谢东闵唔Care再被嘲讽“绿帽侠”贺离巢TVB 感激Haters肯花10秒留言耻笑：我真系多谢你 丨独家

38岁谢东闵(Brian)月初突然宣布离巢TVB，话晒14年感情，所以感慨出Po“希望将来再见”。Brian学到做戏技能，又学识做人，最重要凡事睇得好开，呢点非常唔容易，所以对TVB好感恩“俾人闹完下次咪学精囉。”对于口臭网民挖返女友朱智贤“偷食蛋糕”事件，回带嘲讽“绿帽侠”贺他离巢，因为唔睇网上留言8年，Keep住保到平安的Brian唔嬲之余仲为网民着想：“香港经济唔好，啲人压力好大，畀佢哋发泄下都OK嘅。”甚至多谢Haters愿意留言畀佢，坛数劲高。采访：方骞平 摄影：谭志光 场地：Variety Music Academy音乐学校

谢东闵唔care再被嘲“绿帽侠”，“钟意讲乜咪讲乜囉。”

 

谢东闵被指高大威猛有条件，唔怕揾唔到食。

 

谢东闵有音乐才华。

 

Brian外闯，网上有唔少声音。

 

肯留言都算对他有认识。

 

谢东闵明白出嚟待人处世EQ比IQ重要，冇EQ乜都做唔到。

 

010年《超级巨星2》入行的谢东闵，拍过多套剧集又唱过唔少剧集主题曲，年初播出的《本尊就位》更“升呢”做男一，本来大好前途。可能见去年11月朱智贤离巢，Brian亦步女友后尘出去闯吓。

Brian在TVB最后剧作《本尊就位》。

 

《本尊就位》“升呢”男一。

 

2010年Brian于《超星2》中夺得第4名。

 

今年情人节谢东闵和朱智贤出PO放闪。

 

返母校留影。

 

谢东闵最近都接咗啲JOB。

 

否认有钱仔传闻

谈到离开原因，Brian直言跟TVB路向唔同，他想唱歌及演戏，却得唔到承诺，故不想浪费时间停留但同时又好唔舍得：“由于走得突然，赶唔切跟同事道别，所以‘分手’后曾重返TVB一次，始终喺呢个地方唔系短时间，由一张白纸开始成长，学懂演戏及待人处事，仲识到一班好兄弟，张振朗鼓励我要‘加油’，不论朋友及事业上亦有得着，当行到停车场准备离开时，忍唔住流咗几滴眼泪。”他强调跟TVB关系仲系好好，更指公司一直给他机会，从冇待薄过佢，收入OK维到生，还特别为自己澄清唔系赚钱买花戴：“一定唔系有钱仔，家境处于中游，只系父母有揾钱能力唔使我负担，𠵱家冇咗棵遮荫大树就要拼搏，未来除专注做好音乐学校，仲做独立歌手。”

月初，Brian突然宣布离开效力14年嘅TVB。

 

Brian跟吴业坤、袁伟豪等组成“Crazy Runner”。

 

谢东闵、吴业坤、袁伟系好兄弟。

 

谢东闵常跟胡定欣、袁伟豪等跑步。

 

CRAZY RUNNER成员。

 

张振朗鼓励谢东闵加油。

 

被指系有钱仔嘅Brian食得好豪。

 

谢东闵家庭环境唔错。

 

劲锡两只爱犬。

 

新人被闹系必经

问到TVB难忘点滴?Brian称头3年拍剧经常被导演粗口问候最难忘：“𠮶时兴闹人，个个做嘢好认真，演员落场唔啱就挨骂，我会走错位阻人收工。”他好记得11年前拍《大药坊》时，陈展鹏、林子善、韦家雄为提他，系咁打眼色。“呢啲事唔会打击到我㖞！喺片场要将自己放到好低，系新人必经阶段，我好抵得闹，错就要认，打就要企定，俾人闹完下次咪学精囉，如果咁都睇唔开就好大镬。”Brian经过14年“洗礼”已去到化境，“年纪越大越要保持心境平静，近4年开始学习调节心情，因为情绪会影响到思考。我见前辈陈豪及黎耀祥喺片场都唔会对人指指点点，喺佢哋身上都学到嘢。”

Brian和陈展鹏、林子善、韦家雄系《大药坊》4兄弟。

 

谢东闵2011拍《你们我们他们》演技幼嫩。

 

2011年拍过《法证先锋III》。

 

《法证先锋V》时已判若两人。

 

小品式剧作《香港爱情故事》。

 

凶悍嘅《杀手》。

 

谢东闵拍过古装剧《丫鬟大联盟》。

 

谢东闵《廉政行动2022》。

 

跟陈炜及陈展鹏拍《黯夜守护者》。

 

黎耀祥唔会喺片场指指点点。

 

体谅网民要宣泄

对于Brian外闯，网上有唔少声音，有赞他高大威猛有条件，唔怕揾唔到食；亦有口贱网民留言话唔Care佢走唔走，只记得佢系“绿帽侠”！Brian闻言一脸愕然，笑住话自己好传统，近8年冇睇网上留言，只系间中会听下YouTuber嘅新闻评论：“我唔care呢啲留言，我又唔识你，唔会喺留言中生存，最重要系佢哋唔使负责任，钟意讲乜咪讲乜囉。”Brian坦言𠵱家香港经济唔好，市民压力好大，他更深明大义说：“佢哋利用网络去宣泄情绪，讲完开心，畀佢哋发泄下都OK嘅，我起码畀到你舒服啲呀，出嚟待人处世EQ比IQ重要，冇EQ乜都做唔到。”不过唔嬲还唔嬲，Brian觉得网民靠网络宣泄唔健康：“按逻辑思考，我都唔会将快乐建筑喺别人痛苦身上啦，咁可想而知佢哋系咩人？自身一定唔开心，所以唔使在意，要带啲好嘅嘢畀人，咁自己先好㗎嘛。”

谢东闵被口贱网民留言狂踩，忠粉都睇唔过眼。

 

网民踩得好尽。

 

4年前朱智贤与人夫黎振烨假戏真做，谢东闵陪住女友走出困境。

 

黎振烨、朱智贤曾发生“偷食蛋糕事件”。

 

Brian又指艺人做每件事，观众都会有意见：“可能越多留言越好，证明受关注，佢哋肯花10秒时间留言畀我，我真系多谢你啦。好似Taylor Swift咁，IG留言都唔系个个正面啫。”至于网民话唔识佢，他再笑说：“唔识我唔紧要，𠵱家知咪得囉，大家可以重新认识我。”最后他透露和女友感情稳定，但未有结婚计划，未来两人将拍住上做善事。

未来除专注做好音乐学校，仲做独立歌手。

 

余晓彤（Hidy）为谢东闵单曲《同在》拍MV。

 

谢东闵、朱智贤感情稳定。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。