《男航女機師》SLDPK丨頭條戲場
全片110分鐘,笑咗90分鐘,當中包含小笑、大笑、翻笑同埋笑到係咁拍朋友隻手,香港好多導演都話拍笑片好難,但韓國啲笑片真係好癲,好笑之餘,笑料仲要好高質,點做到?此片內容有關男人扮女人,易容玩足電影八成時間,即係咁,如果你覺得男扮女點可能呃到人?又或者睇親戲都邏輯L上身,呢套戲未必啱你睇嘞。(剛上映) 撰文:廖思慧
![韓正優扮女人考機師獲取錄,首日返工超有自信。 韓正優扮女人考機師獲取錄,首日返工超有自信。](https://image.hkhl.hk/f/1024p0/0x0/lr/sthl/2548f02711538c3bc259a95254bdbdcb/2024-08/17.jpg)
韓正優扮女人考機師獲取錄,首日返工超有自信。
![韓正優本是星級機長,有錢又有面,但衰多口被炒後一沉百踩。 韓正優本是星級機長,有錢又有面,但衰多口被炒後一沉百踩。](https://image.hkhl.hk/f/1024p0/0x0/lr/sthl/165b597c6fd1ab75ea50ad723a79fd8a/2024-08/24_8.jpg)
韓正優本是星級機長,有錢又有面,但衰多口被炒後一沉百踩。
電影屬大癲級爆笑喜劇,由搞笑好叻的曹政奭主演,一直知佢勁,劇集、電影、舞台劇、音樂劇,唱埋OST之餘,仲要有獎攞,真係瓣瓣掂。戲中飾演韓正優,本是深受市民追捧的明星機長,電影以他的受訪片段作故事開首,然後因為衰多口由天堂跌落地獄,事業愛情兩失意,衰開有條路,雙失中佬更慘被航空界列入黑名單,身邊的擦鞋仔全部走晒,更風水輪流轉,要做「契弟」求幫忙,喜劇難得含警世意味。
![老婆嗌離婚,工又冇埋,好彩韓正優仲有個仔。 老婆嗌離婚,工又冇埋,好彩韓正優仲有個仔。](https://image.hkhl.hk/f/1024p0/0x0/lr/sthl/a68c5bda5d36a472cec935d1f3474979/2024-08/13_10.jpg)
老婆嗌離婚,工又冇埋,好彩韓正優仲有個仔。
![收到成堆繳費通知書,韓正優把心一橫扮女搵食。 收到成堆繳費通知書,韓正優把心一橫扮女搵食。](https://image.hkhl.hk/f/1024p0/0x0/lr/sthl/6e91eee4d1f84975ef4479d386eccbeb/2024-08/7_16.jpg)
收到成堆繳費通知書,韓正優把心一橫扮女搵食。
![韓正優個妹,韓正美真身,都係癲嘅,韓善伙做白卡妹真係一流。 韓正優個妹,韓正美真身,都係癲嘅,韓善伙做白卡妹真係一流。](https://image.hkhl.hk/f/1024p0/0x0/lr/sthl/a78fff1986c76720ada17edc66c1a2f9/2024-08/5_15.jpg)
韓正優個妹,韓正美真身,都係癲嘅,韓善伙做白卡妹真係一流。
唔好買嘢食入場
為了再揸飛機,韓正優決定富貴險中求,請求美妝KOL細妹韓正美(韓善伙飾)幫手,化靚妝兼裝假胸再著返對高踭鞋,然後冒充妹妹應徵機師竟順利獲取錄,笑到黐線癲狂劇情就此展開,期間有大量危險位,會好驚「A貨韓正美」因大意而穿煲,全程Keep住又驚險又好笑,買咗爆谷入場應該食唔到,要留意返。
![「A貨韓正美」著花裙仔出街,獲叫靚女超興奮。 「A貨韓正美」著花裙仔出街,獲叫靚女超興奮。](https://image.hkhl.hk/f/1024p0/0x0/lr/sthl/a5a700ba28bff585ab0c4f7af28336a6/2024-08/26_9.jpg)
「A貨韓正美」著花裙仔出街,獲叫靚女超興奮。
![「A貨韓正美」開工要扮聲又要舉止斯文,經常徘徊穿煲之間,好好笑。 「A貨韓正美」開工要扮聲又要舉止斯文,經常徘徊穿煲之間,好好笑。](https://image.hkhl.hk/f/1024p0/0x0/lr/sthl/977dba4a06ff852336d3fc2530c0ff2a/2024-08/9_11.jpg)
「A貨韓正美」開工要扮聲又要舉止斯文,經常徘徊穿煲之間,好好笑。
![「A貨韓正美」越做越受歡迎,步真身後塵做埋星級機師拍廣告。 「A貨韓正美」越做越受歡迎,步真身後塵做埋星級機師拍廣告。](https://image.hkhl.hk/f/1024p0/0x0/lr/sthl/1aa9e5e24e2abc5585b5ab82b5ab1ba1/2024-08/19_4.jpg)
「A貨韓正美」越做越受歡迎,步真身後塵做埋星級機師拍廣告。
為了減輕佬味,曹政奭拍攝前努力減去15磅,加上天生有對纖瘦靚腿,著短裙真心好睇,狗公同事徐賢錫(申承浩飾)睇到發晒光,更因男扮女初期未熟習著裙禮儀而鬧出好多笑話,狗公同事更誤以為「A貨韓正美」嘅所有大意走光都係刻意引誘佢,哈哈哈哈哈。最後要讚翻譯,字幕抵死又貼地,有「脆」、「提子」及「大癲」等,同劇情勁夾,睇得好開心。
![阿妹同阿哥嘅互動有好多地獄笑位。 阿妹同阿哥嘅互動有好多地獄笑位。](https://image.hkhl.hk/f/1024p0/0x0/lr/sthl/f06968d43111756e883d5e6116fdcf36/2024-08/31_6.jpg)
阿妹同阿哥嘅互動有好多地獄笑位。
![「A貨韓正美」嘅狗公同事徐賢錫,亦曾是韓正優的擦鞋仔。 「A貨韓正美」嘅狗公同事徐賢錫,亦曾是韓正優的擦鞋仔。](https://image.hkhl.hk/f/1024p0/0x0/lr/sthl/0bb087865779d6eeb710100f1a0bf23e/2024-08/39_2.jpg)
「A貨韓正美」嘅狗公同事徐賢錫,亦曾是韓正優的擦鞋仔。
![「A貨韓正美」嘅閨密尹瑟琪(李宙明飾),同韓正優亦有過節。 「A貨韓正美」嘅閨密尹瑟琪(李宙明飾),同韓正優亦有過節。](https://image.hkhl.hk/f/1024p0/0x0/lr/sthl/8959d40b6ec3c22000497e4f87fe4474/2024-08/34_4.jpg)
「A貨韓正美」嘅閨密尹瑟琪(李宙明飾),同韓正優亦有過節。
---------------------------------------------
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
>>>下載【星島新聞(加拿大版) 】App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。
×