区永权唔恨加人工否认有钱仔唔志在 笑洪永城对答慢几拍以为扮傻抢镜丨独家

区永权(Albert)联同洪永城(Tony)、胡美贻、伍韵婷主持TVB直播节目《瞬间直击半小时》，“重返”案发现场讨论过去意外的瞬间，引来唔少回响。虽然Albert跟Tony相识多年，由有线到无线，原来今次系首次合作，Albert更笑指和Tony对答时，对方永远停顿1.5秒令佢相当奇怪。 采访：方骞平

区永权有丰富主持经验都被直播节目考起。

 

区永权有丰富主持经验都被直播节目考起。

 

Albert联同洪永城主持TVB直播节目《瞬间直击半小时》。

 

Tony系主持能手。

 

虽然做惯主持，因为此直播节目比较崭新，Albert都被考起，但又觉得好刺激！节目中有唔少网片，相信好多人已经睇过，但经专家分析，可从多角度探索当中有趣观点，观众都话长知识。除此之外，首次跟洪永城合作亦有意想不到的火花，大家同是爸爸，又有共同嗜好，经常约跑步。

区永权、洪永城合作有火花。

 

区永权系好爸爸好老公。

 

洪永城育有两女。

 

两公婆陪大女卖旗。

 

拍剧养成停顿习惯

讲到笑料，Albert有开心大发现：“做节目嘅时候，我讲完嘢之后，Tony永远会停顿1.5秒先接我下一句，我心谂，‘佢系咪要标奇立异？定特登扮蠢 (扮猪食老虎)，何解有停顿位？’有次我好奇追问原因？”Tony答佢，“录影厂拍剧，演员接对白必须要等候1秒方便剪接，因为拍剧养成呢个习惯。”终于真相大白，Albert补充，冇谂过Tony咁做为咗抢镜：“因为通常啲人系会扮聪明嚟抢镜，冇可能扮迟钝抢镜，所以我谂极都唔明啫！哈！打后都有幕后问佢？原来佢咁做真系会引起人哋注意！洪爷果然系洪爷！”

Tony拍剧多年养成接对白要停顿1秒习惯。

 

提到早前喺《东张》慰劳宴上，全世界嗌住要加人工，Albert就唱反调，“我冇嘢要求，我唔需要加人工，因为我为兴趣啫，服务大众。”被指家住贝沙湾，唔志在人工。Albert笑说：“OK啦，当然有得加系最好，不过，许涛主席都讲到明加人工系需要程序，所以即系短期内都未必会发生！不过佢都好好，马上每人派咗封大利是！”

慰劳宴上，Albert冇要求《东张》加人工。

 

家住贝沙湾豪宅的Albert，露台望无敌大海景。

 

屋企个景好正。

 

育有两子的Albert，一家4口常去旅行。

 

Albert是前星盒子成员，去年1月在伊馆举行音乐会圆歌星梦。

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。