《不丹沒有槍》完美演繹「我全家都好幸福」丨頭條戲場
不丹電影雖然少見,但作品都好厲害,2022年Pawo Choyning Dorji執導的《不丹是教室》就入圍第94屆奧斯卡最佳國際影片,同導演的《不丹沒有槍》也進入今年奧斯卡最佳國際電影15強。後者講民主同投票,較講述教育的前者嚴肅百倍,不過唔使驚,牽涉政治的電影都唔一定血流成河講打講殺,導演繼續以喜劇的方式呈現,以黑色幽默帶出不丹首次民主化的有趣過程,因為對白好Mean,全程不斷被導演引到笑出聲。最重要觀影過程中會令你反思何謂「自由」及「幸福」,散場後內心難得平靜,唔該晒導演。(8月22日上映) 撰文:廖思慧
![不丹曾被評為全球最幸福國家,風景真係靚到癲,睇戲已覺得心曠神怡。 不丹曾被評為全球最幸福國家,風景真係靚到癲,睇戲已覺得心曠神怡。](https://image.hkhl.hk/f/1024p0/0x0/lr/sthl/7edb7d75ddd372c1297b6eee6bbf1f10/2024-08/010_0.jpg)
不丹曾被評為全球最幸福國家,風景真係靚到癲,睇戲已覺得心曠神怡。
電影背景為2006年,時任不丹國王晉美旺秋(Jigme Singye Wangchuck)決定退位,宣布將國家導向民主化,並將於2008年舉行首屆不丹國民議會選舉,人民對突如其來的「民主」搲晒頭,覺得好哋哋點解要轉?更擔心國王是否病了。
![不丹作為全球最後開放電視及網路的國家,人民好單純,生活簡單。 不丹作為全球最後開放電視及網路的國家,人民好單純,生活簡單。](https://image.hkhl.hk/f/1024p0/0x0/lr/sthl/6bb50ff2c78ec215fe571ab255e3f57d/2024-08/009_2.jpg)
不丹作為全球最後開放電視及網路的國家,人民好單純,生活簡單。
「投票都要教?」
選舉成為大新聞,日播夜播,正在閉關靜修的喇嘛聽到廣播即吩咐徒弟,必須於大選之日前要搵到一支槍,同時間,全片最重要角色,一位美國槍械收藏家到訪不丹,得知國王為教市民投票大搞「模擬大選」非常疑惑,「投票都要教?」觀眾透過美國人的視角去了解不丹人民的天真無邪,會心微笑位非常多,美國人以為「有錢使得鬼推磨」,對無慾無求的人就最難收買,最後,佢同心儀古董槍擦身而過,但能帶走不丹巨型吉祥物,更無啦啦累積了功德,害我笑得好大聲。
![不丹人帶美國人去搵老人搵槍,後者口頭承諾將槍以超平價賣畀美國人。 不丹人帶美國人去搵老人搵槍,後者口頭承諾將槍以超平價賣畀美國人。](https://image.hkhl.hk/f/1024p0/0x0/lr/sthl/0f414708fdb40af4dfb3b48ad2783960/2024-08/002_2.jpg)
不丹人帶美國人去搵老人搵槍,後者口頭承諾將槍以超平價賣畀美國人。
![徒弟又係搵槍,老人得知喇嘛要槍,錢都唔收送畀對方。 徒弟又係搵槍,老人得知喇嘛要槍,錢都唔收送畀對方。](https://image.hkhl.hk/f/1024p0/0x0/lr/sthl/4daa274cb326fee18a61ecccdad4dce0/2024-08/001_4.jpg)
徒弟又係搵槍,老人得知喇嘛要槍,錢都唔收送畀對方。
![美國人想用錢收買徒弟(右)支槍,徒弟唔需要錢,收買唔到,完全顛覆三觀。 美國人想用錢收買徒弟(右)支槍,徒弟唔需要錢,收買唔到,完全顛覆三觀。](https://image.hkhl.hk/f/1024p0/0x0/lr/sthl/3f8f26d958fc74dc91f8d90e6d9db7de/2024-08/006_2.jpg)
美國人想用錢收買徒弟(右)支槍,徒弟唔需要錢,收買唔到,完全顛覆三觀。
最過癮模擬選舉中,官員要國民在代表工業發展的「紅黨」、代表自由與平等的「藍黨」及代表保護環境的「黃黨」中投選最鍾意的黨派,還教各派助選團互相指責爭取選票,有老人家諗唔通,覺得投票啫,「點解要教我鬧人?互相攻擊?」而大部份人民亦覺得活在幸福中,唔好搞咁多嘢啦,「民主自由」唔係個個都想要,荒謬又好笑。
![選委會安排法會跟模擬投票同時舉行,貪多人參與。 選委會安排法會跟模擬投票同時舉行,貪多人參與。](https://image.hkhl.hk/f/1024p0/0x0/lr/sthl/52157b702a0ce26c4ca6ee50c8034fe4/2024-08/011_1.jpg)
選委會安排法會跟模擬投票同時舉行,貪多人參與。
![徒弟周圍搵槍,好多人話冇,但更多人問?「槍係咩嚟㗎?」最終成功搵到。 徒弟周圍搵槍,好多人話冇,但更多人問?「槍係咩嚟㗎?」最終成功搵到。](https://image.hkhl.hk/f/1024p0/0x0/lr/sthl/81f0fe034919e35a11866e4e389241eb/2024-08/007_4.jpg)
徒弟周圍搵槍,好多人話冇,但更多人問?「槍係咩嚟㗎?」最終成功搵到。
---------------------------------------------
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
>>>下載【星島新聞(加拿大版) 】App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。
×