洪嘉豪自爆身邊勁多「小新」 未有打算做爸爸 首次配音自覺執生能力唔錯丨獨家

洪嘉豪為動畫電影《蠟筆小新：我們的恐龍日記》聲演熱血青年比利一角，首次挑戰聲演的他，坦言動畫《蠟筆小新》陪伴不同年代的人成長，雖然今次聲演新角色比利，但從未試過聲演，也覺得是一個挑戰。他說：「呢個角色係新加入，唔可以睇返啲作品溫書，但係我有睇日本版本係點！其實大會有畀一個機密日本版本我睇，不過講日文無字幕就唔明白，所以我大概睇下人哋把聲點配音。」圖：朱偉彥、文：鄺芷瑩

自小愛睇卡通片的洪嘉豪，笑言《蠟筆小新》是其中喜愛之一。

 

他透露童年時父母不準他睇漫畫，於是經常去洗手間匿埋睇。

 

洪嘉豪覺得主角小新好曳，經常口花花撩姐姐，但認為這樣是好睇之處。

 

洪嘉豪坦言聲演要配合返動畫角色的口形，好有難度。

 

洪嘉豪想嘗試聲演小新爸爸野原廣志，因為可以鬧人又被老婆欺負。

 

若然將來個囝囝似足「小新」，嘉豪表示未有生育計劃。

 

嘉豪表示玩人哋嗰啲已足夠。

 

洪嘉豪攬住小新。

 

自小愛睇卡通片的洪嘉豪，笑言《蠟筆小新》是其中喜愛之一，不過父母不準他睇漫畫，於是經常去洗手間匿埋睇，並笑謂覺得主角小新好曳，經常口花花撩姐姐，但認為這樣是好睇之處。對於今次聲演的難度，洪嘉豪坦言要聲演配合返動畫角色的口形，可能十個句子，但變成五個字講完，於是要講得很快。他說：「如果覺得句子太長或講太急，導演會改咗啲字，所以臨場專注力好緊要。我執生能力都ok嘅，好彩我參與過廣播劇，睇住份稿去讀，但睇住稿又要睇住個畫面，呢個真係難度。」

「未有生兒育女計劃」

談到今次聲演比利，若然有機會想挑戰聲演那個角色？洪嘉豪笑言想嘗試聲演小新爸爸野原廣志，因為可以鬧人又被老婆欺負。他說：「小新角色太根深蒂固，反而爸爸角色玩味重，今次比利角色好認真，係個好熱血嘅青年。」當笑問若然將來個囝囝似足「小新」，可覺開心還是擔心？他說：「我身邊啲朋友嘅小朋友，全部都係「小新」。佢哋周圍走又跑來跑去，搞到成身濕晒！爸爸去踢波又跟埋去，撞來撞去！其實我諗起每個小朋友都有呢個頑皮一面，我就未有生兒育女計劃，玩人哋嗰啲已足夠。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。