腰倒三角爆肌Body，力臻觉得场地适合就去做，“沙滩show，唔通着樽领咩？！”热爱健身的他，认为艺人keep fit是尊重观众的专业表现，并非为吸纳粉丝，“有时做gym，都会问自己点解会做，系为咗畀人睇定变成生活一部份，呢个好紧要，否则好容易跌落病态，影响饮食习惯同健康就唔好。”
对于粉丝Focus佢副“靓偈”，力臻觉得冇所谓，“从艺人角度，唔系做每样嘢都要做个role model，健身、健美，除咗性感嘅靓亦系健康嘅运动，自律性嘅表现，骚个body唔系色迷迷嘅表现，要令大家想法转一转，睇身形唔系色情。”力臻的男女粉丝比例各一半，男粉会飞日本睇骚力撑，骚身材后又多了大量女粉丝，“like数都差好远，呢个系流量密码！”女粉急增但力臻未曾收过疯狂示爱，仲教大家如何温柔地向偶像表达爱意，“好简单，影完我再喺IG story打句‘佢真系好正呀’，tag埋我，咁我已经睇到，唔使直接send过嚟话‘你好正啦’！”
女友力撑做埋助手
谈到恋爱史，力臻拍过4次拖，最长一段由中学拍到入行，足足10年，“我哋同一间中学、大学，后尾仲一齐住，到我入行佢都尽量support我，但始终唔同行业。”2017年他本有机会出道，但爸爸突然病逝只能放弃，2021年再有机会他特别紧张，觉得事业行先，“当系二次人生，会摆得好高，一定要做到啲嘢，但有时夜返屋企，佢（旧爱）会有1、2句说话畀我听，就算我理解佢，都会影响心情，我𠮶时做全职老师，收工再做艺人，做啲嘢未必有钱，仲要处理佢嘅情绪，有少少分歧。”
力臻庆幸遇到现任女友，身体力行支持他在娱圈工作，“佢做法律有关工作都好忙，但都会做我小助手，我出活动或者做骚，佢一放工都会喺后台帮我影相、补妆，畀到我好大支持，呢个好紧要。”他又认为自己非靠外形吸引女友，“从来唔系大家选择对方最重要嘅嘢，尤其呢个年纪又一齐住，屋企都唔系依家个样啦！”不过他承认𡃁仔时期会先被外表吸引，“中学时觉得拍拖要拣个靓，所以点解咁长嘅感情，未必去到最后，因为被对方外表吸引，但相处落未必适合。”
BOX粉丝沉晒事件簿
Threads有好多歌颂力臻嘅Po，香港嘅爆肌男歌手越嚟越多，乐见呢个现象。
>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。
iPhone：https://apple.co/2IBi812
Android：https://bit.ly/2Pe8anu
>>>订阅【加拿大星岛网电邮快讯】，每天可收到最快新闻资讯电邮：
https://www.singtao.ca/subscribe/singtao.php
>>>立即关注加拿大星岛新闻网TG Channel，让加国新闻无遗漏全天候向你推送：
https://t.me/singtaoca
>>>订阅CCUE YouTube 频道，查看更多吃喝玩乐、生活资讯影片。
