阿正首开栋笃笑兴奋摆屋企人上枱 童年秒速背股票号码技能终有用丨独家

商台DJ阿正（黄正宜）自小已享受讲嘢𠱁人开心，童年负责在家庭聚会表演超强记忆力，甚至连股票码号都背埋，之后发现做DJ可以讲嘢𠱁人开心仲有钱揾觉得超正，更以栋笃笑为梦想。热烈恭贺首担大旗举行首个栋笃笑《正DIVA》的阿正，自言首做焦点“淆淆哋”的她，预告处女Talk骚会出卖屋企人，又会邀请《胶战》战友做嘉宾。采访：杜杜 形象:Matthew Lee 发型:Nick 化妆:Sarah Dai 服装:3CE and Lalafox from i.t、Charles & Keith 场地:No.5 Studio

阿正庆幸《正DIVA》有林若宁做顾问，火火做导演，“个心就定好多。”但同时担心票房，“啲人听你节目唔代表会畀钱买飞。”

 

阿正着牛仔布晚装行红地毯影海报，喻意是个贴地的女主角。

 

阿正试过在不同媒介演出，但始终未能即时感受到观众的反应，“几享受撩人玩，见对方好反应，会更加hyper，就好想试吓栋笃笑。”但她一直只敢FF，唔敢好似老友DJ Elsie（吕珮琳）主动向商台CEO陈静娴提出开骚，“我成日觉得自己未ready、未储够嘢，迟啲先嘅心态，虽然森美大哥成日同我讲唔使谂，做咗先啦！”直到有日CEO拍佢膊头，“出年开骚㖞，准备吓啦。”

阿正初入电台便拍住森美工作，更经常获鼓励多方面尝试。

 

超强记性幼稚园生

阿正之后在《叱咤》小试牛刀，从此返唔到转头，“平时做主持，都唔会上台讲咁大段嘢，𠮶次真系第1次喺Spotlight下，见到观众反应，同埋肾上腺素话畀我知，我系好enjoy，有瘾啦！”栋笃笑命名《正DIVA》，因她好想真正做一次主角，“我定位比较似配角，系助攻角色，好少Spotlight长期喺自己度，虽然唔惯，但人一世物一世，点都想做次焦点，畀多啲自信自己，系好大胆挑战，讲真系淆淆哋。”

年初《叱咤》阿正小试牛刀，做了一段栋笃笑。

 

童年阿正已好享受讲嘢𠱁人开心，更会经常在家庭众会中，当着一班大人表演“绝技”，“细个记性好好，背嘢好叻，我记得好快，以前会喺亲友面前背篇文出嚟。”她笑言有表演过朗诵，但唔似Edan（吕爵安），“冇佢咁摇晒头囉！”除背文章，连记无意义的数目字亦有一手，“最经典试过背股票号码，0008就系电讯盈科，因为姑妈畀咗个股票机我揿，我觉得好得意。”当时她只是幼稚园生，大人都惊讶她有此“绝技”，“我背啲正经嘢，佢哋会欣慰嘅笑，姨母笑，但系无端端背股票号码，佢哋会觉得你搞咩呀？！”

阿正细个有表演朗诵，但强调唔似Edan摇晒头。

 

阿正读中学时，已经好有表演欲。

 

遗传父母优良基因

阿正成为中学生，更加享受引人笑，“原来我有能力令你哋笑出声㖞！细个好enjoy呢个角色，读书时更加劲，识咗班比我更黐线嘅friend，佢哋将我心入面只野兽放埋出嚟，玩得好尽，喺𠮶个氛围下，变得开朗，钟意见到大家开心。”变成“开朗正”的她发现DJ工作适合自己，“细个enjoy𠱁人开心，但唔会知道点样转化成事业，直至听收音机，呢班人做咩咁好笑嘅，听得好开心㖞！先意识到令人快乐都可以系工作嚟，黐线㗎，边会有咁笋嘅工㗎！觉得我几啱做呢样嘢，就想做DJ。”她亦成为栋笃笑粉丝，黄子华、林海峰、森美和卓韵芝等的栋笃笑全部睇晒，但自问跟他们级数差距太大，“前辈历练比较多，讲嘢会大胆啲、宏观啲，我讲啲小情小爱同生活琐事。”

自小恨做DJ的阿正，入职首日影低工作证纪念。

 

身为栋笃笑粉丝的阿正，当然唔会错过林海峰的Talk Show。

 

栋笃笑话题少不免出卖自己，阿正亦唔例外，她预告更会出卖埋屋企人，“我阿爸阿妈实在太有趣嘞！”她认为鬼马性格来自父母，“我阿妈啲基因对我功不可抺，都要多谢老窦，佢比较理性，令我冇直接走到疯狂尽头，有返少少理性，两个基因喺度拉扯，令我变得更好，呢个骚想大家认识我，源头一定由基因开始。细佬都好多嘢可以讲，佢哋好fun。”因为《正DIVA》打算请嘉宾，她形容比较似综艺骚，“有啲环节想揾埋《胶战》佢哋一齐玩，应该会好开心。”但她担心大家都忙，特别跟林明祯传绯闻的Edan，“为港争光嘛！佢自求多福，就算唔得闲表演，都冇穿冇烂咁嚟睇，不过我唔知留1张飞定2张飞畀佢嘞！Jeffrey（魏浚笙）𠵱家系世界级，一定会留2张飞畀佢，我好知定嘅。”

尽得父母优良基因的阿正，预告开骚会疯狂出卖他们。

 

阿正笑言Edan忙同林明祯搞绯闻，未必有时间做嘉宾。

 

阿正相信揾《胶战》战友做嘉宾，一定会好玩。

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。