翁静晶讲解何家历史厘清关系 暗寸“何伯”认亲认戚：揦埋当风湿
曾接受《东张西望》访问的何伯与何太自从节目播出后，一直都成为网民的焦点，近期因为何太坚拒将何伯的名字加入公屋而租住酒店避违规，不过两人又因屡被投诉而要败走，但两人仍坚持周街开直播。日前何伯在直播上“认亲认戚”：“你唔知我哋姓何嘅家族喺澳门系几大？你查一查同澳门姓何𠮶啲有乜嘢关系？”昨晚（19日）翁静晶于YouTube频道“危险人物2.0”亦有谈及何家的亲戚关系。
相关阅读：翁静晶讲解“一晚五次”论原来暗藏玄机 或与香港婚姻条例相关：原来有人好识法律
翁静晶谈何家的亲戚关系：
翁静晶昨日在直播中谈到何家的亲戚关系：“我而家喺澳门，何生都有好业务喺度，我又讲吓你听，我哋啲亲戚系乜嘢嚟，你知唔知点解我哋姓何？你觉得何氏宗亲会、何东家族甚至何鸿燊家族，佢哋个族谱同埋祠堂喺边度？我哋都系宝安县人，但系点解何家系宝安县嘅人，原因好简单，因为佢哋出身嘅地方喺香港，香港系属于宝安县，点解佢哋姓何？系因为佢哋嘅祖先系嚟自荷兰。唔系因为佢哋嘅祖先系有一个姓何嘅中国人，成个何家嘅第一个祖先，就喺1800年𠮶早期年代，有一个叫Charles Bosman嘅人，呢个Bosman译为何仕文，佢系荷兰领事，佢一个人嚟到香港之后，咁佢哋都有‘何伯的需要’，佢哋会揾啲水上人家嘅女仔一齐。”
何东家族不是姓何
翁静晶续说：“何仕文当时揾咗个姓施嘅女仔一齐，呢个姓施嘅女仔即系何东个妈妈，佢生咗几个半东半西嘅人，所以何东𠮶本外国护照系写住Bosman而唔系姓何，但系喺以前嘅社会，会叫呢啲不中不西嘅人做杂种，系畀人睇唔起，佢哋为咗要得到中国人嘅认同，佢哋会着中国人嘅衫，改中国人嘅姓，所以如果你系一个姓何嘅中国人，你话系我哋嘅亲戚，就好似有啲奇怪，因为你睇清楚佢哋啲样，何彪个样更加唔使讲，直头系个白人，佢哋个家族就沟咗几多代都好，用DNA嚟验，都系有白种嘅血统，所以唔系真系姓何，唔好‘揦埋当风湿’，根本系冇人姓何，系荷兰嘅意思。”
何太曾对号入座回应翁静晶？
借人哋嘅光环去恐吓人：有啲过份
后来翁静晶更分享一件 “好得意嘅嘢”并说：“以前啲女人喺英国同香港嘅法律，原来都系属于男人嘅物品，所以女人未婚系属于父母，嫁咗就属于丈夫，老咗就属于啲仔，所以你系冇办法拥有自己嘅财物，但系𠮶阵啲女人同洋人一齐系好着数，佢哋可以着洋服，仲可以拥有物业，因为佢哋系洋人嘅女人，如果𠮶个洋人走嘅时候，又会将佢哋转过去畀另一个朋友接收，当然而家睇会觉得呢个过程好悲哀，甚至乎又唔系好道德，我哋每个人都会有自己嘅历史，我哋唔需要扮晒鱼虾蟹，借人哋条裙肚嚟冚自己对脚，借人哋嘅光环去做啲咁嘅嘢，借人哋嘅光环冚自己对脚去扮叻，扮威都可以，但系你借人哋嘅光环去恐吓人，话畀人知你识边个边，有恶势力，喺澳门又点点点，呢个就有啲过份，我可以肯定话畀你知，𠮶条友又唔系亲戚。”
其他文章：
>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。
iPhone：https://apple.co/2IBi812
Android：https://bit.ly/2Pe8anu
>>>订阅【加拿大星岛网电邮快讯】，每天可收到最快新闻资讯电邮：
https://www.singtao.ca/subscribe/singtao.php
>>>立即关注加拿大星岛新闻网TG Channel，让加国新闻无遗漏全天候向你推送：
https://t.me/singtaoca
>>>订阅CCUE YouTube 频道，查看更多吃喝玩乐、生活资讯影片。
