《劫機1971》 好似睇緊《Top Gun》丨頭條戲場
好鍾意睇真人真事改編的電影,因為每次睇親都覺得劇情好離譜、好假,但真實世界確實有發生過,睇到好嬲,然後你會感恩,發覺呢個世界對你原來唔係咁差。電影改編自1971年發生在韓國的一單劫機事件,被迫退出南韓空軍,轉職商用客機副機長的泰仁(河正宇飾),以一力敵劫機者庸旲(呂珍九飾),劫機片套路全部齊晒,緊張、驚險、煽情乜都有,機師有型,空姐玉順(蔡秀彬飾)又靚,最重要拍過《白頭山:火山浩劫》的金盛漢導演,將《劫機1971》拍到好有《壯志凌雲》Feel,其實幾驚喜。(上映中) 撰文:廖思慧
![由江原道束草機場出發往漢城金浦機場,起飛前泰仁平息乘客紛爭。 由江原道束草機場出發往漢城金浦機場,起飛前泰仁平息乘客紛爭。](https://image.hkhl.hk/f/1024p0/0x0/lr/sthl/879f18de0f92cdac535e4ae79440e141/2024-08/hijack1971_still_014.jpg)
由江原道束草機場出發往漢城金浦機場,起飛前泰仁平息乘客紛爭。
![當年缺乏安檢,劫機者拎住三個土製炸彈都可以上機。 當年缺乏安檢,劫機者拎住三個土製炸彈都可以上機。](https://image.hkhl.hk/f/1024p0/0x0/lr/sthl/fa53fbadcec71c38c4da9b50051a0beb/2024-08/hijack1971_still_009.jpg)
當年缺乏安檢,劫機者拎住三個土製炸彈都可以上機。
男主角河正宇在訪談中表示:「《劫機1971》係我拍過最攰嘅戲,因為劇組喺片場搭咗一架真實尺寸嘅飛機,而飛機下面有一個搖晃機,所以真係好似飛緊一樣。」同埋,河正宇飾演的副機長由頭帶到尾,乘客有爭執,勸交係佢、同劫機者談判係佢、連隻揪劫機者都係佢,仲要揸飛機呢,難怪拍到攰嘅。
![泰仁希望跟庸旲談判但失敗,後者逼前者下跪。 泰仁希望跟庸旲談判但失敗,後者逼前者下跪。](https://image.hkhl.hk/f/1024p0/0x0/lr/sthl/e87bad89edc3fa25508969c0ea4b8265/2024-08/0003.jpg)
泰仁希望跟庸旲談判但失敗,後者逼前者下跪。
![劫機者庸旲因在南韓被屈坐監,放監後阿媽死埋被逼走上絕路。 劫機者庸旲因在南韓被屈坐監,放監後阿媽死埋被逼走上絕路。](https://image.hkhl.hk/f/1024p0/0x0/lr/sthl/4a23f36cea5ab14b511821bc6cf66608/2024-08/0001_0.jpg)
劫機者庸旲因在南韓被屈坐監,放監後阿媽死埋被逼走上絕路。
高空追逐好刺激
電影有別一般劫機片,描述乘客人性唔算深入,反而因為客機被迫越過休戰線進入北韓時,戰鬥機對民航機發出射擊警告,帶領觀眾進入劇情高潮,民航機不斷閃避戰鬥機,前者360度環迴旋轉,又突然減速令機身垂直後翻轉倒飛,再翻半圈回復水平飛行,好似睇緊《Top Gun》,黐線勁緊張呀。
![空姐玉順亦好幫到手,穩定乘客情緒,又幫手救人。 空姐玉順亦好幫到手,穩定乘客情緒,又幫手救人。](https://image.hkhl.hk/f/1024p0/0x0/lr/sthl/8dd365b5bdc7a0c1be0253f904cf8512/2024-08/hijack1971_still_015.jpg)
空姐玉順亦好幫到手,穩定乘客情緒,又幫手救人。
![本是空軍的泰仁轉職揸民航機,全靠佢,60名乘客全部獲救。 本是空軍的泰仁轉職揸民航機,全靠佢,60名乘客全部獲救。](https://image.hkhl.hk/f/1024p0/0x0/lr/sthl/cab2f673b175523a435bd8354ac1ddfc/2024-08/hijack1971_still_018.jpg)
本是空軍的泰仁轉職揸民航機,全靠佢,60名乘客全部獲救。
片長100分鐘,緊張位佔咗8成,難得煽情位唔算過份賣弄,CG特效逼真,故事節奏明快無可挑剔。好多觀眾都覺得疑惑,全機60人,得一個𡃁仔劫機者都制服唔到佢?呢個世界講就真係好無敵。為呢單真實事件感到難過,睇返有關歷史,英勇副機長真係用身體擋炸彈,希望佢嘅後人都能一生平安。
![乘客包括呢位袋住成身錢的老細,炸彈一爆,執返啲錢先。 乘客包括呢位袋住成身錢的老細,炸彈一爆,執返啲錢先。](https://image.hkhl.hk/f/1024p0/0x0/lr/sthl/9d89e9e084bee7670e265b066647e51e/2024-08/111_5.jpg)
乘客包括呢位袋住成身錢的老細,炸彈一爆,執返啲錢先。
![成東鎰(右)飾演機長圭植,劫機後期因傷而睇唔到嘢,要全靠副機長揸飛機。 成東鎰(右)飾演機長圭植,劫機後期因傷而睇唔到嘢,要全靠副機長揸飛機。](https://image.hkhl.hk/f/1024p0/0x0/lr/sthl/ca8ea78480dd95b052fc90af6eb1521d/2024-08/hijack1971_still_017.jpg)
成東鎰(右)飾演機長圭植,劫機後期因傷而睇唔到嘢,要全靠副機長揸飛機。
![機長在劫機時一樣保持冷靜,負傷帶領乘客們逃出生天。 機長在劫機時一樣保持冷靜,負傷帶領乘客們逃出生天。](https://image.hkhl.hk/f/1024p0/0x0/lr/sthl/3a7bdefe43a80802ed16c089069ec224/2024-08/hijack1971_still_016.jpg)
機長在劫機時一樣保持冷靜,負傷帶領乘客們逃出生天。
![由於這款航機早已停產,劇組經過多重考證,鉅細無遺地重塑這款客機機身。 由於這款航機早已停產,劇組經過多重考證,鉅細無遺地重塑這款客機機身。](https://image.hkhl.hk/f/1024p0/0x0/lr/sthl/47c4e1d20776d5cb3aa80bb3fb41c395/2024-08/Hijack1971_Still_012.jpg)
由於這款航機早已停產,劇組經過多重考證,鉅細無遺地重塑這款客機機身。
![導演有請教現實中的機師,確保飛機飛行時符合現實。 導演有請教現實中的機師,確保飛機飛行時符合現實。](https://image.hkhl.hk/f/1024p0/0x0/lr/sthl/35bcb5492dcda74c37f806321ce9fead/2024-08/00000001.jpg)
導演有請教現實中的機師,確保飛機飛行時符合現實。
![為了表達一觸即發的緊張感,金盛漢導演和幕後人員均有在模擬飛行器上學習操控F-27 民航機和 F-5 戰鬥機。 為了表達一觸即發的緊張感,金盛漢導演和幕後人員均有在模擬飛行器上學習操控F-27 民航機和 F-5 戰鬥機。](https://image.hkhl.hk/f/1024p0/0x0/lr/sthl/707162a710c195d8633bcde7980da2c9/2024-08/p2911491315.jpg)
為了表達一觸即發的緊張感,金盛漢導演和幕後人員均有在模擬飛行器上學習操控F-27 民航機和 F-5 戰鬥機。
![為讓拍出來的效果更真實,劇組也進行了超過二十次以上的模擬飛行。 為讓拍出來的效果更真實,劇組也進行了超過二十次以上的模擬飛行。](https://image.hkhl.hk/f/1024p0/0x0/lr/sthl/8e2fc445a6e47ea96582ab702c35adfd/2024-08/p2908710259.jpg)
為讓拍出來的效果更真實,劇組也進行了超過二十次以上的模擬飛行。
![所有飛行場面均由從事機師培訓工作的柳在結教授親自指導,確保演員們在操作飛機時呈現出真實感。 所有飛行場面均由從事機師培訓工作的柳在結教授親自指導,確保演員們在操作飛機時呈現出真實感。](https://image.hkhl.hk/f/1024p0/0x0/lr/sthl/889744896fe74a02f0f4fbbb96f46f7e/2024-08/p2911283789.jpg)
所有飛行場面均由從事機師培訓工作的柳在結教授親自指導,確保演員們在操作飛機時呈現出真實感。
![電影除了鉅細無遺展現飛機的飛行過程,也拍出空中追逐時令人透不過氣的緊張感。 電影除了鉅細無遺展現飛機的飛行過程,也拍出空中追逐時令人透不過氣的緊張感。](https://image.hkhl.hk/f/1024p0/0x0/lr/sthl/0a6de362017e096feaf6b4cf7f344552/2024-08/p2911491299.jpg)
電影除了鉅細無遺展現飛機的飛行過程,也拍出空中追逐時令人透不過氣的緊張感。
![360度環迴旋轉,亦即「英麥曼迴旋」,也是透過精密計算來判定。 360度環迴旋轉,亦即「英麥曼迴旋」,也是透過精密計算來判定。](https://image.hkhl.hk/f/1024p0/0x0/lr/sthl/7cd5989991ac64b6e74bb64214c7c5ed/2024-08/p2911492716.jpg)
360度環迴旋轉,亦即「英麥曼迴旋」,也是透過精密計算來判定。
![觀眾就如身處片中的民航客機機艙,第一身感受當中的危機。 觀眾就如身處片中的民航客機機艙,第一身感受當中的危機。](https://image.hkhl.hk/f/1024p0/0x0/lr/sthl/0230e5b66b586a3ce65ebb2248712e5e/2024-08/p2911494769.jpg)
觀眾就如身處片中的民航客機機艙,第一身感受當中的危機。
---------------------------------------------
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
>>>下載【星島新聞(加拿大版) 】App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。
×