香港小姐2024丨15位佳麗童年相曝光 7號秦冀雯自爆差點見報 9號陳甜甜因一事「頭髮亂了」
《2024香港小姐競選》將於下月15日舉行決賽，15位候選佳麗連日來接受密集式的訓練，日前首度以泳裝現身記者會，當中8號盧凱怡以35吋半上圍成為「咪神」。今日（22日）大會公布15位候選佳麗小時候靚相，雖然有佳麗已經「由細靚到大」，但亦有佳麗似男仔頭，甚至有人一出世爭點上報紙！
相關閱讀：香港小姐2024丨15位佳麗比堅尼泳裝逐個睇 9號陳甜甜「胸狠」上圍勁搶fo 咪神港姐另有其人？
15位候選佳麗萌爆童年相逐張睇：
大會今日公布15位候選佳麗小時候靚相，觀乎15張「Q 版港姐」童年照，不難發現不少佳麗的美貌是三歲定八十，當中2號倪樂琳、3號王汛文、4號謝淑怡、8號盧凱怡及 12號鍾翠詩的童年照更是靚到不得了！「甜美笑容」代表的12號鍾翠詩拍攝宣傳片時，「神還原」了兒時招牌篤面珠可愛手勢，並笑言：「細個嗰時嘅我好鍾意笑同影相，唔鍾意喊。」「眼睩睩」代表2號倪樂琳則笑稱小時候是搞怪小妹：「我細個比較古靈精怪，見到鏡頭會好鍾意唱歌同跳舞，做啲好搞怪嘅動作。例如我鍾意喺媽咪想影我優美咁彈琴嘅時候，好似傻咗咁 boom boom boom亂彈。」又笑言相關性格適合參選港姐：「因為唔會令氣氛冷場。」2 號倪樂琳說畢更即時向鏡頭展現瘋狂兼驚喜的「搞怪表情包」，十分可愛。
部份佳麗小時候已憧憬參選港姐
不少佳麗由小時候開始已憧憬參選港姐，分別是4號謝淑怡、5號莊曉婷、8號盧凱怡、10號吳芷靖及 11號梁嘉莹。自小已鍾情閃閃發光東西的4號謝淑怡，小時候會邊看港姐、邊模仿冠軍佳麗向鏡頭揮手；5號莊曉婷則會與在家中扮香港小姐：「細個因為短頭髮，會攞啲毛巾扮長頭髮嘅香港小姐。」5 號莊曉婷還透露小時候「超級男仔頭」之謎：「細個時媽咪一定要我哋三兄妹剪短頭髮，我係到中學先可以留長頭髮，嗰刻我好開心。」10 號吳芷靖小時候已想參選港姐的原因亦很搞笑，她亦忍不住邊笑邊說：「細個係有偷偷地幻想自己係香港小姐冠軍，因為細個覺得自己好靚，一直都好有自信。」
15位候選佳麗泳裝逐個睇：
7號秦冀雯BB時期已有特別經歷
不過並不是所有佳麗從小到大都斯斯文文，9號陳甜甜及13號程姜月，小時候竟曾與男生打架。9號陳甜甜更笑言小時候試過因為打架，弄致「頭髮亂了」：「我記得小時候媽媽幫我紮很漂亮的小辮子，放學後小辮子都立起來，就是因為跟男同學打架就沒了。」並補充是直到讀大學才變回斯文清秀。至於 13號程姜月的打架理由，原來是出於正義感：「細個成日同男仔打交，因為覺得啲男仔會蝦啲女仔，我就好睇唔慣。」7號秦冀雯仍是BB時期已有相當特別的經歷：「我出世時十斤四両，好重，因為太重，啲護士全部 O 晒嘴，仲有記者過嚟採訪我媽咪，準備要登報紙。點知幾日之後，有個十一斤幾嘅小朋友出咗世，佢就搶咗我風頭喇。」
其他文章：
2024香港小姐丨楊梓瑤獲批將會得獎 陳甜甜唔知自己係大熱 梁嘉莹拍外景吊威也自覺反應大
香港小姐2024丨15強佳麗黑白背心造型照曝光 18號陳紫佟勁遴迍整跌后冠
香港小姐2024丨秦冀雯盧凱怡鍾翠詩泳裝落水好養眼 師姐麥美恩出動「阿媽泳衣」搶fo
香港小姐2024丨莊曉婷李曼思俞可程變身內蒙古美女 何沛珈水土不服獲佳麗照顧
香港小姐2024丨26歲謝淑怡真係鋼琴家？碩士出身畢業曾獲最高榮譽鋼琴紀念獎 出國比賽屢獲殊榮
香港小姐2024丨莊曉婷李曼思俞可程準備禦寒衣物到內蒙古 陳甜甜梁嘉莹楊梓瑤留港體驗道地生活 15位佳麗兵分5路拍外景
香港小姐2024丨10號吳芷靖黑歷史曝光？性感內衣照尺度驚人 揸煙手勢純熟疑是煙民：只不過XX
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
